Македонија
(Видео) Филипче: Реконструиравме повеќе од 10 јавно здравствени установи низ земјава

Министерот за здравство доц. д-р Венко Филипче изјави дека она што е зацртано на почетокот на мандатот, во голема мера е реализирано. Една од главните цели беа капиталните инвестиции и реконструкциите.
Направивме обнови и реконструкции во повеќе од 10 јавно здравствени установи
Направивме обнови и реконструкции на повеќе од 10 јавно здравствени установи во целата земја и набавивме најсовремени медицински апарати за точна и прецизна дијагностика. Во следниот период планирано е подобрување на условите и во други 34 јавни здравствени установи во државата. Продолжуваме да работиме посветено. Создаваме подобри услови за лекување и престој на пациентите и подобри услови за работа за здравствените работници.
Posted by Венко Филипче on Сабота, 28 декември 2019
„Една од главните цели беа капиталните инвестиции и реконструкциите. Така, годинава, целосно се реконструираа Одделението за интензивна нега на Клиниката за неврохирургија, Клиниката за хематологија, Клиниката за пластична и реконструктивна хирургија, Клиниката за дигестивна хирургија и Клиниката за гастроентерохепатологија. Целосно се реновираа операционите сали на Клиниката за ортопедија, каде се изведуваат најсофистицирани операции на локомоторниот систем. Целосно се реконстурираа службите за Итната медицинска помош во Здравствените домови во Велес и Битола. Го пуштивме во употреба новиот ургентен центар во Куманово и Кардиоваскуларниот центар во Градската општа болница „8 Септември”. Од темел го изградивме новото одделение во Психијатриската болница во Негорци и машкиот павиљон во Психијатриската болница во Демир Хисар. Во завршна фаза се два капитални проекти, Специјалната болница по хируршки болести „Св. Наум” во Скопје и Специјалната болница за ортопедија и траумотологија „Св. Еразмо” во Охрид“, потенцираше министерот Филипче и додаде дека од следната година започнува со работа и новата болница во Струмица.
Во периодот што следи планирано е отпочнување со реновирање на уште 34 јавно здравствени установи во државата. Набавени се најсовремени медицински апарати за здравствените установи на територијата на целата земја, кои се основен предуслов за точна и прецизна дијагностика и понатамошен соодветен третман на пациентите. Набавени се и 12 нови возила за итната медицинска помош, нови лекови, вакцини и најсовремена медицинска терапија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На граничните премини поради летните одмори се чека до 40 минути

Утрово од 05:00 часот регионалниот пат Р-1106 Нова Брезница – Македонски Брод преку националниот парк Јасен е пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот, соопштува АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце влезето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
(Видео) Филипче: СДСМ нуди чесни кандидати за градоначалници, кои се почитувани во заедницата

Претседателот на СДСМ Венко Филипче, на денешната прес-конференција упати критики до премиерот Христијан Мицкоски и неговите насоки околу тоа, како да работат градоначалниците на ВМРО-ДПМНЕ. Резултатите од тоа, вели Филипче, се катастрофално управување со општините од страна на ВМРО-ДПМНЕ. Спротивно на ова, нагласи Филипче, СДСМ нуди чесни кандидати за градоначалници кои се почитувани во заедницата.
„Јас го слушам примерот како дава насоки како да работеле градоначалниците и сметам дека тоа е многу погрешно. Сметам дека тоа доведе Скопје да стане страшно валкан и едноставно неубав град за живеење со нивната градоначалничка, Данела Арсовска, од која понатаму во текот на мандатот се обидоа да се дистанцираат, но јасно е дека не им успеаја диловите, па затоа и се скараа. Јас давам гаранција дека сите градоначалници на СДСМ ќе работат чесно и одговорно, со целосна поддршка и гаранција од мене и од партијата“, изјави Филипче.
Истакна дека СДСМ на претстојните локални избори настапува со постојната коалиција, со најдобрите кандидати кои уживаат кредибилитет во своите средини. Тие се подготвени да излезат пред граѓаните со реални и остварливи програми, големи развојни планови за крупните општини и микро-планови за решавање на секојдневните проблеми во помалите средини.
Во однос на вториот изборен круг, тој најави разговори и со партии од албанскиот блок.
Претседателот на СДСМ изрази жалење што власта не успеа да обезбеди мнозинство за измените на Изборниот законик. По одлуката на Уставниот суд со која беа укинати два члена, остана нерегулирано прашањето за независните листи на кандидати, што може да предизвика хаос и да ги загрози независните кандидати.
„ Ние помогнавме, го прифативме предлогот да се намали бројот на потребни потписи за пријавување на кандидатурите од 1% што го укина Уставниот суд, на 0,5%, што мислиме дека е фер и дека добро го регулира тој простор“, нагласи Филипче.
Тој додаде дека лично ја поддржува волјата на независните и на граѓаните да кандидираат свои кандидати.
„Сметам дека со тоа се зголемува можноста за избор на граѓаните и сметам дека треба да има кандидати. А ние, нормално, ќе се бориме со целиот наш демократски капацитет и со сите демократски инструменти за да ја добиеме довербата на граѓаните“, потенцира Филипче.
Претседателот на СДСМ најави дека СДСМ ќе води позитивна кампања.
„Ние нема да се спуштиме на тоа ниво. Ќе водиме добра, позитивна кампања. Ќе ги промовираме нашите кандидати и нашите добри политики. Ќе бидеме генерално фокусирани на локалните теми, но ќе се задржиме и на дел од централните теми, бидејќи сметаме дека е важно луѓето да знаат за кого гласаат“, истакна Филипче.
Тој потсети дека сите ветувања на ВМРО-ДПМНЕ од 2024 година останаа неисполнети.
„Ништо од тоа не е реализирано. Требаше да имаме подобри услови за преговори со Европа, но тоа не се случи. Албанија и Црна Гора не претекнаа, додека стандардот во Македонија стагнира. Не смееме да дозволиме повторно да се врати политиката на лажни ветувања,“ рече Филипче.
Македонија
(Видео) Филипче: Зад обвинувањата за дестабилизација Мицкоски го крие неуспехот на сопствените политики

„Премиерот подолг период наназад тврди дека јас, заедно со други, подготвувам некакви сценарија за дестабилизација и хаос. Тоа апсолутно не е вистина. До сега, ако навистина имало такви намери, ќе се случеше некаква дестабилизација, со оглед на тоа што премиерот постојано не обвинува за тоа“, рече денеска Венко Филипче претсседателот на СДСМ одговарајќи на новинарско прашање во седиштето на партијата.
Филипче тврдењата на премиерот ги оценува како неуспех од водењето на сопствените политики и немањето капацитет да се води државата.
„Причината е јасна, едноставно, тој нема со што да се пофали. Нема ниту еден успех кој може да го презентира, нема никаква добра политика. Сите гледаме што се случува во економијата – постои криза во буквално секој сектор. Евроинтегративниот процес е целосно заглавен, земјата назадува во поделби и меѓунационални тензии, што е исклучиво резултат на политиката што ја води оваа влада. Нема напредок ниту во образованието, ниту во земјоделството. Сите добри мерки и политики практично престанаа. Премиерот нема што друго да направи, освен да се обидува да создава впечаток дека постојат сценарија за дестабилизација“, изјави Филипче.
Притоа тој повтори дека ниту постои сценариот за дестабилизација, ниту размислуваме да постои. Потенцирајќи дека фокусот на партијата е насочена на борба со сите демократски механизми и инструменти против оваа ненародна и антидржавна власт.