Македонија
(Видео) Митева: Јанчева и Шилегов во кафеана направиле сметка од 91.560 денари

Поранешната претседателка на Советот на Град Скопје Љубица Јанчева и поранешниот скопски градоначалник Петре Шилегов со пари на скопјани се гоштевале со скапи јадења и пиеле алкохолни пијалаци стари 12 години, обвини на денешната прес-конференција портпаролката на ВМРО-ДПМНЕ, Марија Митева.
Како што кажа таа, на предновогодишна забава Јанчева и Шилегов потрошиле 91.560 денари, фактура потпишана од Јанчева, а платена од Град Скопје, од парите на скопјани.
„Од документот со потписот на Јанчева се гледа дека на два дена пред Нова година таа и Шилегов потрошиле 91.560 денари. Шилегов и Јанчева за еден ден во кафеана потрошиле шест минимални плати. За еден ден, за неколку часа во кафеана тие потрошиле пари со кои можеле 6 семејства да го поминат месецот.
Од фискалната сметка се гледа што порачувале Јанчева и Шилегов. Додека половина милион луѓе живеат во исклучително тешки услови, Љубица Јанчева и Шилегов пиеле ексклузивно виски ‘Џони Вокер’ барикирано 12 години, виски ‘Џејмисон’ и ‘Џeк Дениелс’, но и ‘Чивас Ригал’.
Ова специјално друштво имало и специјална порачка од кујната во висина од 60.000 денари, без спецификација што содржела таа порачка. Посебна сметка имало и за Петре Шилегов, кој порачал бифтек на путер од 2.400 денари една порција“, посочи партиската портпаролка која додаде дека СДСМ продолжува со манипулирање на јавноста затоа што, како што рече, им е нарушен комодитетот и луксузот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.