Македонија
(Видео) Сведокот Нинџа вози затворско камионче, извршителите го чекаат Врховен, организаторите Кривичен – шест години по упадот во Собранието

По шест години од инцидентите во Собранието на 27 април, осудените за извршителство бараат правда, обвинетите за организирање ќе се судат одново. Судијката Добрила Кацарска, која досуди 188 години казна за вкупно 16 осудени, стана уставна судијка. Судијата Илија Трпков на кого Апелација му најде грешки при носењето на пресудите за организаторите – ќе суди одново во Кривичниот суд.
Уште се дебатира дали осудените за изврштелство се уставобранители или терористи
Повеќето од осудените во предметот за извршителството на 27 април ја издржаа речиси половина од казната. Тие се во затворите во Штип, Прилеп, Идризово. Освен Александар Василевски-Нинџа, кој казната ја издржува во истражниот затвор во Шуто Оризари. Според директорот Филип Андов, тој е примерен затвореник, па вози камионче во склоп на затворот, што значи работно е ангажиран.
Викенд-отсуство користат и други затвореници, чии казни се до 12 години. Јавноста има поинакво мислење за нив – некои сметаат дека тие се уставобранители, други ги посочуваат како терористи, кои имале намера да убијат некого за време на упадот.
На поранешниот директор на Бирото за јавна безбедност, Митко Чавков, Апелациониот суд му ја преиначи казната од 18 на 16 години затвор, а обвинетите Влатко Трајковски и Никола Митревски-Кољо се осудуваат на казна затвор во траење од 14 години за секого. Понатаму, обвинетите Митко Пешов, Душко Лазаров, Горан Ѓошевски-Леви, Мунир Пепиќ, Јане Ченто и Вилијам Михајловски се осудуваат на казна затвор во траење од 13 години за секого.
Апелациониот суд ги осуди обвинетите Оливер Поповски, Младен Додевски, Горанче Анѓеловски и Игор Југ на казна затвор во траење од 11 години за секого, обвинетиот Оливер Радулов на 9 години, обвинетиот Александар Василевски-Нинџа на 7 години и обвинетиот Абдуљифета Алими на 6 години.
Овој предмет е одамна пред Врховниот суд. Мислење даде и Обвинителството. Одлука дали можеби обвинетите ќе добијат ново судење и слобода или ќе останат каде што се – нема. Претходно, постоеја обиди преку закон за амнестиј, осудените да бидат условно амнестирани, но тој не го помина собранискиот филтер ниту за да се најде на седница.
Апелација најде грешки кај Кривичниот суд за предметот „Организатори на 27 април“
Апелација ја падна пресудата за предметот „Организатори на 27 април“. Предметот го врати на ново судење. Спорно им беше што селективно се амнестирани лица што биле обвинети. Беше побарано како судијата Трпков така и Обвинителството да преиспита дали е правилно применета амнестијата. Апелационите судии беа децидни дека не се ценети сите решителни факти пред да се изрече пресудата. Посочуваат и дека е повредено правото на одбрана на обвинетите.
На вкупно 25 години затвор беа осудени ексспикерот Трајко Вељаноски, поранешните министри Спиро Ристовски и Миле Јанакиески и поранешниот директор на УБК, Владимир Атанасовски.
Обвинителот ќе треба да пресече и дали предметот треба одново да се суди или ќе донесе јавнообвинителска одлука за повлекување на обвинението, а поради амнестијата. Предметот одново ќе го суди истиот судија – Илија Трпков, судија за кој медиумите пишуваа дека во два случаја носи пресуди верувајќи му на еден сведок, кој случајно се затекнува на настаните – Александар Василевски- Нинџа. За разлика од претходно, предметот нема да го застапува Вилма Русковска, која сега е скопска обвинителка, туку Трајче Пеливанов од поранешното СЈО, кој сега е обвинител за гонење организиран криминал.
Пред шест години, односно на 27 април 2017 година, во Собранието, според едни, влезе народ, според други – насилници. Упадот во прес-салата беше клучен за крвавите инциденти. Внатре беа пратениците од СДСМ на чело со Зоран Заев, стиснати во еден ќош, но и по некој од ВМРО-ДПМНЕ, новинари, фотографи, сниматели. Групата почна да фрла кон пратениците на СДСМ со столови, стативи, компјутери, разни предмети. Имаше низа повредени.
И по шест години од судските пресуди за „терористичко загрозување на уставниот поредок“, не стивнуваат критиките дека тој настан не е акт на тероризам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: На 2 ноември потребна е мобилизација и секој еден глас

