Македонија
(Видео) Стоилковски: СДС го негира сопствениот оглас за претседателски кандидат

Заевизмот го заборави и го негира огласот што пред неполни две недели беше распишан тука од СДС за кандидирање за претседателски кандидат. Огласот е заборавен и негиран уште пред истекот на рокот што беше зададен токму од СДС, рече портпаролот на ВМРО-ДПМНЕ, Наум Стоилковски, во изјава за новинарите.
„Распишаа оглас на 4 февруари, со рок до 19, односно до денеска, а веќе вчера, на 18, ден пред истекот, веќе го имаа заборавено и го негираат огласот. Го негираат тоа што наместо Извршниот одбор, највисокото партиско тело на СДС, кандидатот за претседател на СДС ќе го избира Артан Груби од ДУИ, со асистенција на Миле Зечевиќ. И нема ништо од апликациите, ништо од наведените критериуми, како тоа кандидатот да ужива доверба на членството и на симпатизерите на СДС и да ја, како што беше наведено, оживотворува политиката на СДС. Кандидатот сега треба да ја оживотворува политиката на Артан Груби и да ја ужива довербата на ДУИ“, рече Стоилковски.
Според него, Заев сега не бара претседателски кандидат, туку послушник којшто ќе му го аминува криминалот на картелот во власта и нема ништо од демократски норми во овој избор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За една недела „пајакот“ кренал 101 возило во Центар

ЈП Паркинзи на Општина Центар во соработка со Сообраќајната полиција-Скопје во периодот од 02.06. до 08.06.2025 година, со помош на специјалните возила „Пајак“ отстранија 101 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
„Незаконска употреба на пиротехника на журката на УМС на ВМРО-ДПМНЕ, зошто МВР молчи“, прашува СДСМ

„Срамната и скандалозна е прославата на УМС на ВМРО-ДПМНЕ – журка која се одржа додека Македонија сè уште е во црно, додека 62 семејства жалат за загубените деца, а над 200 млади се борат со последиците од трагедијата во Кочани“, велат од СДСМ.
„Срамно е што на оваа прослава се аплаудираше на говор полн со омраза од премиерот Мицкоски, насочен кон семејствата на повредените и загинатите во Кочани.
Дополнително, беа употребени и пиротехнички средства, кои не само што се законски забранети и опасни – токму се и причина за пожарот и големата трагедијата во Кочани што ја зави државата во црно.
Кој наредил и кој одобрил употребата на пиротехника на прославата на УМС? Кој ја набавил и ја дистриубуирал? Зошто МВР молчи? Или за УМС на ВМРО-ДПМНЕ не важат законите?
Согласно новиот закон, членот 31 предвидува казни и одговорност за употреба на пиротехнички средства на овој начин“, се наведува во соопштението на СДСМ.
Од партијата бараат итна реакција од Министерството за внатрешни работи, казни и одговорност согласно законите.
Македонија
Министерството за социјална политика со веб – страница достапна за лицата со попреченост

Министерството за социјална политика, демографија и млади стана првата јавна институција која има целосно пристапна веб-страница за лицата со попреченост, во согласност со Европската директива EN 301 549 и стандардите WCAG 2.1.
„Ова претставува историски чекор кон дигиталната инклузија и еднаквост. Со поддршка на тимот од AccessWay, овозможивме веб- страницата на министерството да стане достапна за сите корисници, вклучително и за лицата со визуелна, моторна или когнитивна попреченост“, велат од Министерството, од каде повикуваат сите јавни институции да го следат овој пример.
„Заедно можеме да изградиме општество и иднина што ќе биде поправична, поеднаква и поинклузивна за сите“, се додава во соопштението на Министерството.