Македонија
(Видео) Мицкоски: Ниту анкетите напишани на „Бихаќска“ нема да им помогнат, пирејот се буди

Претседателот на ВМРО-ДПМНЕ, Христијан Мицкоски, вечерва од Свети Николе порача дека на 15 јули граѓаните одлучуваат за иднината на нашата татковина.
„Одлуката овој пат е помеѓу сосема две спротивставени политички понуди. Срам или чест. Подвиена кичма или исправена кичма. Да не спомнувам какво предавство му направија на сопствениот народ ветувајќи му подобра иднина. А денеска, по речиси четири години мандат, Европската Унија ги затвори вратите за граѓаните на Македонија. Ете таква перпектива овие луѓе може да донесат и ја донесоа. А за пљачки да не зборувам. Ќе почнам од нивниот генералниот секретар, па ќе завршам со куферчето ‘луј витон’, кое заврши во Обвинителтвото што веќе не постои. Затоа овде јасно и гласно да се разбереме. Секој оној што ќе заокружи за Љупчо Николовски, слугата на Зоран Заев, директно заокружува за уништување на Македонија. Затоа, на 15 јули јас чувствувам голема енергија, го чувствувам пирејот како се буди во секој, без разлика на етничката и верската различност, голема победа се случува. Голема победа ќе се случи на коалицијата за обнова предводена од ВМРО-ДПМНЕ. Ниту оние анкети напишани на ‘Бихаќска’ нема да им помогнат“, рече Мицкоски.
Не може да правиме држава, додаде тој, без да има одговорност.
„Затоа, секој од политичарите мора да докаже како го стекнал својот имот, своите автомобили. Не можам да се помирам со фактот што го видов додека го посетував секој град, секое село. Тага во очите кај народот. Тага и болка во градите. А разочарување се изговара од устата. Затоа што секој се чувствува изневерен, излажан. Па, луѓето велат сите политичари се исти. Не сме исти. Заврши времето на СДСМ-политичарите – елитисти, завалени во кожени фотелји, кои газат по дебели црвени персиски килими. Овие политичари ќе го следат принципот на народот. И овде заедно со народот ќе си ја обновуваат Македонија. Ние не сме СДСМ, па да владееме со народот, туку заедно со народот ќе ја обновуваме татковината. Тоа треба на сите да им е јасно. А за оние што владееја во минатото и се богатеа на грбот на народот и згрешиле пред законите, одговорност ќе има. Од 16 јули почнуваме веднаш со лоцирање на одговорноста“, рече Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионалниот пат преку Јасен од утрово пуштен за сообраќај

Денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерството за внатрешни работи.
Се препорачува внимателно возење, почитување на сигнализацијата и прилагодување на брзината поради можни одрони на патот, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен поради летните одмор, меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.
Македонија
Без струја делови од Карпош и Центар

Од ЕВН Македонија АД известуваат дека денеска ( среда ) без електрична енергија ќе останат:
– во периодот од 09.00 до 11.30 часот, корисниците од ул. Анкарска бр. 31. ( општина Карпош )
– во периодот од 09.00 до 13.00 часот, корисниците од ул. Загребска. ( општина Центар )