Македонија
(Видео) Мицкоски: Охрид ќе добие реконструиран колекторски систем

Христијан Мицкоски, претседател на ВМРО-ДПМНЕ во посета на Охрид во рамки на акцијата „Важно е! Од тебе зависат промените“, од претседавачот на Советот Сашо Донев слушна со што се соочува колекторската станица, додавајќи дека од вкупно четири пумпи функционираат само две за да не се троши електрична енергија, како и дека во Охрид има мешовита канализација и кога има поројни дождови цела фекална канализација завршува во Охридско езеро.
– Еве ја секунднава станица, има четири пумпи, а во вакво време функционираат само една до две, за да не трошат многу електрична енергија. Кога има поројни дождови ги пуштаат сите четири за да може да се повлече колекторот и фекалната канализација и да се однесе во Враништа во пречистителната станица. Е проблем е тоа што ви кажав дека и во Охрид има мешовита канализација и кога ќе врне дожд, фактички притисок на колекторот прави дождовната канализација и тука има една преливна шахта, сега не знам дали можете да ја видиме, овде од другата страна и цела фекална канализација завршува во Охридско езеро, најчесто кога има поројни дождови, истакна Донев.
Градоначалникот на Охрид, Кирил Пецаков посочи дека доколку тие 20-30 километри кои што треба да се одделат, ќе добиеме многу понормално функционирање на колекторот, односно независно.
– Настрана од самата обработка на отпадните води и на фекалната канализација, ние имаме потреба од реконструкција на оној веќе постоечки колектор, и на она кое што локалната самоуправа треба да го направи посебно во централното градско подрачје заради овие поројни дождови кои што Сашо ги спомна одделување на онаму каде што фекалната и атмосферската канализација се заедно и тоа е нешто што при поројни дождови, сериозно го оптеретува системот на функционирање на колекторот. И со овие 20 – 30 километри кои што треба да се одделат, ќе добиеме многу понормално функционирање на колекторот, односно независно. И нема да зависи дали ќе има поројни дождови или нема да има, па да мора колекторот со дополнителна снага да работи, за да најде начин и да ја исцеди водата од улиците во Охрид, истакна Пецаков.
Претседателот на ВМРО-ДПМНЕ, Мицкоски дека за реконструкција на ова е потребно да се побараат и пари од Европската унија од нивните грантови и фондови, бидејќи како што рече Охридското езеро е светска реткост и заштитена природна убавина според УНЕСКО.
– Овие кои што ги спомена одвојувањата во централното градско подрачје, помеѓу фекална и атмосферска канализација да се раздвојат, можете да започнете да правите проекти за да можеме со програмата за децентрализација на средства кога ќе се направи Влада да се финансира. Ќе мора да се обидеме да побараме пари за ова и од Европска унија и од таков тип на фондови и одредени грандови каде што ценам дека има. И јас сум убеден дека и Европска унија и канцеларијата тука ќе бидат подготвени да ни помогнат логистички и да се заложат во Брисел да се добијат средства, грант, а нешто и државата ќе учествува за да ова се санира, бидејќи навистина би било греота да во 21 век светска убавина како што е Охридското езеро, светска реткост и заштитена природна убавина според УНЕСКО, да не ја финансира самата Европска унија, кога Охридското езеро се наоѓа во Европа, без разлика што ние не сме дел од ЕУ, но сме кандидат за членство во ЕУ, вели Мицкоски.
Донев додаде дека она кое што било ветувано во минатото за колектрскиот систем не е реализирано.
– Она што беше ветено дека ќе има целосна реконструкција на колекторскиот систем не се оствари и сега ЈП Колекторски системи парцијално ги решаваат проблемите. Нормално колку ќе добијат средства од владата на Република Македонија. Ова се претседателе фекалиите кои што директно од функционалниот колекторски систем како што сакаше да каже директорот, завршуваат директно во Охридското езеро и во денови како што е денеска има сонце, повторно фекалии завршуваат во Охридското езеро, директно преку преливната шахта која што доаѓа од таму и завршува фекалната канализација тука, рече Донев.
