Македонија
(Видео) Коциќ: ДПМНЕ и Милошоски фатени во лаги за Онкологија, манипулациите се нивна цел

На денешната седница на Анкетната комисија за случајот Онкологија се потврди една работа а тоа е дека целта на ДПМНЕ со Анкетната комисија воопшто не е ништо друг освен да се опструира истрагата и да се пласираат невистини, изјави пратеникот на СДСМ, Ненад Коциќ.
Тој рече дека освен манипулирање на јавноста и злоупотреба на случајот, ДПМНЕ нема друга намера.
„Се изведуваат невистини, инсинуации, клевети…се со една цел, создавање страв кај граѓаните и недоверба во институциите.
Очигледно целта на ДПМНЕ не е правда туку манипулација. Имено, на минатата седница на Анкетната Комисија пратеникот Антонијо Милошоски за време на процедурална забелешка прочита одлука на Влада, за која што тврдеше дека станува збор за наводна намера на Владата да дозволи уништување на доказен материјал на Клиниката за онкологија, притоа наведувајќи свои лични квалификации.
Врз основа на Законот за пристап до информации побаравме и добивме документ за каква одлука се работи. Еве го тој документ. Се работи за одлука за расходување на потрошен и дотраен материјал како што Милошоски лажно тврдеше туку станува збор за медицинска опрема два кревети во вредност од 0 денари, шест столици со вредност 0 денари, медицински апарат 0, медицински апарат 0 денари и уште еден медицински апарат 0 денари. Значи не се работи за уништување доказен материјал туку за избор на фирма која би добила тендер за уништување отпад“, вели Коциќ.
Според него, единствена цел на ДПМНЕ е политичка пресметка со СДСМ и оцрнување на поранешниот министер за здравство, Венко Филипче.
„Иако врз основа на информациите и сведоштвата на пациентите кои беа поканети на нашата анкетна комисија изричито кажаа дека за прв пат на Клиниката на Онкологија биолошка терапија како што треба се набавува кога министер е Филипче и дека, врз основа на сведоците, дека додека бил министер, не недостасувал ниту еден лек за ниту еден пациент на соодветната клиника.
За разлика од тоа имавме тврдење од страна на син веќе покојна пациентка којшто тврдеше дека во 2015 година од доктори на Клиниката за онкологија му било сугерирано да не ја прима терапијата којашто постои поради неквалитет и да ги купува лековите од странство.
Тука ќе ја видите разликата и кој како влијаел врз здравјето на нашите сограѓани.
Ги повикуваме ОЈО под итно да ги разреши сите дилеми за овој случај, да се открие целосно вистината и оние коишто се дрзнале терапијата набавена со народни пари, да ја злоупотребат и да одговараат пред законот.
Да прекинат манипулациите со јавноста и злоупотребата на Анкетната комисија од страна на опозицијата.
Бараме координација за донесување заеднички заклучоци согласно мандатот на Комисијата.
Ние не сме ниту суд, ниту обвинители.
Ние не се согласуваме со политичката злоупотреба на случајот, побаравме пауза од 1 час и очекувам да се координираме за како да ја завршиме работата на комисијата“, рече Коциќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: СДСМ отсекогаш била повеќе од партија, била движење за слобода

Вечерва СДСМ и коалицијата по слоганот „Се бориме за нашиот дом“, ја претставуваат програмата од Пробиштип од каде лидерот на СДСМ Венко Филипче порача дека не смее да се доволи Македонија да стане приватна сопственост.
„Од овде, од Пробиштип, испраќаме јасна порака – да го одбраниме нашиот заеднички дом. Да ја одбраниме Македонија како дом за сите, не како приватна сопственост на неколкумина од власта. Македонија е наш заеднички дом – дом во кој секој граѓанин е еднаков, во кој има место за сите, а не само за привилегираните околу власта. Да изградиме општество каде што младите ќе остануваат, а не ќе заминуваат. Да создадеме Македонија во која чесниот труд ќе се вреднува, а не партиската книшка“, рече Филипче во Пробиштип.
Притоа тој истакна дека изборот на локалните избори не е само политичка, туку е битка за праведност, за достоинство и за иднината на следните генерации.
„СДСМ отсекогаш била повеќе од партија, била движење за слобода, за правда, за еднаквост. Нашите корени се во АСНОМ, во генерации што ја вградија темелната вредност државата да биде дом на секој човек. Вечерва таа вредност ја ставаме на прво место. Зашто без вас, без нашето јадро, без нашето членство, нема СДСМ. Без вас, нема иднина за правда, за еднаквост, за грижа“, рече тој.
Филипче исто така порача дека е време да се врати надежта и да се покажее дека СДСМ знае да ја исправи државата во секое маало и секоја зграда.
„Не ветувам лесен пат. Ветувам борба чесна, упорна, со главата горе. Ние сме наследници на идејата за слободна, праведна и солидарна Македонија. Време е да се собереме и да ја изградиме силата што ќе ја запре неправдата и ќе ја врати државата во рацете на народот“, рече Филипче.
Македонија
Лабудовиќ: Центар ќе го вратиме во рацете на граѓаните, време е за нова енергија и вистински промени

