Македонија
(Видео) Каевски: Македонската борба е за интеграција и подобар животен стандард, а не за изолација

„Македонската борба, на револуционерите, илинденците, партизаните, учесниците во НОБ, беше борба за подобра иднина на македонската држава, на идните генерации. Никогаш македонската борба не била за изолација, уназадување и стагнација. Така е и денеска“, рече Дарко Каевски, портпарол и пратеник на СДСМ.
„Македонската борба на денешните генерации е политичката борба за подобра, европска иднина на нашата татковина и сите наши граѓани.
Лажниот, квази патриотизам на ДПМНЕ и Левица е моментално единствена закана за подобра, европска држава.
Лажниот патриотизам носи изолација на земјата, неизвесност, економска стагнација, празни џебови и празни фрижидери за граѓаните.
Лажниот патриотизам и блокадата на европскиот пат води до нов егзодус и иселување на младите, до загрозување на македонскиот идентитет. Затоа, антиевропската агенда е антимакедонска.
Тоа е прескапа цена која граѓаните може да ја платат. Тоа не смееме да го дозволиме и нема да го дозволиме.
Македонската борба е за интеграција и подобар животен стандард а не за изолација. Антиеврооската агенда на ДПМНЕ и Левица ќе биде поразена со нова државничка победа, со победа на европскиот фронт на изборите следната година.
Заедно со граѓаните ќе ја обезбедиме македонската европска иднина. Сите македонски граѓани да бидат европски граѓани, со поголеми плати, со поголем животен стандард, со европски квалитет на живот.
Да седиме на големата маса, рамо до рамо со големите европски народи и самите да одлучуваме за себе а не некој друг.
Младите да ги сочуваме во земјата. Никој повеќе да не биде принуден да зема пасоши на други земји или да ја бара својата егзистенција надвор, во туѓи земји“, изјави Дарко Каевски, портпарол и пратеник на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.
Македонија
Посебен сообраќаен режим утре во Скопје

Од утре петок до сабота, во официјална посета на Р.С.Македонија ќе присуствува претседателот на Владата на Република Србија, Ѓуро Мацут.
Од тие причини Едницата за безбедност на патниот сообраќај ќе преземе мерки за посебен режим на сообраќај на подрачјето на град Скопје.
МВР апелира до граѓаните да се почитуваат наредбите што ќе ги даваат униформираните полициски службеници.
Македонија
Судијата за врски на Франција за балканскиот регион во посета на Јавното обвинителство

Јавниот обвинител на Република Северна Македонија Љупчо Коцевски денеска се сретна со францускиот амбасадор Кристоф Ле Риголер, на средба за претставување на новоназначениот судија за врски на Република Франција за регионот Сирил Лакомб.
Тој е еден од вкупно 20 судии за врски на Франција во светот, а од државниот обвинител Коцевски се информираше директно за состојбите во обвинителството. Притоа, судијата за врски Лакомб понуди поддршка со оперативна и техничка помош, но и експертиза преку француските правосудни органи.
Бидејќи и самиот бил јавен обвинител и лице за врски на Република Франција со Европравда, Лакомб се интересираше и за постапката за делегирање на обвинителот за врски на Република Северна Македонија во оваа меѓународна институција.
Јавниот обвинител Коцевски, од своја страна, изрази благодарност за континуираната француска поддршка за работата на Јавното обвинителство.