Македонија
(Видео) Курти отвори улица во Чаир: „Втора македонска бригада“ преименувана по политичар од Косово
![](https://makfax.com.mk/wp-content/uploads/2023/08/366096079_297394079639023_7542705918852300743_n.jpg)
Со музичка програма, обраќања и развиорени албански знамиња, група граѓани на Чаир и претставници на дел од албанските почитички партии се собраа попладнево во скопската населба, каде во посета допатува премиерот на Косово, Албин Курти, а улицата во помен на Партизаните „Втора македонска ударна бригада“, беше преименувана по политичарот од Косово и книжевник Адем Демачи.
Курти беше дочекан од првите луѓе на дел од албанските политички партии во земјава, но без присуство на лидерот на ДУИ, Али Ахмети.
До Курти на свеченоста стоеше „огнениот“ Изет Меџити кој по несогласувањето со политиките на ДУИ оформи ново политичко движење, а присутни беа и лидерот на Алтернатива, Африм Гаши, како и градоначалникот на Тетово и прв човек на БЕСА, Биљал Касами, додека најава за средби на Курти со функионери од власта – нема.
Како што беше најавено, улицата „Втора македонска ударна бритада“, беше преименувана во „Адем Демачи“.
Претходно, политичката партија „Левица“ беше во Чаир и на истата улица ги постави имињата на сите загинати борци од Втората Македонска Бригада.
„Улицата која ги славеше оние кои го дадоа животот во борба со фашистичкиот бугарски окупатор од утре ќе го слави Адем Демачи, сепаратист од Југославија и борец за Голема Албанија и независност на Косово, неколку пати осудуван на затворска казна во Југославија“, рекоа од Левицата.
Адем Демачи бил албански писател и политичар, кој своето образование го стекнал во Приштина, Скопје и Белград. Тој бил и раководител на политичкото крило на Ослободителна војска на Косово (ОВК), а потоа и политички активен во движењето Самоопределување на Албин Курти. Починал во 2018 година во Приштина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Кривичен: Приговорите на обвинетите за убиството на Вања и Панче се одбиваат како неосновани
![](https://makfax.com.mk/wp-content/uploads/2023/12/pance-vanja.jpg)
Советот за оценка на обвинителен акт со КООА 83/24 против обвинетите: В.М., Б.В. и В.К. обвинети за по две кривични дела Убиство од чл. 123 ст.2 т.1 и т.7 в.в. со чл. 22 од КЗ и чл. 123 ст. 2 т.1 и т.4 в.в со чл. 22 од КЗ како и две кривични дела – Грабнување од чл. 141 ст.2 в.в. со ст.1 и в.в. со чл. 22 и чл. 141 ст. 1 в.в. чл. 22 од КЗ, и обвинетиот А.Ѓ. обвинет за едно кривично дело Грабнување чл. 141 ст.2 в.в. ст.1 в.в. чл. 24 од КЗ, а поврзано со двојното убиство на малолетната В.Ѓ. и велешанецот П.Ж. во ноември минатата година.
„По разгледување и ценење на актот како и доставените приговори изјавени против обвинението од страна на одбраната на обвинетите, донесе решение со кое – Приговорите на одбраната се одбиваат како неосновани, а Обвинителниот акт се одобрува во целост.
Врз основа на одобрениот обвинителен акт, се формира кривично – правен предмет кој согласно АКМИС системот ќе биде распределен на понатамошно постапување“, соопшти Кривичниот суд
Постапката против првоосомничениот за двојното убиство – Љ.П. е се уште во фаза на обвинителска истрага, додаваат од Кривичниот суд.
Македонија
Лефков со прашања до Филипче: Со какви туѓи перја се китиме, црни Венко, со перјата за запалената модуларна? Со каква плата направи хациенда на Водно
![](https://makfax.com.mk/wp-content/uploads/2024/07/lefkov-filipce.jpg)
„Едно јавно прашање до претседателот на заробената СДСМ. Со кои перја се китиме црни Венко? Со тие ли перја со кои го продадовте името, а за возврат добивме блокада, или со тие кога бевте министер што донесовте смрт за илјадници во короната поради крахирањето на здравствениот систем кој вие го водевте. Или можеби со перјата за запалената модуларна болница за која и денеска не убедувате и нас и јавноста дека кабелот е крив“, истакна пратеникот и член на ИК на ВМРО-ДПМНЕ Миле Лефков одговарајќи на новинарско прашање.
Тој продолжи и додаде:
„За каква гордост зборите. За онаа со која Фрчковски не се знае како ги трошел парите од мисијата, или за онаа кога братот по криминал на Венко, Заев ја ставаше раката на срцето и го бараше семето изгубен низ времето. Кога Венко се фали дека СДС била мотор, треба да знае дека тие се далеку од било каков мотор, далеку и од пента, а не мотор на развој“, посочи Лефков.
Тој продолжи и упати прашање до Венко Филипче.
„И за крај, Венко, доста со високи политики, ајде малку прашање. Со каква плата ја направивте хациендата на Водно, а веднаш до тебе твојот директор на Клинички?“, запраша Лефков.
Македонија
(Видео) Лефков: Филипче сакаше да ја остави државата без јавно здравство, а Фрчкоски трошеше пари без отчет
![](https://makfax.com.mk/wp-content/uploads/2024/07/Lefkov-jpg.jpg)
Грдото лице на власта на СДС и ДУИ се корумпираните функционери, кои уште продолжуваат да владеат со овие партии. Венко Филипче, кој го води СДС, и Љубомир Фрчкоски, кој нема отчет како ги трошел народните пари, се пример зошто СДС изгуби катастрофално, истакна на прес-конференција Миле Лефков, член на ИК на ВМРО-ДПМНЕ и пратеник.
Ако Љубомир Фрчкоски нема отчет како ги трошел парите на Мисијата, вели Лефков, Венко Филипче не сака воопшто да има потреба од давање отчет и има на план да го приватизира здравството во целост.
„Венко Филипче пред заминување од функцијата министер за здравство јавно рече дека размислува државата да не инвестира во здравствена инфраструктура и да не плаќа за неа, туку да плаќа само услуга.
Филипче јасно ѝ стави до знаење на јавноста дека сака да ги приватизира болниците и да не гради нови, туку тоа да го прават приватни фирми, а државата да им плаќа за лекување на пациентите.
Дали Филипче дојде на местото претседател на СДС со надеж некогаш во иднина да се обиде повторно да го реализира својот план и да ја остави државата без јавно здравство?“, прашува Лефков.
Додава дека по истиот принцип по кој се однесува Филипче се однесувал и Фрчкоски.
„Тоа е матрицата на СДС и грдото лице на власта на СДС и ДУИ.
Со СДС и ДУИ имаше помалку за народот и државата, а повеќе за мафијата. Тоа време заврши. Тоа време веќе не смее да се повтори“, потенцира пратеникот на ВМРО-ДПМНЕ.