Мицкоски потенцираше дека идната влада на ВМРО-ДПМНЕ ја чека многу работа и решавање на проблемите кои ги наследиле.
– Не чека многу работа Саше. Не чека многу работа. Важно е дека се ова што ќе го наследиме. Имаме план да го решиме и ќе го решиме. И треба да го решиме. Мора да се реши. Мора да се реши, истакна Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Македонските научници и истражувачи ќе соработуваат со Заедничкиот истражувачки центар на Европската комисија

Македонија ја продлабочува соработка со Заедничкиот истражувачки центар на Европската комисија (JRC). Неодамна потпишаниот договор помеѓу Министерството за образование и наука и овој рефернтен центар за наука и истражување на ЕУ, отвора нови перспективи за македонските научници и истражувачи. Тие добиваат поголеми можности за вклучување во европските истражувачки мрежи каде ќе можат да работат на проекти од области како енергетска безбедност, одржливи материјали за изградба на одржливи згради и инфраструктура, индустрија 4.0 и паметна специјализација.
За да се запознаат научниците и истражувачите со условите и начинот на кој можат да добијат поддршка од JRC, денеска на Машинскиот факултет во Скопје беше организиран инфо ден, на кој се обратија деканот проф. д-р Златко Петревски, претседателот на Владата проф. д-р Христијан Мицкоски, министерката за образование и наука проф. д-р Весна Јаневска и заменик генерален директор на Заедничкиот истражувачки центар, Матијас Оел.
Според деканот Петревски, настанот претставува значаен чекор напред во отворањето на македонското научно-истражувачко општество кон европските мрежи на знаење и иновации. Рече дека им се овозможува на македонските истражувачи да пристапат до врвни ресурси, знаење и заеднички проекти од клучно значење за развојот на државата.
„Соработката меѓу Македонија и Заедничкиот истражувачки центар на Европската комисија влегува во нова ветувачка фаза. Мојата неодамнешна посета на институтот во Испра ја потврди нашата посветеност за продлабочување и проширување на ова партнерство и со големо задоволство тоа го официјализираме со Рамковен договор за истражување, кој ќе биде од клучна важност за спроведување на Стратегијата за паметна специјализација на државата”, рече министерката Јаневска.
Посочи дека соработката дополнително ќе ја промовира мобилноста на истражувачите, нудејќи можности за докторски и постдокторски кандидати од земјава да бидат сместени во научните директорати на Заедничкиот истражувачки центар на Европската комисија.
„Без силна наука и без силно образование, не можеме да имаме силен раст на државата, не можеме да имаме раст на економијата, а со самото тоа понатаму и во другите сектори. Добро е што ќе има размена на научници. Добро е што наши научници ќе патуваат надвор, од надвор ќе доаѓаат научници кај нас. Со тоа се прави трансфер на знаење, се прави мрежа, се публикуваат научни трудови, се помага на индустријата. Тоа е многу важно да се каже дека сите овие научни достигнувања, коишто очекуваме да бидат резултат од овој проект, да помогнат на развојот на индустријата, со тоа и на економијата“, рече премиерот Мицкоски.
Здружениот истражувачки центар е референтен центар за наука и технологија на ЕУ, кој обезбедува независна научна и техничка поддршка за креирање и спроведување на политиките на Унијата. Центарот е вклучен и во процесот на нејзино проширување, преку соработка со земјите апликанти обезбедувајќи им техничка поддршка за ефикасно имплементирање на европските закони во областа на науката и технологијата. Центарот има седум институти во пет земји на ЕУ (Белгија, Германија, Италија, Холандија и Шпанија) кои покриваат широк спектар на теми, вклучувајќи: Одржлив развој и климатски промени; Иновации и технологија; Енергетика и транспорт; Здравство и безбедност на храна; Дигитална трансформација.
