Македонија
(Видео) Талески: „Феникс“ го потврди, а Мицкоски го брани криминалот на ДПМНЕ

„Случајот ‘Феникс’ уште еднаш го потврди вистинското криминално лице на неговата партија. Поранешни највисоки функционери од ДПМНЕ се осомничени дека злоупотребиле 57 милиони евра, пари на граѓаните, за 11 споменици од Скопје 2014“, рече Миле Талески, пратеник на СДСМ.
„Според обвинението, биле перени пари преку спомениците, милиони, кои завршувале во џебовите на неколкумина од белата палата. На грбот на македонскиот народ, но и на македонските великани, како Гоце Делчев, Никола Карев, гемиџиите, луѓе од ДПМНЕ се богателе на ангро додека народот осиромашувал“, рече Талески.
Според пратеникот на СДСМ, „’Скопје 2014′ е најголемата пералница на пари, ултракриминал на ДПМНЕ. Но, тоа е само дел од мозаикот на криминални шеми за испумпување пари од буџетот, пари на граѓаните“.
„Има многубројни судски пресуди и долгогодишни затворски казни, има стотици осудени сегашни и поранешни функционери на ДПМНЕ, меѓу кои и за злосторничко здружение.
Дури и седиштето на ДПМНЕ, луксузната бела палата, е криминално стекнат имот врз грбот на граѓаните. Сето ова се факти, кои потврдуваат една константа: ДПМНЕ е криминална партија.
И наместо Христијан Мицкоски да побара целосно расчистување на сите случаи преку законски постапки, наместо да побара одговорност на секој што го прекршил законот, тој го брани криминалот на ДПМНЕ.
Тоа покажува дека ништо не се променило во ДПМНЕ, тоа е истата режимска криминална партија“, изјави Миле Талески, пратеник на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Семејствата на починатите во кочанската дискотека денеска излегуваат на протест

Семејствата на починатите во кочанската дискотека организираат „Марш за ангелите“.
Протестот ќе се одржи денеска во 12:05 часот.
Маршот ќе започне од Градскиот парк во Кочани, ќе продолжи кон Трговскиот центар, Општина Кочани, Полициската станица и ќе завршат пред Судот.
„Маршот на семејствата на покојните не е за поддршка на обезбедувањето, единствено и исклучиво за почит спрема покојните и барање на правда“, стои во известувањето.
Македонија
Денеска облаци и сонце, утре дожд и снег

Утре голема промена на времето.
Времето денеска ќе биде променливо облачно со сончеви периоди. Локално ќе има услови за развој на нестабилност со краткотраен пороен дожд и грмежи. Минималните температури ќе се движат од 0 до 9, а максималните од 12 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе биде 8, а максималната 20 степени.
Утре ќе има брз продор на студена воздушна маса од север, кој ќе предизвика значителна промена на времето. Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10 до 15см). Ќе дува засилен северен ветер (над 70км/ч.) и температурите значително ќе опаднат.
Во понеделник со засилен северен ветер наместа повремено ќе провејува слаб снег. Потоа времето ќе биде стабилно и ветровито со утринските температури кои насекаде ќе бидат негативни.
Македонија
Променливо облачно со сончеви периоди

Времето денеска, променливо облачно со сончеви периоди. Локално ќе има услови за развој на нестабилна облачност со краткотраен пороен дожд и грмежи. Минималната температура ќе биде во интервал од 4 до 9, а максималната ќе достигне од 14 до 20 степени.
Во Скопје, променливо облачно со подолги сончеви периоди. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 20 степени.
Во недела ќе има продор на студена воздушна маса од север, кој ќе предизвика значителна промена на времето.
Ќе преовладува претежно облачно време со врнежи од дожд, а на повисоките места од дожд и снег. На планините врнежите ќе бидат од снег и ќе се формира снежна покривка (10-15см).
Ќе дува засилен северен ветер (над 70км/ч) и температурите значително ќе опаднат. Во понеделник со засилен северен ветер наместа ќе провејува слаб снег. Потоа времето ќе биде стабилно и ветровито со утрински температури кои насекаде ќе бидат негативни.