Кандидатот за градоначалник на Центар од редовите на Движењето ЗНАМ за Наша Македонија, Мирослав Лабудовиќ, заедно со министерката за финансии Гордана Димитриеска Кочоска, остварија средба со граѓаните на Центар, на која во фокус беа проблемите кои ја засегаат општината – урбанистичкиот хаос, загадувањето, недостигот на паркинг и потребата од повеќе зелени површини и подобра инфраструктура.
„Центар не смее да остане заглавен во апатија и хаос. Време е да ја прекинеме праксата на импровизации.
Мојата визија е јасна – чист и зелен Центар, со современа инфраструктура, со правилен урбанизам и транспарентна локална власт што ќе биде сервис на граѓаните, а не на малкумина привилегирани.
Ќе ја вратиме општината во рацете на жителите и ќе изградиме средина во која младите ќе сакаат да останат и да создаваат своја иднина.“ – истакна Лабудовиќ.
Лабудовиќ посочи дека Центар заслужува раководство што работи како вистински сервис на граѓаните – со подобра комунална инфраструктура, решенија за сообраќајниот метеж, нови простори за спорт и рекреација и културен развој кој ќе ја врати душата на општината.
За да се постигнат вистински промени, потребно е обединето дејствување. Во тој контекст, соработката меѓу Движењето ЗНАМ и ВМРО-ДПМНЕ е клучна, како гаранција за стабилност, системски решенија и долгорочни резултати за Центар.
„Само заедно можеме да го изградиме Центар кој ќе му припаѓа на народот. Секоја средба со граѓаните е потврда дека силата е во заедништвото, во искрените разговори и конкретните решенија. Ви благодарам за довербата, таа е најголемата мотивација да донесеме вистински промени.“ – додаде Лабудовиќ.
Центарци изразија целосна поддршка за Лабудовиќ, нагласувајќи дека е време за нова енергија, визија и чесно водење – Центар да стане општина со која сите ќе се гордееме.
Македонија
Сајкоски: Време е Струга да добие надеж за подобра иднина

На денешниот митинг во Струга генералниот секретар на ВМРО-ДПМНЕ, Ѓорѓија Сајкоски истакна дека со преземањето на одговорноста да ја води Владата, ВМРО-ДПМНЕ покажа како за кратко време, односно за година и половина може да се направат многу проекти кои го подобруваат животот на граѓаните.
Сајкоски порача дека од новите советници на Општина Струга, како и од стружани кои се директните учесници во извршната власт се очекува да испорачаат проекти кои во градот ќе го направат услови за подостоинствено живеење кои го подобрат квалитетот на животот.
Додаде дека време е Струга да добие надеж за подобра иднина, надеж за развој, надеж за пораз на криминалот и корупцијата.
„Долго време Струга е во рацете на луѓе коишто немаат чувство ни за своите, ни за туѓите. Во рацете на оние коишто се борат само за себе, но за да ги поништат сите други, во рацете на оние коишто тонат во криминал и коишто направија огромна штета и за Струга и за сите општини со кои раководат тие. ДУИ направи штета и за своите, и за Албанците, и за Македонците, Турците, Ромите и другите граѓани и во Струга и во другите региони“, истакна Сајкоски.
Затоа, Сајкоски ги повика сите стружани на овие локални избори да направат референдумско гласање во Струга и со тоа да се поразат сите политички чинители и да се даде нова надеж на градот, за Струга да биде подостоинствен град и да се гради со поддршка од централната власт.
Сајкоски посочи дека изминатите години Струга беше препознаена по неработење и криминал, но заеднички, со гласање за број 9, Струга ќе стане туристичко место кое ќе сакаме да го посетуваме сите граѓани од Македонија, како и посакувана туристичка дестинација и за граѓаните од регионот. Сајкоски заклучи дека токму затоа е време за Вистинскиот избор! Твојот човек! Твоето Место! За твојата иднина!