Македонија
(Видео) Стоилковски: Дали МВР ги изгасна семафорите во Скопје поради планот за рестрикции на струја?

Дали МВР почна со редовно спроведување на планот за рестрикција на струјата со гаснење на семафорите или правеше генерална подготовка за дејствување во криза, запраша портпаролот на ВМРО-ДПМНЕ, Наум Стоилковски, откога во вторникот се создаде голем сообраќаен метеж на скопските улици.
„Во овој документ – планот за мерки, активности и функционирање на МВР и БЈБ во услови на кризна состојба поради недостиг на струја, децидно стои дека организациските единици на МВР/БЈБ треба да спроведуваат забрана, пренасочување и воспоставување движење во урбани сообраќајници, регулирани со светлечки сообраќајни знаци, односно зависни од електрична енергија“, нагласи Стоилковски.
Според партискиот портпарол, енергетската криза е поголема од она што власта се обидува да го прикаже.
„Изготвен е документ за дејствување во кризна состојба поради рестрикции и немање струја, а власта најавува таа состојба да трае уште половина година. Во овој план се наведуваат состојби, како – реални безбедносни предизвици со економски социјални појави со негативни последици, пораст на криминалот, сообраќајни деликти, нарушување на јавната безбедност поради недостиг на струја и зголемената цена“, истакна Стоилковски и додаде дека граѓаните не сакаат паушални, туку вистински решенија за што, како што рече, потребни се брзи избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.
Македонија
Мицевски: Интерпелацијата за министерот Тошковски не доби поддршка

„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ.
„Потребна е стабилност, а не политичко дестабилизирање. Во услови кога Владата е во фаза на спроведување важни реформи, особено во безбедносниот сектор, несериозни интерпелации создаваат дополнителна нестабилност и можат да го компромитираат спроведувањето на започнатите процеси. Јавната безбедност бара стабилност, континуитет и институционално зајакнување, а не секојдневни политички турбуленции“, додаде тој.