Македонија
(Видео) Митева: Ќе ги прекинеме традициите на државата на матни тендери, партиски вработувања и корупција

„Времето на политичари што политиката ја третираат како извор на моќ, слава и пари мора да заврши. Потребно е комплетно нов принцип на владеење, кое ќе придонесе, пред сè, за релаксирање на општеството од сите екстреми. Македонија е жедна за успеси, доста е од криминал, порази и понижувања. СДС и ДУИ мора да заминат во историјата“, рече Марија Митева, портпарол и член на ИК на ВМРО-ДПМНЕ.
„ВМРО-ДПМНЕ има цел да ја смени ваквата негативна реалност и затоа во периодот што следи континуирано ќе излегуваме со конкретни понуди и решенија. На општеството му недостасува развивање на вистински дијалог и дебата, а не насилство и политички гимнастики. Потребно е да ја промениме реалноста во Македонија, а со тоа ќе се променат и негативните вести кои ни го окупираат секојдневието. Да имаме нови, домашни и странски инвестиции, нови успеси во економијата, образованието, нови успеси во здравството и земјоделието. Затоа што политиката не треба да се базира на местени тендери, партиски вработувања, висок криминал и корумпираното судство. Тоа е традиција која мора да ја прекинеме ако сакаме вистински да ги промениме состојбите во Македонија кои со години го уништуваат системот и се главна причина за иселувањето на нашите сограѓани. Потребен е комплетен рестарт, потребна е политичка коалиција која ќе се базира на програмска определба и платформа за иднина која ќе значи вистински вредности, а не коалиција чија точка на спојување се бизнис-зделките.
Силната економија ќе го подобри животниот стандард, реформите во образованието ќе придонесат да имаме минимум еден универзитет на Шангајската листа и ќе ги подобриме рангирањата на ПИСА-тестирањето, социјалната политика ќе овозможи достоинствен живот за пензионерите, стимулативните мерки ќе овозможат нови можности за младите, ќе обезбедиме и стабилност за бизнис секторот, намалување на бирократија и дигитализација на администрацијата, нови инвестиции во енергетиката се само дел од визијата за промени.
ВМРО-ДПМНЕ има цел да стави крај на искривеното нормално, скандалите и аферите што секојдневно испливуваат на површина ќе станат минато, важно е да ја вратиме надежта кај граѓаните што се иселуваат од Македонија“, изјави Марија Митева, портпарол и член на ИК на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Илиевски: Дали за торба пари Мицкоски продаде државни тајни?

Потпретседателот на СДСМ, Методија Илиевски, денес одржа прес-конференција на која ја истакна загриженоста на партијата за одбивањето на Христијан Мицкоски и директорот на АНБ, Бојан Христовски, да ја дексласифицираат документацијата која би требала да го потврди случајот со наводното следење на Мицкоски.
„Веќе втора недела Мицкоски и Христовски одбиваат да откријат информации кои се клучни за довербата на граѓаните во државните институции. Наместо да ја обезбедат транспарентноста, власта прави се за да ја саботира работата на надзорната комисија“, рече Илиевски.
Според него, вчерашната седница на надзорната комисија, која требаше да ја следи работата на АНБ и АР, мистериозно била откажана и покрај итноста потенцирана од пратениците на ВМРО-ДПМНЕ.
„Се поставуваат сериозни прашања: Дали Мицкоски се плаши од содржината на овие документи? Дали тие покажуваат врски со странски служби од непријателски држави? Дали дел од финансиските средства кои пристигнале од странство завршиле кај него лично или во Белата Палата?“, праша Илиевски.
Потпретседателот на СДСМ додаде дека основната цел на Агенцијата за национална безбедност и Агенцијата за разузнавање е да ја штитат државата од странски и домашни закани, а обвинувањата упатуваат на можна злоупотреба на државниот апарат.
„Дали Мицкоски за торби пари ги продал интересите на сопствената држава на странски непријателски држави? Ова не е само прашање за политички дебата, туку прашање на национална безбедност“, нагласи Илиевски.
СДСМ уште еднаш јавно ја повика власта да ја дексласифицира документацијата и да овозможи целосна транспарентност, за да се спречат какви било сомнителни операции кои ја загрозуваат државата.
Македонија
СДСМ призна дека ги прислушкувал Мицкоски, новинари и бизнисмени, вели Петрушевски

СДСМ призна дека го прислушкувал и го следел претседателот на ВМРО-ДПМНЕ, Христијан Мицкоски, како и новинари и бизнисмени, обвинуваат од ВМРО-ДПМНЕ. Претеникот Бране Петрушевски истакна дека ова признание открива целосно злоупотребување на државниот апарат за политички цели.
„СДСМ прво тврдеше дека не прислушкувале и не следеле никого, а сега, преку ова признавање, се обидуваат да ја свртат приказната за 180 степени со глупи тези за наводната содржина на материјалите“, изјави Петрушевски.
Според него, признанието на СДСМ ги потврдува двете клучни точки:
– „Прво, го следеле и прислушкувале претседателот Мицкоски.“
– „Второ, иако прислушкувале пет години, велат дека не нашле ништо спорно или противзаконски. Доколку нешто било спорно, велат, ќе отвореле постапка одамна“.
„Со ова, СДСМ го дава најголемиот доказ дека целиот државен апарат бил ставен во функција за тие да опстанат што подолго на власт“, рече Петрушевски.
Тој додаде дека Јавното обвинителство не смее да молчи.
„Очекуваме веднаш акција и разрешница. Нема време за одлагање кога станува збор за ваква злоупотреба на институциите“, истакна пратеникот.
Петрушевски нагласи дека ваквиот скандал не смее да остане неказнет, и дека граѓаните очекуваат одговорност од сите кои учествувале во прислушкувањето.
Македонија
Учениците се оставени без учебници, родителите печатат материјали од Вибер, реагираше СДСМ

Образовниот систем во Македонија ја почна хаотично новата учебна година, откако се покажа дека учениците немаат учебници, иако од ВМРО-ДПМНЕ го ветуваа спротивното.
„Иако во предизборните ветувања беше кажано дека сите ученици ќе добијат нови учебници, вистината е сосема поинаква. Самата министерката Јаневска призна дека учебници нема, иако се потрошени над 11 милиони евра од буџетот на граѓаните“, истакнуваат од СДСМ.
Недостасуваат учебници за математика и историја за 8-мо одделение, а родителите се приморани да печатат материјали од Вибер-групи. Проблемот е уште поголем за стручните училишта, каде што цели генерации немаат учебници по управно, процесно, правно и државно уредување.
„Учебници има само за најмалите ученици, од прво до трето одделение, додека за четврто и петто одделение ситуацијата е катастрофална. Одговорноста за овој хаос е кај министерката Јаневска и премиерот Мицкоски. Тие излажаа и ги изневерија учениците, родителите и наставниците“, велат од СДСМ.
Од партијата додаваат дека ваквите состојби не смеат да се повторуваат и повикуваат на итна интервенција за обезбедување учебници за сите ученици.