Во првите 100 дена од новиот мандат, Општина Ѓорче Петров реализираше низа инфраструктурни, образовни и развојни активности, со фокус на капитални инвестиции, подобрување на условите за живот и долгорочно планирање на локалниот развој, изјави градоначалникот Александар Стојкоски.

Советот на Општината го донесе развојниот буџет за 2026 година во износ од 1,45 милијарди денари, од кои речиси 60 проценти се наменети за капитални инвестиции, односно над 596 милиони денари за конкретни проекти на терен.

Градоначалникот Стојкоски истакна дека резултатите се доказ за континуирана и посветена работа на општинската администрација и тимот кој работи во интерес на граѓаните.

-Во изминатите 100 дена покажавме дека со јасна визија, одговорно управување и постојана работа на терен можат да се постигнат видливи резултати. Нашата цел останува иста – рамномерен развој на сите населени места и подобар квалитет на живот за секој жител на Ѓорче Петров – изјави Стојкоски.

Во делот на инфраструктурата, тој информира дека се реализирани нови улици и локални патишта во повеќе населени места, при што се изградени над 10.300 метри нови коловози, 800 метри нови патишта во Кучково, нов пат во Никиштани, како и нови патни решенија во Орман. Изграден е и новиот главен пат Ново Село – „Св. Архангел Гаврил“, а реконструирани се улици во Стопански Двор и улицата „Воин Драшкоци“ во Хром, каде е поставена и атмосферска канализација.

Дополнително, додаде тој, воспоставена е нова топловодна инфраструктура во населбата Александрија, со што се обезбедува почист начин на греење и намалени трошоци за домаќинствата, додека преку чистење на каналската мрежа се решаваат долгогодишни проблеми на улиците „Радушка“ и „Арсени Јовков“.

Стојкоски информира дека во образованието се реализираат инвестиции во вредност од 150 милиони денари, вклучително и доградби на основните училишта „Димитар Поп Георгиев – Беровски“, „Јоаким Крчоски“ и „Страшо Пинџур“. Во училиштето „Димитар Поп Георгиев -Беровски“ се воведува еколошки систем за греење, а преку меморандум со UNOPS во рамки на проектот „ЕУ за чист воздух“ се планира поставување топлински пумпи во училиштата и градинките. Обезбедена е и нова информатичка опрема за училиштата „Мирче Ацев“ и „Страшо Пинџур“, како и целосна обнова на училишните санитарни јазли во ООУ „Ѓорче Петров“, со пристапност за лица со попреченост.

Во тек е и изградбата на новата детска градинка во населбата Дексион. Исто така, Стојкоски кажа дека Општината продолжува со финансиска поддршка од 8.000 денари за секое новороденче и најавува нови мерки за младите, меѓу кои субвенции за обука и полагање возачка дозвола.

Во областа на спортот и младите се реализира изградба на нов спортско-рекреативен комплекс на „Шидска“, спортски комплекс на Полјана, обнова на спортските терени во ООУ „Тихомир Милошевски“ и поставување две текбол маси преку европски проект, како и нова рекреативна зона во Дексион. Општината активно учествува и во европски иницијативи, меѓу кои проектот UrbanGreenLeap за мултифункционален парк во Волково преку програмата Interreg Euro-MED, како и културната иницијатива „Скопје 2028“.

-Овие 100 дена се само почеток. Продолжуваме системски, одговорно и транспарентно, со јасна насока за развој на Ѓорче Петров – додаде градоначалникот Стојкоски.

Општина Ѓорче Петров најавува продолжување на започнатите проекти и нови инвестиции во наредниот период, со фокус на инфраструктура, образование, животна средина и поддршка на семејствата и младите.

Европскиот кампус на Универзитетот Јорк ги отвори уписите за академската 2025/26 година, нудејќи им уникатни можности на идните студенти од Северна Македонија, меѓу кои и најважната – стекнување британска диплома во Европа.

Со седиште во Солун, Европскиот кампус на Универзитетот Јорк испорачува британско образование во регионот, овозможувајќи им на студентите да се стекнат со престижна диплома, без да заминат во Обединетото Кралство.

