Премиерот Зоран Заев придружуван од министрите во Владата, денеска одржа прес-конференција на која реферираше за сработеното, една година по доаѓањето на власт. „365 промени за 365 дена“ е називот и на публикацијата објавена страната на Влaдата во која, според Заев, се наведени клучните мерки и промени.

Според него, нема веќе етнички и партиски поделби, а сите промени ги направиле во име на граѓаните со цел Македонија да биде земја на сите граѓани.

-Ја кренавме Македонија како отворена, стабилна, земја на можности на пет столба, секој ден Mакедонија се менува на подобро. Македонија е земја на економски раст и раст на плати. Повеќе пари кај граѓаните. Градиме држава по европски правила, рече Заев.

Според премиерот, 90 000 граѓани земаат повисоки плати, а приоритет за 2018 година е економска стабилизација.

Тој рече дека Македонија чекори кон Европската Унија и НАТО, а се решаваат и спорови, но се зајакнува и идентитетот.

-Рековме, ќе има референдум. Граѓаните го имаат конечниот глас на референдум. Но, граѓаните чекаат лидерство, а вистински патриоти денеска се тие што обезбедуваат иднина на граѓаните. Сите знаеме дека Македонија по решавање на спорот околу името станува членка на НАТО. Решаваме 25-годишен спор којшто земјата ја влечеше надолу. Тргнавме напред, рече Заев.

Како што посочи Заве во говорот, завршиле политиките од минатото што стимулираa нетрпеливост, реваншизми, партиски и етнички поделби.

-Во таа насока го предложивме Закон за употреба на јазиците, со кој ќе се прошири употребата на службениот јазик што го зборуваат најмалку 20% од граѓаните, согласно со Уставот и Амандманот V.
Законот им овозможи на граѓаните да комуницираат со државните институции на својот мајчин јазик и со тоа полесно и поефикасно да ги остварат своите уставни права. Воедно, законот целосно ја гарантира и соодветната употреба на македонскиот јазик, но и на другите јазици кои се во службена употреба во одредени единици на локална самоуправа, додаде Заев.