Македонија
Голем пожар кај Вардариште, жителите на делови од Ародром, Ново Лисиче и Гази Баба без струја

Пожар кај Вардариште остави беа струја делови од неколку скопски општини.
Жителите преку социјалните мрежи со остри реакции и повици да се стави крај на таквата состојба.
Пишуваат дека веќе два до три часа надлежните не можат да се справат со пожарот, кој како што велат веќе се проширува.
„На 35 степени зачадени ни ја исклучија струјата. Ако отвориш прозор ќе се угушиш од чад“, реагираат засегнатите граѓани.
Регионалниот центар за управување со кризи- Скопје, известува дека Противпожарната бригада, од околу 12:00 часот во кругот на поранешната депонија Вардариште на поголема неутврдена површина, гаснат запалена сува трева и отпаден материјал.
Моментално во гаснењето учествуваат седум противпожарни возила и најмалку 20-тина пожарникари.
Поради опасноста од зафаќање на трафостаница и електрични водови, превентивно струјата е исклучена и поради тоа поголемиот дел од општината Аеродром е без електрична енергија, велат од ЦУК.
Македонија
(Видео) Битиќи до Кочоска: Фирмите страдааат, кога ќе обезбедите поврат на ДДВ кон сите компании

Пратеникот на СДСМ, Фатмир Битиќи, на денешната собраниска седница посветена на пратенички прашања упати прашање до министерката за финансии Гордана Димитриеска-Кочоска, а се однесуваше на доцнењето на повратот на ДДВ. Битиќи потенцираше дека одредени компании добиваат приоритет при поврат на ДДВ, додека други, кои исто така имаат еднакви законски права, се оставени да чекаат.
„Според информациите што пристигнуваат од различни делови на стопанството, повратот на ДДВ доцни меѓу 6 и 9 месеци. Дополнително, имам информации, кои за жал, веројатноста е голема дека се вистините со оглед на факт дека недостасува транспарентност во делот на извршувањето на законските буџетски обврски, а се однесуваат на тоа дека одредени компании добиваат приоритет при поврат на ДДВ, додека други, кои исто така имаат еднакви законски права, се оставени да чекаат. Кој ќе ја добие милоста или суровоста од Владата, како што сум информиран, се одлучува во партиски штабови. Се прават „приоритетни листи“ за поврат на ДДВ и останати финансиски обврски, односно компаниите се вреднуваат според политичката подобност“.
Според него, ликвидноста на фирмите не треба да биде прашање на политичка волја или партиска наклонетост, тоа е прашање на фер економска политика и на одговорност кон јавниот интерес.
Оцени дека секоја неплатена фактура, секој задоцнет поврат на ДДВ е потенцијален ризик за опстанок на илјадници претпријатија, за задржување на работните места, за стабилноста на платите на вработените.
„Не смееме да го занемариме и фактот дека, иако Владата ја најави поддршката за стопанството преку унгарскиот кредит како инструмент за свеж капитал, реализацијата досега е помалку од 50% – исплатени се само 125,8 милиони евра за осум месеци, што е помалку од акумулираниот долг на државата кон стопанството од над 150 милиони евра само по основ на задоцнет поврат на ДДВ и други неплатени, а доспеани обврски. Значи, кога зборуваме за поддршката на Владата кон стопанството, тогаш тоа е „во минус“ од 24,2 милиони евра, што најдобро зборува за длабоката неусогласеност помеѓу политичките најави и реалната состојба на бизнисот. Компаниите се оставени сами да се снаоѓаат, како што знаат и умеат за да опстојат и осигурат егзистенцијата на илјадници вработени“, додада Битиќи.
Упати прашање до надлежните: кога министерството за финансии ќе обезбеди поврат на ДДВ и на останати доспеани побарувања кон сите компании, без политички приоритети, и дали конечно ќе се стави крај на оваа практика со доцнење? Праша и колку должи државата по основ на доспеани, но неисплатени обврски кој стопанството.