Македонија
(Видео) Митева: Три години по ред УКИМ бележи пад на рангирањето на Шангајската листа
Три години по ред УКИМ бележи пад на рангирањето на Шангајската листа. Од 1816 место во 2019 година, денес универзитетот се наоѓа на 1944-то место. Образованието од година во година ни тоне, погрешните реформи и стратегии кои се преземаа од страна на власта, го потврдуваат нивниот негативниот ефект, изјави на денешната прес-конференција Марија Митева, портпарол на ВМРО-ДПМНЕ.
Таа додаде дека целокупниот воспитно-образовен систем е во криза со оваа власт која не спроведе ниту една позитивна мерка која би го подобрила стандардот на учениците, средношколците и студентите.
Митева наведу дека УКИМ во моментов како да нема ректор, затоа што универзитетите не се вклучуваат во општествените процеси во државата иако има потреба од тоа.
УКИМ е на листата позади бројни универзитети од регионот и секоја следна година бележи пад на ранг-листата.
Декларативните заложби на оваа власта уште една потврдија дека образованието како главен инструмент за развој на државата е на последно место на нивната листа на приоритети, ако воопшто ја имаат, изјави Митева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Димитриевски: На Куманово и на Македонија им е потребна слога, соживот и разбирање
„Им честитам на сите кои што се пласираа во вториот круг.
Верувам дека денеска и Куманово и Македонија ќе победат на еден демократски начин“, истакна денеска лидерот на Движењето ЗНАМ и кандидат за градоначалник на Куманово, Максим Димитриевски.
Порача општините и градот Скопје да ги изберат своите идни градоначалници.
„А што се однесува до Куманово, денес е прекрасен ден за гласање.
Очекувам солиден одзив нешто слично како и во првиот изборен круг, а што се однесува до волјата на граѓаните ќе ја видиме вечерва кога ќе се отворат гласачките кутии.
Јас како актуелен градоначалник во оваа прилика само ќе апелирам дека на Куманово и на Македонија им е потребна слога, соживот, разбирање и да продолжи во континуитет да се развива, бидејќи нашиот град тоа го заслужува“, кажа Димитриевски.
Македонија
Мицкоски: Ова е ден кога народот зборува
Денеска го исполнивме нашето демократско право, правото на глас, обврската што секој граѓанин ја носи со себе како дел од оваа татковина, вели претседателот на ВМРО-ДПМНЕ и премиер, Христијан Мицкоски.
„Гласот е тивок, но моќен инструмент, и токму затоа ве повикувам сите искрено и масовно да излезете, да застанете зад она во што верувате и да го направите вистинскиот избор!
Ова е ден кога народот зборува. Ден кога секој од нас има еднаква тежина, еднаква чест и еднаква одговорност.
Нашиот глас е нашата сила, да ја искористиме достоинствено“, пирача Мицкоски
Македонија
Сиљановска-Давкова: Имавме европски избори
Претседателката Гордана Сиљановска-Давкова денешните избори ги оцени како европски.
„Имавме европски избори“, напиша таа на социјалните мрежи откако го оствари своето избирачко право.
„Очекувам мирен изборен ден со којшто ќе се заокружат локалните избори и итно фрлање на работа.
Верувам дека граѓаните ќе излезат и ќе го искористат своето избирачко право, гласајќи по сопствено уверување“, нагласи Сиљановска-Давкова

