Македонија
(Видео) Исмаил: Струјата нема да поевтини, профитот на Мицкоски ќе се зголеми

Со зголемено производство нема да поевтини струјата, ќе се зголеми профитот на сопствениците на хидроцентралите, а хидроцентралите се во рацете на Мицкоски, ова го истакна пратеникот од Левицата, Реџеп Исмаил-Хактан во својата реплика по однос на измените во Законот за енергетиката.
„Значи, не е работата дека струјата ќе поевтини ако производството се зголеми! Производството ќе го зголемат само профитот на тие што ги имаат средствата за производство, а тоа е вашиот претседател Христијан Мицковски, кој е премиер на државата. Хидроцентралите се во негови раце“, појасни Исмаил.
Реплицирајќи, Исмаил го истакна покачувањето на струјата.
„Колега Бојан… или како и да се викаше, извини, не те запамтив! Кога зборуваш за супстанците, треба малку да се засрамиш! Кога некој друг зборува на оваа говорница, само да може камерата да ги фати вашите колеги какви гримаси прават тука кога зборуваме и тогаш да зборуваш за супстанци. А изгледа не ти кажале во штабот дека струјата поскапе, а не дека се намали“, поентира Исмаил, пратеник од Левицата и потпретседател на партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски и „ЕУ за чист воздух“: Се садат чинари во училиштата и градинките во општина Кисела Вода

Градоначалникот на општина Кисела Вода, Орце Ѓорѓиевски, денес присуствуваше на акцијата за садасување на дрвја чинари во ООУ „Кузман Шапкарев“ како дел од големата еколошка иницијатива, што Општината ја спроведува во сите училишта и градинки. Оваа акција се реализира со поддршка на Канцеларијата за проектни услуги во рамките на проектот „ЕУ за чист воздух“, финансиран од Европската Унија, која ги донира садниците.
„Засадувањето на секое дрвце е инвестиција во иднината на нашите деца. Како Општина, континуирано работиме на подобрување на квалитетот на воздухот и животната средина. Оваа донација е особено значајна бидејќи се насочува токму кон училиштата и градинките – местата каде што нашите деца растат и се образоваат. Покрај многуте акции за пошумување, во сите училишта поставивме прочистувачи на воздухот, а во поголемите паркови на отворено – надворешни пречистувачи, достапни за сите граѓани. Нашата заложба за чиста и здрава животна средина нема да запре овде. Продолжуваме со реализација на еколошки проекти, кои ќе донесат подобри услови за сите жители на Кисела Вода“, изјави градоначалникот Ѓорѓиевски изразувајќи голема благодарност до Европската Унија и до Канцеларијата за проектни услуги за донацијата и поддршката на иницијативата.
„Овој проект е уште еден доказ дека споделуваме исти вредности – грижа за околината и за здравјето на идните генерации. Благодарност до сите што придонесуваат за оваа благородна цел. Заедно создаваме почиста, позелена и поздрава Кисела Вода“, додаде Ѓорѓиевски.
Македонија
Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на лекување, им подлегна Александар Карадакоски. Во Литванија бил испратен со 40 отсто изгорено тело.
„За жал, утрово, два часа пред да тргнам за Липково, ја добив лошата вест дека еден пациент е починат во Литванија. Од четворицата пациенти, тој беше најкритичниот. Од 1 април му откажа работата на бубрезите, практично беше ставен на дијализа и, за жал, утрово ја добив лошата информација дека починал. 40 отсто од телото му беше со изгореници. Од почетокот главен проблем беше инфекцијата, огромната површина рани што ги имаше на телото. Да се надеваме другите критични пациенти да поминат подобро и да ни се вратат во државата“, рече министерот Таравари утрово по посетата на Здравствениот дом во Липково.
Карадакоски е еден од четворицата пациенти за кои министерот постојано известува дека се во критична состојба. Министерот Таравари утрово извести дека од 80 пациенти што се лекуваат во странство, во овој момент има петнаесетмина, кои се интубирани, сите други дишат самостојно.
Македонија
Во тек е исплатата на правата од социјална и детска заштита

Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец Март 2025 година.
Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 04 Април 2025 година.
Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:
04.04.2025 – А, Б, В, Г, Д, Ѓ, Е, Ж, З, Ѕ, И, Ј, К, Л, Љ
07.04.2025 – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.