Македонија
(Видео) Стоилковски: Единствено што СДС знае е непотизам, партизација, кронизам, Охрид е пример за тоа

„Македонија по 7 години со СДС и ДУИ на власт доби девет нули од ЕК, што значи дека не сработеле ама ништо. По 7 години со СДС, единствен регистриран раст има корупцијата, партизацијата, непотизмот, кронизмот, протекционизмот. Македонија е доволно голема за овие случаите да излезат на виделина, како на пример во Охрид“, вели Наум Стоилковски, портпарол на ВМРО-ДПМНЕ.
„И оттука, главен вработувач во Охрид е Миле Зечевиќ, генерален секретар на СДС, чијашто роднина е Кристина Крлеска Деспотоска, главна на охридската филијала на СДС.
Според охриѓани, тоа бил и единствениот услов за поставување на Претседател на ОО СДСМ Охрид, на Деспотоска.
Таа од пред 8 месеци е Директор на централен регистар Охрид, но веќе е покрената истрага од надлежните институции, заради сомнеж за фалсификувани документи.
Лазе Танески, пратеник од СДС, другар на Миле Зечевиќ. Лазе, зетот за ќерка, Антонио Кочоски, заради другарување со Зечевиќ, го вработува во контрола на летање Аеродромот Охрид.
Ниту ќерката Тамара Танеска не е заборавена, таа ја вработуваат како општ лекар и веднаш и се дава државни пари за специјализација. Пратеникот Лазе Танески, другар на Зечевиќ, ги вдомил децата, а ги вдомил и внуките, исто во болница, исто како општи доктори, и двете внуки како и ќерката добиваат специјализација од државата.
Затоа, Асен Шајн, е директор на општа болница Охрид, а неговата сопруга Ирена Шајн, е директор на завод и музеј Охрид.
За роднината на Зечевиќ главна на ОО СДС Охрид да има поддршка, и партискиот секретар, другар на Зечевиќ, Ристе Недески, мора да е добро ухлебен. Тој, директор на Затворот Охрид, а сопругата Соња Недеска е вработена во ЈП Пазар, а сестрата на сопругата, Татјана Шишкоска е вработена во СВР Охрид.
Уште една другарка на Зечевиќ, Елизабета Русевска, станува Претседател на Државна комисија за одлучување во втор степен во областа на инспекциски надзор и прекршочна постапка, функција, и секако нејзините деца се вработени- Златко Русевски во царина, а Димитар Русевски во СВР Охрид
Цветко Ристески, партиски Шеф на изборниот штаб на СДС Охрид, вработен како Раководител на пазарен инспекторат Охрид, а како докажан другар, синот Петар Ристески, од пред два месеци е вработен во граничната полиција Охрид.
Не е покуса ниту Жаклина Лазаревска, пратеник од редовите на СДС, со пипци во охридското образование. Блиска роднина, нејзина братучетка, Ивана Левеска се вработува како наставник по англиски во ОУ Григор Прличев во Охрид.
Зечевиќ мислел и на членовите на ЦО на СДС, па Љупчо Којчиноски ќерката Даниела Којчиноска Мартиноска ја вработува во Општинската администрација во Охрид.
Додека, Димитар Рилкоски, член на ЦО на СДСМ се вработува како професор по физичко воспитување во Охрид. Сопругата Јана Рилкоска е вработена пред 2 месеци во гранична полиција Охрид.
Очигледно дека МВР е посакувано за СДС Охрид, па има цел кластер на непотизми и партизација таму.
Саше Дончевски командир на ПС Охрид во време на СДС, неговата сопруга Александра Дончевска е директор на АВРМ Охрид.
Жарко Лазороски, началник на СВР Охрид во време на СДС, сега пред три месеци заради блискост со Зечевиќ неговата сопруга Јасмина Лазороска е вработена во АД ПОШТА Охрид како раководител на економско правна служба.
Неговиот брат Павле Лазороски началник на гранична полиција Охрид во време на СДС. Сопругата Катерина Лазороска се вработува како директор на фонд за здравствено осигурување од февруари годинава. И во Февруари со одлука на Влада, сега во 2024, по конкурс кој не е завршен во 2017, таа е назначена за државен правобранител во Охрид.
Единствено што СДС знае е за непотизам, партизација, кронизам, а Охрид е пример за тоа.
Мрежа за партизација и кронизам на Миле Зечевиќ и СДС никогаш не запрел во овие 7 години. И ЕК оцени дека ништо не работеле, ама имале особен интерес и успех во Корупцијата! Не во борбата со корупцијата, туку во корупцијата, партизацијата, непотизмот, кронизмот, протекционизам, клиентелизам.
Никогаш не било полошо, време е да ги поразиме, време е наместо хаосот да завладее ред“, изјави Наум Стоилковски, портпарол на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.