Македонија
(Видео) Минов: Измените на КЗ предвидуваат проширена конфискација и тоа е поголема тежина

Пратеникот на СДСМ Панчо Минов денеска при реплика од собраниската говорница се осврна на предложените имени на Кривичниот законик, пред се на членот за злоупотреба на службени овластувања.
– Овој член е предмет на многу стручни анализи и тој е остаток од еден друг систем, како кривично дело кое нема конкретно предмет на доказност и има многу честа се користи за пресметки на неистомисленици, рече Минов.
Тој додаде дека со менувањето на сегашната формулација, која гласи, „ако за себе прибави имотна корист“, во измена која наведува „ако има намера да прибави имотна корист“, е поголема тежината и квалификацијата на оној што има намера, а тоа е клучен елемент на секое кривично дело, да има намера.
– Со измените има проширена конфискација, која опозицијата не ја спомнува, тоа е и усогласување со ЕУ, што предвидува конфискацијата проширено да се реализира ако има правни или фактички пречки, истакна пратеникот на СДСМ Панчо Минов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Општина Центар

Без струја денеска ќе останат делови од Општина Центар.
„Од ЕВН Македонија АД добивме известување дека на ден 09.08.2025 година (сабота) без електрична енергија ќе останат: во периодот од 09.00 до 13.00 часот, корисниците од Даме Груев, улица Свети Кирил и Методиј (Општина Центар)“, информира ЦУК.
Македонија
Сончево и топло време

Времето денеска ќе биде сончево и топло. Ќе дува слаб до умерен ветер од североисточен правец. Минималната температура ќе биде во интервал од 10 до 20, а максималната ќе достигне од 31 до 38 степени, информира УХМР.
Во Скопје, сончево и топло. Ќе дува слаб до умерен ветер од североисточен правец. Минималната температура ќе се спушти до 18, а максималната ќе достигне до 37 степени.
Под влијание на многу топла воздушна маса од југ, за време на викендот и во текот на наредната седмица времето ќе биде претежно сончево и многу топло со пораст на дневната температура.
Особено топло ќе биде од недела кога дневната температура насекаде ќе биде над 30°C, а наместа ќе достигне 40°C.
Македонија
На Табановце се чека по 20-тина минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, на Табановце времето на чекање за влез и излез од државата е околу 20 минути, на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.