Претседателот на ВМРО-ДПМНЕ, Христијан Мицкоски, се обрати од денешниот настан одржан во Аеродром, во рамки на вториот круг од локалните избори закажани за 2 ноември 2025 година, под слоганот „Вистинскиот избор! Твојот човек! Твоето место! За твојата иднина!“.
Мицкоски во својот говор се заблагодари за поддршката во првиот круг каде 33 општини избраа градоначалник од редовите на ВМРО-ДПМНЕ и коалицијата наспроти 3 од СДСМ и ги повика граѓаните да излезат масовно и да гласаат на 2 ноември со заокружување на бројот 9.
„Во вториот круг имаме 26 кандидати од кои најголемиот дел се во големо водство како Аеродром и во Скопје, а во неколку нашиот кандидат е второпласиран, но е во вториот круг. Ќе се бориме за секој еден глас и за секој општина. Излезете и гласајте по вашето лично убедување. Кога ќе го имате пенкалото во рака ако одлучувате според разум, душа и срце убеден сум дека ќе одлучите за бројот 9 и овде во Аеродром за Дејан и Орце за Град Скопје, убеден сум“ кажа Мицкоски.
Мицкоски кажа дека СДСМ не е на биолошки минимум туку пред исчезнување и на следните избори кога и да се, ќе бидат под 100 000 гласа и ги повика граѓаните да гласаат за број 9 на 2 ноември.
„Порака до симпатизерите и членовите на СДСМ, иако тоа го правев цело време во кампањата за првиот круг, кога велев дека и на нив не им е пријатно некогаш големиот СДС како сега се бори како се жилави едвај да го помине прагот од 100 илјади гласа, сега не зборуваме за биолошки минимум зборуваме таму за исчезнување, единствен начин да си помогнат себе и да и помогнат на СДС да излезат во втор круг и да го заокружат бројот 9 којшто прави промена. Следните избори СДСМ ќе бидат, под 100 илјади гласа. Тогаш ќе дојдеме до заклучок дека намалувањето на бројот на пратеници поради апстинирање или разочарување е државен и национален проблем. Ваква опозиција каква што е, не ќе може да направи резултат, тогаш состојбите ќе бидат поинакви, тогаш ќе имаме нова реалност. Затоа е важно да излезете и да гласате. Потребна ни е мобилизација на секој еден гласач“ кажа Мицкоски.
Мицкоски кажа дека во политиката мора да се има цел и стратегија, ВМРО-ДПМНЕ на патот кон остварување на своите цели не бараше ништо освен почит за својата жртва која ја дале за друг, но тоа не го доби и тоа ВМРО-ДПМНЕ нема да го заборави.
„Политиката не е црна кампања и не е со лаги да се доберат до власта. Политиката е да имаш цел, и план како да ја реализираш таа цел. Ние имаме план и многу стратешки цели како да ги реализираме, дел ги реализиравме, дел се реализираат, многу мал дел не успеавме да реализираме. Понекогаш додека ги реализиравме овие стратешки цели крваревме како ВМРО-ДПМНЕ и поднесовме жртва. Не беше лесно, многу ми беше тешко кога ги гледам нашите сопартијци од Тетово, Гостивар, од Струга, Чаир, Дебар и за тоа плативме цена и за тоа има жртва. И ние не бараме ништо, не бараме за возврат ништо затоа што имаме цел, ние бараме почит за жртвата којашто сме ја дале за друг, не ја добивме и тоа нема да го заборавиме. Сега да се фокусираме на 2 ноември масовно да излеземе, да тропнеме на секоја врата, да излеземе и да зокружиме број 9, за Дејан, за Орце и насекаде каде ВМРО-ДПМНЕ има свој кандидат“ нагласи Мицкоски.
Македонија
Димитриевски: Комплексот К4 ќе добие повеќе паркинг места, зелени површини и ќе се спречи градба на нови згради!

Кандидатот за градоначалник на Куманово од редовите на Движење ЗНАМ – За наша Македонија, Максим Димитриевски, најави целосна реконструкција и уредување на просторот кај комплексот згради К4, во близина на Економското училиште.
– По примерот на дворот на Економско училиште планираме реконструкција на целиов простор и сите зелени површини во овој комплекс на згради. Дополнително проширување на паркиралиште, места за паркирање, воведување на втора паркинг зона со одбележување на сите места за паркирање коишто ќе бидат бесплатни за сите резиденти жители коишто живеат на оваа локација, изјави Димитриевски.
Тој истакна дека шпекулациите за изградба на нови објекти на овој простор се неточни и дека нема да дозволи дополнително пренатрупување со станбени згради во централното градско подрачје.
– Сакам да ве информирам дека сите шпекулации поврзани со наводни градби на нови објекти и нови станбени згради на овој простор се веќе запрени и ќе бидат запрени. Токму јас, Максим Димитриевски, се борам против урбаниот градежен хаос којшто со децении трае во Куманово и никогаш во рамките на мојот мандат нема да дозволам пренатрупување на станбени згради, особено во централно градско подрачје, порача Димитриевски.
Тој додаде дека градот ќе отвора нови градежни зони каде инвеститорите ќе можат да вложуваат во изградба на станбено-деловни комплекси, со цел рамномерен и уреден урбан развој.
Од граѓаните, за таа цел, побара поддршка во вториот круг од изборите на 2ри ноември.
– Ве повикувам во недела да искочите масовно и да ми дадете поддршка на престојните избори, бидејќи токму јас сум тој којшто заедно со вас се грижи Куманово да продолжи да се развива и да се менува, како и во сите досегашни осумстотини проекти реализирани во градот,“ изјави тој.
Македонија
Митески: Заедно со Владата и идниот градоначалник на Скопје, Ѓорѓиевски, ќе го направиме Аеродром уште поубаво место за живеење

Дејан Митески, кандидат за градоначалник на општина Аеродром од редовите на ВМРО-ДПМНЕ, се обрати од денешниот настан одржан во Аеродром. Тој истакна дека во наредните 4 години со поддршка од Владата и Град Скопје ќе се реализираат важни проекти, ќе се вложува во безбедни училишта и градинки, паркови со зеленило, спортски сали и културни центри кои ќе го подобрат животот на граѓаните во Аеродром.
„Во наредните 4 години, со поддршка на Владата, со поддршка на идниот градоначалник на Град Скопје, Орце Ѓорѓиевски, ќе направиме уште повеќе, уште подобро и уште поубаво место за живеење. Ќе продолжиме со започнатите активности, а во план се и многу други“, вели Митески.
Митески им се заблагодари на граѓаните за постигнатиот резултат во првиот круг и ги повика во вториот круг масовно да излезат на гласање и да го заокружат бројот 9, за историска победа и развој на Аеродром.
„Ве повикувам сите масовно да се вклучиме и на 2 ноември, ВМРО-ДПМНЕ да слави уште поголема и поубедлива победа во Аеродром“, кажа Митески.