Како официјално лиценциран кампус на Универзитетот Јорк во Европа, правно воспоставен во Грција, кампусот ги нуди академските програми на реномираниот британски универзитет преку три факултети: Факултет за бизнис, Факултет за компјутерски науки и психологија и Факултет за право и хуманистички науки.

Во академската 2025/26 година достапни се додипломски и постдипломски програми кои се изведуваат на англиски јазик од следниве области: Бизнис администрација и економија, Психологија, Компјутерски науки, Англиски студии, Комуникации и дигитални медиуми.

Додипломските студии траат четири години, додека постдипломските програми се со времетраење согласно конкретната студиска програма.

Студиите се истражувачки ориентирани и целосно усогласени со британските академски стандарди, комбинирајќи теоретско знаење со практични и технички вештини што директно одговараат на потребите на глобалниот пазар на труд.

Академската 2025/26 година претставува нова можност за македонските студенти да станат дел од глобална академска заедница и да изградат кариера според меѓународни вредности.

Универзитетот Јорк рангиран меѓу топ универзитетите во светот

Европскиот кампус на Универзитетот Јорк испорачува академски програми во шест земји низ Југоисточна и Источна Европа и во регионот Кавказ, претставувајќи уникатна можност за стекнување британска диплома.

Со запишување на Европскиот кампус, студентите стануваат дел од академската заедница на Универзитетот Јорк, една од водечките британски институции за образование и истражување и членка на престижната Russell Group, која обединува 24 водечки универзитети во Обединетото Кралство.

Универзитетот Јорк е рангиран меѓу топ 8% универзитети во светот и се наоѓа на 154-то место според Times Higher Education World University Rankings 2026, како и меѓу Топ 20 универзитети во Обединетото Кралство.

Стипендии за студенти од Северна Македонија

Особено значајно за македонските кандидати е тоа што и оваа година се обезбедени можности за стипендирање, и за додипломски и за постдипломски студии. Со тоа, престижното британско образование станува подостапно за талентираните млади од Македонија.

Уписите се веќе отворени, а заинтересираните кандидати можат да ги пронајдат сите детали за условите за аплицирање, школарините и студиските програми на официјалната веб-страница на Европскиот кампус на Универзитетот Јорк.

Линк до веб страницата

(ПР)

Денеска сакаме да отвориме една многу битна тема. Вчера се случи нешто што досега не е видено во Македонија, тоа е да претставник на владата и тоа портпарол со скандалозно признание фактички потврди она што СДСМ цело време го кажува, а тоа е дека судската власт во нашата држава е директно под контрола на извршната власт, изјави Андреј Жерновски, член на Извршниот одбор на СДСМ.

Според него, Марија Митева вчера на телевизиска дебата кажала дека Мицкоски го контролира судството.

„Портпаролката на владата има податоци за мојот процес против МНР, процес којшто сеуште не е завршен. Она имаше податоци за тоа каква е пресудата. Значи јас пресудата не ја дознав од адвокатите, не ја дознав од судот, туку ја дознав од владата на нашата држава којашто ги има податоците не само за предметот, туку каков е и текот на самиот процес. Ова се зборовите. ‘Само немојте како изгубената жалба против претседателката Силјановска’, односно ‘моите информации’, ја цитирам портпаролката, ‘говорат декави е изгубена жалбата’“, рече Жерновски.

Според него, тоа значи дека владата на Мицкоски има информации од судот за самиот процес.

„Ова всушност значи дека процесиците во судството, особено против владата, против органите, против министерствата, пресудите се донесени пред да биде воопшто разен самиот предмет. Ова е еден голем скандал“, рече Жерновски.

Тој кажа дека очекува понатамошна истрага за тоа кој судија или кој од владата ги има овие информации. Даваме нон-стоп примери за тоа што се случува со судството.

Жерновски вели дека сега е исто како во времето на Груевски.

„Исто како во времето на оној на којшто морам да му го споменам името и на којшто режим повторно почна да не потсетуваат овие денови. Тоа е режимот на Груевски. Затоа и авионот нонстоп оди до Будимпешта кај Груевски. Не е битно кој е пилотот. Битно е што контролорот на летање на владиниот авион е Никола Груевски. Така да од сега кога ќе слушнете Груевски како вели она на М веќе не мисли ниту на Мерцедес ниту на Мајбах. Денеска она на М е Мицкоски“, рече тој.