Македонија
(Видео) Мицкоски: Власта на СДСМ го подели народот како никогаш досега

Претседателот на ВМРО-ДПМНЕ, Христијан Мицкоски, оствари средба со жителите на општина Брвеница при што рече дека гласот на претседателските избори даден за Стево Пендаровски е всушност глас даден за Зоран Заев и продолжување на неговите, како што кажа Мицкоски, криминални политики.
Од ВМРО-ДПМНЕ информираат дека Мицкоски ја искомнетирал и вчерашната изјава на Пендаровски дека доколку го застане полиција поради брзо возење нема да го казни бидејќи го знаеле од телевизија.
„Денеска не знам дали можевте да видите, но јас видов еден исечок од обраќањето на кандидатот за претседател на Зоран Заев, бидејќи не можам поинаку да го наречам човекот кој што во мафијашки стил во еден скап скопски хотел беше номиниран од деспотот Заев и избран. Го слушам и вели – замислете мене да ме сопре припадник на МВР и тој припадник да ме сопре затоа што возам со недозволена брзина, што мислите, вика, ќе ме казни? Па се смее онака шеретски, помалку несмасно. И потоа сфаќа што кажал откако виде дека самиот си го дава одговорот на прашањето – нема шанси да ме казни бидејќи ме знае од телевизија. Го знаеле од телевизија, замислете затоа нема да го казнат, но, па, вели, може ќе ме казни, ама само ако е од овие вмровците“, рекол Мицкоски раскажувајќи го гафот пред присутните, додавајќи дека разликата меѓу ВМРО-ДПМНЕ и СДСМ е тоа што власта на СДСМ го поделила народот како никогаш досега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.