Македонија
(Видео) Николоски: Како Министер за транспорт и вицепремиер ќе дадам сѐ од себе да се почувствува разликата
![](https://makfax.com.mk/wp-content/uploads/2024/06/aleksandar-nikoloski.jpg)
Поминавме многу заедно. Победивме власт која долго ја девастираше Македонија потопувајќи ја во криминал и во корупција. Вие ми ја дадовте огромната доверба, и за мене како човек значи многу. Ова го истакна Александар Николоски, потпретседател на ВМРО-ДПМНЕ и предлог Заменик Претседател на Владата и министер за транспорт и врски.
„Јас сум дел од ВМРО ДПМНЕ долги години, од честа до бидам лидер на Унијата на млади сили, до тоа да сум пратеник или сега потпретседател на партијата, но жарта да направиме нешто повеќе за сите граѓани е подеднаква и би рекол најголема досега.
Како министер за транапорт и врски и како заменик претседател на Владата можам да кажам дека ќе дадам се од себе да се почувствува разликата. Да реализираме значајни инфраструктурни проекти.
Нови автопатишта, пруги, брзи железници, нови експресни патишта и многу други работи.
Како и да ги завршиме веќе започнатите, автопатот Охрид Кичево, експресниот пат Велес Градско и останатите кои чекаат на реализација.
Најдоброто допрва доаѓа. Нема време за чекање. Премногу време нашите граѓани изгубија и премногу дадоа за Македонија.
Време е Македонија да даде за нив. Ќе работиме фуриозно би рекол јас сум воркохолик и сум убден дека ќе работиме сите заедно во служба на граѓаните.
Ветувам. Македонија за тебе, за сите вас. Почнуваме“, порача Николоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Променливо облачно со повремен пороен дожд и грмежи, особено во источните делови
![](https://makfax.com.mk/wp-content/uploads/2017/02/oblacno-2.jpg)
Времето денеска ќе биде променливо облачно со повремен пороен дожд и грмежи, особено во источните делови. Ќе дува слаб до умерен ветер од северен правец. Локално ќе има услови за краткотрајно невреме. Минималната температура ќе биде во интервал од 14 до 21, а максималната ќе достигне од 26 до 33 степени. UV=7
Во Скопје ќе биде променливо облачно со повремен пороен дожд и грмежи. Минималната температура ќе се спушти до 17, а максималната ќе достигне до 32 степена.
За време на викендот и во понеделник времето ќе биде стабилно и потопло, а повторно дестабилизирање се очекува од вторник.
Македонија
Возачот не е повреден а заглавениот камион е извлечен, соопшти ЦУК
![](https://makfax.com.mk/wp-content/uploads/2023/02/policija-2.jpg)
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
![](https://makfax.com.mk/wp-content/uploads/2021/06/85020985.jpg)
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.