Македонија
(Видео) Ковачевски-Шидер: СДСМ има јасен план за продолжување на европскиот пат, ЕУ е нашата единствена алтернатива

Претседателот на Социјалдемократскиот сојуз на Македонија, Димитар Ковачевски, денеска одржа средба со европратеникот и носител на листа на социјалдемократите во Австрија за изборите во ЕУ,Андреас Шидер, на која што присуствуваа и вицепремиерот за европски прашања и секретар за меѓународна соработка на СДСМ, Бојан Маричиќ и пратеничката од СДСМ, Санела Шкриељ.
На средбата се разговараше за претстојните избори, за состојбата во државата кога СДСМ ја презема власта, за тоа што СДСМ како партија која ја преводи Владата, успеа да го реализира изминативе седум години, но и за плановите за понатаму.
Ковачевски на средбата посочи дека на претстојните избори пред граѓаните се два концепта. Едниот концепт на СДСМ и Коалицијата за европска иднина кој значи прогрес и нтеграција на државата, подобар животен стандард, подобри и поголеми плати и пензии за сите граѓани, економски развој, безбедност и стабилност, кој всушност преставува продолжување на политиките што СДСМ ги спроведува во изминатите седум години. Другиот концепт е сосема спротивен пат која ја носи државата во безнадежност и изолација
На средбата со европратеникот Шидер, знаеднички беше ставот, дека Северна Македонија припаѓа во ЕУ и мора да го продолжи европскиот пат, тоа е единствената алтернатива и можност која носи позитивни промени за дравата.
Европратеникот Шидер, изрази поддршка за СДСМ за претстојните избори, како прогресивна партија која има јасен и конкретен план за остварување на стратешките цели кои се од инетерс за граѓаните и државата.
Ковачевски на средбата, посочи дека Владата предводена од СДСМ покажа јасна посветеност и донесе тешки и храбри одлуки, кои резултираа позитивно врз државата. Северна Македонија стана членка на НАТО, по 17 години чекање се отворија пристапните преговори со Европската Унија, а паралелно се затворија речиси сите отворени прашања со нашите соседи.
Воедно, потенцираше стратешките одлуки се носеа и во време на две тешки кризи – ковид пандемијата, енергетската криза, војната во Украина. Во тој контекст, Ковачевски посочи дека дека благодарение на правилните политики и мерки на Владата предводена од СДСМ, се заштити животниот стандард на граѓаните, се зголемија платите и пензиите, успешно се изменаџира снабдувањето на струја и парно, се намали невработеноста, се зголемија инвестициите.
Во однос на програма на СДСМ за претстојните избори, Ковачевски потенцираше дека таа преставува продолжение на сите позитивни резултати што досега се постигнаа и се заснова на 7 столба: Нова економска енергија за европски раст и стандард,Добро управување-подобар и праведен систем за сите, Грижа за сите, Европски квалитет на живот, Безбедна Македонија,Македонија во ЕУ до 2023, Млади-столбот на иднината.
Ковачевски на средбата посочи дека доколку СДСМ ја формира новата Влада, приоритет ќе биде продолжување на патот кон ЕУ, исполнување на целите од програмата кои значат подобар европски животен стандард за граѓаните, економски развој, унапредување на демократијата, слободите, социјалната вклученост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Во тек е реновирање на градинката „13 Ноември“, подобрени условите во сите градинки

Општина Центар информира дека во матичниот објект на ЈОУДГ „13 Ноември“ во тек е реновирање на „Новиот дел“ кој ги опфаќа просторот јасли и долниот кат. Во моментов, се врши молерисување на ѕидовите, а веќе е завршено стругањето и лакирањето на паркетот во занималните и ходниците.
„Молерисувањето ги опфаќа и скалите, влезот, канцелариите, тријажниот простор и чајната кујна. По завршување на оваа фаза, ќе продолжи стругањето и лакирањето и на „стариот дел“ од објектот, каде молерисувањето беше изведено во претходната година. Условите во градинките мора да бидат одраз на грижата што ја имаме кон најмладите. Затоа, вложуваме континуирано во безбедна, функционална и топла средина каде што децата растат среќни, а вработените имаат подобри услови за работа”, потенцира градоначалникот Горан Герасимовски.
Дополнително, реализирана е набавка на нов мебел за занималните во Матичниот објект, како и набавка на три нови клима-уреди кои ќе бидат монтирани во просториите каде што е најнеопходно.
Во главната кујна на Матичниот објект инсталирана е нова конвекциска печка (со шест нивоа), со што се овозможува побрза и поефикасна подготовка на храна, известува Општината.
Герасимовски, истакнува и дека со цел да се поддржи воспитно-образовниот процес, набавени се наставно-образовни и дидактички материјали според Монтесори програмата, како и игровен материјал за децата од групата јасли.
Овие активности се дел од посветеноста на Општина Центар за континуирано унапредување на условите во детските градинки, се додава во соопштението на Општината.
Македонија
Метеж на Табановце и Богородица, се чека околу 40 минути

Сообраќајот на државните патишта се одвива по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез и ГП Богородица за излез од државата се бележи зголемена фреквенција на возила, времето на чекање е околу 30-40 минути. На останатите гранични премини од македонска страна, нема подолги задржувања за влез и излез од државата, извести АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Гази Баба и Студеничани денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска:
· поради промена на шибер ф 100 мм на улицата Карл Либкнехт бр.84, прекинато водоснабдување ќе имаат корисниците од улицата Карл Либкнехт, Анри Барбис, Темко Попов и дел од Карл Хрон од 09:00 часот до завршување, Гази Баба;
· поради санација на усисна цевка во ПС Моране (викенд населба), можно е да има мал прекин на водоснабдување во село Моране, во периодот од 08:00 па се до завршување на работите, општина Студеничани.