Македонија
(Видео) Начева: СДСМ, место да формира монтажен регионален ковид-центар, импровизира

„Какви се овие решенија што им се нудат на граѓаните во процесот на лекување од Ковид-19? Па, зарем во Штип не требаше да се формира монтажен регионален ковид-центар? За информација на граѓаните, поранешниот градоначалник бараше од Советот на Општина Штип изнаоѓање флексибилна, мобилна и едноставна структура од монтажен карактер, која требаше да одговори на потребите во справувањето со коронавирусот“, изјави Весна Нaчева од ВМРО-ДПНЕ.
Според неа, уште на 29 јули Советот на Општина Штип донесе одлука за формирање ваков центар. Меѓутоа, и тогаш знаевме, а и сега гледаме, дека таа одлука била залудна затоа што власта нема абер од монтажна болница.
„Меѓутоа, тоа не е единствениот проблем. Кога се пополнија капацитетите на инфективното одделение и кога почнаа да се препраќаат пациентите на лекување во Кочани, раководните структури на болницата направија импровизирано одделение за болни од Ковид-19 на одделението за кожни болести. И, наместо да се фокусираат на доградба на со години неизградената нова клиничка болница, тие ветуваа монтажна болница. Наместо да го формираат таканаречениот монтажен регионален ковид-центар, тие импровизираат инфективно во кожно одделение. Па, така, власта веќе 9 месеци се врти во круг, а граѓаните бараат тест повеќе, место повеќе, кислород повеќе“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: СДС е партија чиј премиер Ковачевски даваше земја за фотоволтаици на сопствената сопруга, и Заев кој даваше лиценци на брат му

„СДС да каже кој закон е прекршен, со набавката во Министерството за дигитализација? Дали вработениот кој го посочуваат е некој функционер или член на комисија која одлучува во однос на набавките? Наместо да манипулираат СДС треба да ја прифатат реалноста дека не се работи како до сега“, велат од ВМРО-ДПМНЕ.
„Да потсетиме дека премиерот од СДС, Ковачевски даваше земјиште за фотоволтаици на својата сопруга, и тоа со одлука на владата со која тој управуваше. Премиерот на СДС, Заев, даваше тендери и лиценци на фирмите на братот, братучедот и роднините“, посочувааат од партијата и додаваат:
„СДС е партија чии претседатели делеа бизниси на своите семејства“.
Претходно Методија Илиевски, потпретседател на СДСМ рече дека постои нов скандал во министерството на Андоновски и дека тендер добиле родители на негов вработен.
Скопје
Скопјанец нашол граната на Водно и ја земал со себе

Вчера во 14.11 часот во СВР Скопје, З.Н.(71) од Скопје пријавил дека на 29.03.2025 околу 12.30 часот, додека се движел по падините на Водно, пронашол граната, по што истата ја зел со себе.
Утврдено е дека гранатата е со калибар 75 мм, од Втората светска војна и била земена за понатамошна постапка
Македонија
ВМРО-ДПМНЕ: И по 10 месеци СДС не сфати зошто рејтингот им е непрепознатлив а Филипче неприфатен од народот

И по 10 месеци не научи ниту една лекција зошто народот не ги прифаќа. Знаеме дека СДС најсреќни би биле да нема проекти, да нема ленти и да нема развој, но за нивна жал и за среќа на граѓаните тоа нема да се случи, велат од ВМРО-ДПМНЕ.
„Го советуваме прескапо платениот Спасов и агенцијата Рејтинг да си ја сменат ПР стратегијата“, посочуваат од партијата и додаваат:
„И наместо да очајуваат зошто Владата работи, треба да излезат и да ги пофалат проектите кои се од корист за граѓаните. За 10 месеци се направи повеќе од 7 години власт, Филипче, Заев и Ковачевски“.