Македонија
(Видео) Меџити: Оваа Влада покажува дека има капацитет за работа, проекти и подобар живот за сите граѓани

„Првично, благодарен сум за седницата, која е свечена денеска, која е по повод 23 години од потпишувањето на Охридскиот рамковен договор и оваа Влада веќе докажува дека има капацитет и доверба и многу мир за многу договори, кои веќе сакаат да имаат добра состојба за целата држава, сега има позиција за повеќе години на една партија и повеќе партии, договор за повеќе стандарди за граѓаните, за инклузија на сите граѓани“, рече првиот вицепремиер, Изет Меџити.
„Исто така, јас во овој момент би сакал да кажам дека оваа нова Влада не е само на зборови туку и на дела, затоа јас сакам да се заблагодарам на нашиот премиер на оваа нова Влада што ќе даде милијарда евра за сите општини за децентрализација, каде што е дел и од Охридскиот рамковен договор и коишто ќе решава многу есенцијални проблеми во нашите населени мести и во нашите општини, во функција на подобар живот на сите граѓани во Република Северна Македонија.
Јас би сакал ова да оди во таа организација којашто ги има потпишано сите овие начини, на фази на фискална децентрализација, бидејќи оваа Влада има добра волја за децентрализација, но не треба да остане само на зборови бидејќи може да дојде друга Влада којашто нема да има такви приоритети, затоа ние треба да направиме системско решение затоа и со компетенциите и со проблемите да имаме финансии и буџет за тоа, бидејќи на крај краева тоа е отворање на вратата за граѓанинот на Република Северна Македонија.
Ние не знаеме дека во минатото ова се заборави што беше многу значаен дел од овој Охридски рамковен договор и се смеша со некои други работи, со некои настани не вредни, а ние докажуваме дека имаме капацитет за многу добри работи како што се овие делови од Охридскиот рамковен договор.
Би сакал ова да го завршам како добар почеток на ова добро владеење што имаат цели да имаат праведна држава, без корупција, војна против корупцијата и развивање на економски поглед и стандардот на сите граѓани.
Исто така, едни од главните столбови се децентрализацијата, која е европска цел, и ние што сакаме да бидеме дел од неа“, додаде Меџити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Македонија 51 на листата на земји според Глобалниот индекс за мир за 2025

На Глобалниот индекс за мир (GPI) за 2025 година, Македонија е на 51 место со резултат од 1,799. Ова според Институтот за економија и мир (IEP) претставува пад од четири позиции во однос на минатата година.
Во регионот на Западна и Централна Европа, пред Македонија се: Хрватска на 19 место (резултат 1,519, пад од 1 позиција), Бугарија на 29 место (резултат 1,610), Грција на 45 место (резултат 1,764, ).
После нашата земја на листата е Албанија која е на 52 место (резултат 1,812, пад од 6 позиции), Босна и Херцеговина на 59 место (резултат 1,895, пад од 3 позиции), Косово на 63 место (резултат 1,908, пад од 3 позиции) и Србија на 6. место (резултат 1,914, пад од 1 позиција).
На глобално ниво, Исланд ја задржува титулата на најмирна земја во светот со резултат од 1,095, Ирска (1,260) и Нов Зеланд (1,282).
Русија (3,441), Украина (3,434), Судан (3,323), Демократска Република Конго (3,292) и Јемен (3,262) се меѓу земјите со најмалку мир, погодени од интензивни конфликти и хуманитарни кризи.
78 земји бележат влошување поради зголемениот број на надворешни конфликти.
Во делот на милитаризација трендот на подобрување на милитаризацијата беше широко распространет, при што 111 од 163 земји опфатени во GPI бележат подобрување. Благ напредок има во делот на безбедноста и сигурноста во светот. Во ова насока подобрувања се бележат кај 95 земји, особено во делот за криминал, политичкиот терор и насилни демонстрации.
Помеѓу 2013 и 2022 година, повеќе земји имаат подобрување во позитивниот мир отколку што имаат влошување, при што 108 регистрирале подобрувања и 55 регистрирале влошувања.
Овие подобрувања главно биле поттикнати од подобрувања во следните столбови за позитивен мир: Слободен проток на информации, Правична распределба на ресурсите, Прифаќање на правата на другите и Високи нивоа на човечки капитал.
• Трите столба на позитивен мир за кои е забележано влошување од 2013 година се добри односи со соседите, добро функционирачка влада и ниски нивоа на корупција.
Фото: принтскрин
Македонија
Филипче: Образованието е најважната инвестиција

