Македонија
(Видео) Исмаил од Левица до Бендевска: Транзициски профитер со истрошена идеологија нема лице да расправа за човекови права

На вчерашната Комисија за деловнички и мандатно-имунитетни прашања, „на која пратениците од ВМРО-ДПМНЕ и ЗНАМ се обидоа да ја саботираат закажаната Надзорната расправа во врска со аерозагадувањето“, пратеникот од Левица, Реџеп Исмаил, на пратеничката Весна Бендевска која тврдеше дека Постојаната анкетна комисија за заштита на слободите и правата на граѓанинот е несоодветна за расправа за чистиот воздух, ѝ се обрати со „транзициска профитерка“ која нема лице да расправа за човекови слободи и права.
„Вие апсолутно не знаете зошто ја свикавте оваа Комисија. Вие сакате само да ја саботирате закажаната Надзорна расправа за загаденоста на воздухот на Постојаната анкетна комисија“, започна пратеникот Реџеп Исмаил од Левица.
„Ние не можеме поганите дела поинаку да ги условиме, освен со погани соодветни зборови. Како другачие очекувате вие да ја констатираме фактичката состојба на делата на криминалците? Или треба ние нив да ги претставиме како Том и Џери, само за да избереме зборови коишто Вас не би Ве навредиле?! За да не ве навредат, треба да престанете да ги правите тие дела. Во крајна линија, за делата одговараме! Делата се тие коишто ја креираат оваа состојба. А кои се тие дела? Не може од Министер за животна средина, којшто Чаир ја направи најпрљавата општина, да има дела коишто ќе допринесат за чистиот воздух. Како треба да го наречеме него?“, продолжи тој.
„Свикана е Постојана анкетна комисија за заштита на слободите и правата на граѓанинот. Почитувана колешке Бендевска, поради тоа што е за ‘слободите и правата на граѓанинот’. Слободите не можете да ги ограничите ни со Закон. Зошто спорите дека оваа тема е несоодветна за оваа комисија? Затоа што сте транзициска профитерка, побегуља од социјал-демократска партија во десница и тоа е доказ дека немата поим од идеологија. Колешке Бендевска, чистиот воздух е иманентно човеково право!“, заклучи пратеникот од редовите на Левица.
„Јас со 20 други пратеници сум побарал да има анкетна комисија, и од таму тој е должен да ја свика. Тој ако ви удоволи Вас, тогаш мене ќе ми прекрши право. Ние на Надзорната расправа сакаме да покажеме дека чистиот воздух е обврска на државата и да го повикаме на одговорност не само Меџити, туку и другите службеници коишто имаат обврска да се грижат за јавниот воздух, а тоа не го прават. И оние коишто го загадуваат и оние кои не го казнуваат тоа. Ние сакаме да ја повикаме државата и нејзините институции на почитување на нивната обврска“, истакна пратеникот Реџеп Исмаил на вчерашната комисиска седница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Отежнато се одвива сообраќајот на патниот правец Валандово – Струмица поради одрони

На патниот правец Валандово – Струмица, кај Костурино поради одрони сообраќајот е одвива отежнато и забавено.
Патниот правец Крушево-с.Долно Дивјаци -с.Кочиша е небезбеден за сообраќај и претсавува опасност за нормално одвивање на сообраќајот и поради таа причина истиот од 15.00 часот на 04.04.2025 година до негово санирање истиот ќе биде затворен за секаков вид на сообраќај, а граѓаните од населените места ќе користат регионален пат с.Пуста Река -Крушево.
Сообраќајот на државните патишта се одвивa непречено, по претежно влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Дали тоа што Апасиев прави зделки преку извршител близок до ДУИ, ја поткрепува тезата дека триото СДС-ДУИ-Левица постои, прашува ВМРО-ДПМНЕ

Ова е време на транспарентност и ако документите се јавно достапни, зошто Левица не ги објават самите и се повикуваат на катастар, прашуваат од ВМРО-ДПМНЕ.
Според оваа партија, кога ќе бидат нешто конкретно прашани Левица веднаш преминуваат на теми како државни тајни или пак владини функционери, а се само магливи обвинувања за да избегнат одговорност.
„Повторно манипулираат со оние нивни „левичарски“ вредности, и преку дефанзивен популизам, користат реторички напади кон власта како алатка за дистракција. Овој механизам на дистракција е веќе препознатлив за Апасиев.
Апасиев повторно изигрува жртва на некаква голема завера која се крои против него, а е лидер на партија со претставници во Собрание и пристап до ресурси. Ваквиот наратив веќе е потрошен“, нагласуваат од оваа партија.
Прашуваат, дали тоа што Апасиев прави зделки преку извршител близок до ДУИ, ја поткрепува тезата дека сепак триото СДС-ДУИ-Левица постои.
Македонија
(Видео) „Поршето“ во Дебар маало не било на полицаец туку на ексамбасадорот Срѓан Керим

Паркираното „порше“ во Дебар маало не било на полицаец, туку било во сопственост на Срѓан Керим, ексминистер за надворешни работи, амбасадор на Македонија во Обединетите нации и во Германија.
Неговите иницијали се најдоа и во информација од МВР, каде стои „на возачот на возилото С.К. издаден му е платен налог“.
Керим во писмен допис до одредени медиуми кажал дека нема потреба од никакви коментари и дека било постапено според позитивните прописи што важат во вакви случаи.
Видеото со неговиот автомобил наиде на бројни реакции во јавноста, откако надлежните се повлекоа со екипата од ПОЦ со намера да не го санкционира сторителот.
МВР информираше дека настанот се случил на 22 март.
„Ве информираме дека предметното возилото не е на полициски службеник“, велат од МВР откако се појавија и реакции дека споменатото возило било на полицаец.