Македонија
(Видео) Коциќ: Кршењето на ковид-протоколите од страна на Мицкоски е неодговорно и опасно за јавното здравје

Здравствениот систем, сите надлежни институции, веќе трета година посветено се борат против пандемијата на коронавирусот. Во сила сѐ уште се протоколи и мерки за заштита од ширење на коронавирусот. Но, додека медицинскиот персонал е истоштен од долгата и напорна борба против вирусот, Христијан Мицкоски продолжува со своето неодговорно однесување, изјави на денешната прес конференција Ненад Коциќ, пратеник на СДСМ.
Тој додава дека додека ВМРО-ДПМНЕ глуми загриженост за здравјето и бара наставата да се одвива онлајн, целата јавност го виде Мицкоски како во тесна просторија полна со луѓе ги крши протоколите за заштита од коронавирусот.
Од почетокот на пандемијата, па до денес, Мицкоски постојано ги крши мерките, а тоа го прават и други високи функционери на неговата ВМРО-ДПМНЕ.
Да се постапува спротивно на мерките за заштита не само што е неодговорно туку е и опасно за јавното здравје. Секој од нас, а особено политичарите, има обврска со сопствен пример да покаже одговорност во време на вакви тешки пандемии. Сите ние треба да ги почитуваме ковид-протоколите, а оние што не се вакцинирани тоа да го сторат што побргу. Само така ќе ставиме крај на оваа пандемија, само така животот ќе се врати во нормала, изјави Коциќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Поставени шест куќи засолништа за бездомни животни во Паркот на франкофонијата

Општина Центар доби шест куќички-засолништа за бездомни животни како донација од Амбасадата на САД. Куќичките, изработени од локални архитекти, се поставени во Паркот на Франкофонијата во рамки на проектот „Унапредување на благосостојбата на животните преку волонтерство“, соопштија од општината.
Проектот, како што велат, има за цел подобрување на условите за бездомните животни и поттикнување на инклузивноста во јавните простори.
Градоначалникот на Општина Центар, Горан Герасимовски вели дека ова е пример за вистинска соработка помеѓу граѓанскиот сектор, меѓународната заедница и локалната самоуправа.
„Благодарни сме на Амбасадата на САД за поддршката, како и на организацијата Хумани градови за иницијативата и за тоа што ја препознаа Општина Центар како партнер за реализација на овој хуман проект. Оваа донација е поттик и обврска да продолжиме со политики што ја промовираат грижата за животната средина и за сите живи суштества што делат простор со нас”, рече Герасимовски.
Со поставувањето на засолништата, според него, Паркот на Франкофонијата добива нова, хумана димензија, простор за заштита на животните и пример за одговорно и инклузивно уредување на јавните површини.
Македонија
Утре, без вода делови од Ѓорче Петров

Од ЈП Водовод и Канализација известуваaт дека утре ( среда ) поради промена на затварач од ф – 250 мм во пумпна станица Волково, во периодот од 09.00 часот па се до завршување на работата без вода ќе останат корисниците од населбите Ново Село, Даме Груев, Стопански Двор и Волково. ( општина Ѓорче Петров )
Македонија
Бесплатни униформи, ранци и прибор за учениците, во тек е целосна дезинфекција на училиштата во Центар

Градоначалникот на Општина Центар, Горан Герасимовски, денеска одржа работен состанок со директорите на сите општински основни училишта по повод започнувањето на новата учебна година. На состанокот се разгледуваа финалните подготовки за првиот училишен ден.
Во сите училишта во тек се активности за темелно чистење, а во наредните денови ќе се спроведе и задолжителна дезинфекција, дезинсекција и дератизација, со цел обезбедување на безбедни и хигиенски услови за учениците и наставниот кадар.
За прв пат оваа година, Општина Центар обезбеди бесплатни униформи за сите ученици во општинските основни училишта. Носењето на униформите ќе биде задолжително за сите ученици.
Дополнително, трета година по ред, сите првачиња ќе добијат бесплатни ранци и училишен прибор, како дел од заложбата на општината за поддршка на учениците и нивните семејства.
„Вложуваме во образованието, вложуваме во нашата иднина. Сакаме да им овозможиме на децата еднакви услови за учење и да покажеме дека образованието е еден од нашите највисоки приоритети,“ истакна градоначалникот Горан Герасимовски.