Претседателот на Социјалдемократскиот сојуз на Македонија, Венко Филипче, денеска по повод 1-ви септември, почетокот на новата учебна година, заедно со градоначалникот на општина Центар, Горан Герасимовски, присуствуваа на настан во ООУ „Киро Глигоров“ во Скопје.
На сите првачиња, ученици, наставници и родители, Филипче им посака успешна школска година исполнета со радост и знаење.
„Посакувам успешна, мирна школска година, мирни денови на сите учениците и им посакувам да се стекнат со нови знаења. На родителите и наставниците им посакувам трпение и да им дадат многу поддршка на децата“, рече Филипче.
Во изјава за медиумите, Филипче истакна дека вложувањето во образованието е најважната инвестиција која не трпи импровизации. Тој додаде дека во периодот на владата на СДСМ беше ставен силен фокус на инвестициите во училиштата и зголемувањето на платите на наставниците.
„Училиштето ‘Киро Глигоров’ е едно од новоизградените училишта за време на мандатот на СДСМ. Изградивме и реконструиравме над 80 училишта. Направивме значајна инвестиција во платите на наставниците, никогаш дотогаш не се зголемиле во толкав процент – над 50%, нешто што сега сериозно недостасува. Градоначалникот Герасимовски во овој сегмент се покажа како добар менаџер. Неколку години по ред за сите првоодделенци има униформи, бесплатни ранци, и од следната година, како што најави, ќе има и бесплатен оброк“, рече Филипче.
Во тој контекст, Филипче најави дека и во програмата за локалните избори ќе се стави сериозен акцент на обезбедувањето квалитетна настава за сите ученици.
„Програмата којашто ја подготвуваме за локалните избори се темели на тоа да се обезбеди квалитетна настава, да се обезбедат безбедни улици за децата коишто доаѓаат до училиштата и сè што може во рамки на локалната самоуправа да се направи за поддршка на родителите“, рече претседателот на СДСМ, Венко Филипче.
Македонија
Во август 19.343 сообраќајни прекршоци, уапсени 82 возачи

Во периодот од 01 до 31 август, од вкупно 19.343 издадени платни налози, 6.730 прекршоци се однесуваат на возачи кои не ја почитувале пропишаната брзина на движење, соопшти Министерството за внатрешни работи.
Лишени од слобода за безобѕирно управување на возило биле 82 лица, од кои 46 за возење под дејство на алкохол, 10 за возење под дејство на наркотични средства, две за возење во забранет правец, 13 за возење со брзина поголема од дозволената во населено место, 11 за возење со брзина поголема од дозволената надвор од населено место.
Понатаму, според статистичкиот преглед од полициските активности, во текот на месец август беа евидентирани 4.113 прекршоци за неправилно паркирање, 1.825 мерки се изречени за возачи што управувале возило без возачка дозвола, како и 455 санкции за возење под дејство на алкохол.
Од друга страна пак, а согласно одредбите од Законот за безбедност на сообраќајот на патиштата санкционирани биле 1.149 возачи на мотоцикли за неносење заштитен шлем, а санкционирани се и 164 пешаци и 81 возач на електричен тротинет. Исто така санкционирани се 803 учесници во сообраќајот кои што не користеле сигурносен појас. Согласно Законот за возила, 411 возила биле отстранети од сообраќај заради тоа што биле нерегистрирани, а 92 заради техничка неисправност.
„Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта“, велат од МВР.