Македонија
(Видео) Шекеринска во Прилеп: Донесени се решенија за Еурокомпозит
Заменик претседателката на Владата и министерка за одбрана, Радмила Шекеринска денеска во рамки на својата работна посета на Прилеп, го посети комбинатот Еурокомпозит за кој Владата неодамна донесе решенија и даде кратка изјава за медиумите којашто ви ја пренесуваме во целост.
„Нашата денешна посета на Еурокомпозит покажува дека ако се сака се може. Треба време, треба работа, треба консултации и многу разговори, но ако се сака може да се постигне резултат дури и со проблеми кои долги години се таложеле и никогаш не се решавале. Владата многу сериозно од прв момент пристапи кон решавање на проблемот со Еурокомпозит кој беше повеќегодишна агонија, не само за Прилеп туку пред се за вработените од компанијата.
Низ многу консултации со тимот, особено со синдикатите успеавме да најдеме решение со кое долгогодишна неправда ја решаваме. Законот кој Владата веќе го испрати во собраниска процедура значи дека Владата со наши средства ќе обезбеди покривање на повеќегодишни неисплатени придонеси кон вработените. На тој начин и дополнително ќе ја консолидираме фирмата и ќе овозможиме нејзино непречено функционирање и исполнување на обврските кон вработените. Сакам во име на Владата да се заблагодарам на претставниците на компанијата, на претставниците на вработените, на синдикатот. Знаеме дека не беше секогаш лесно да се верува дека ќе дојдеме до решение, се испекле сто пати меѓутоа чекор по чекор стигнавме до целта.
Законот којшто веќе е во собраниска процедура нема потреба од двотретинско мнозинство така што не очекувам негативни изненадувања, очекувам силна поддршка од Собранието и очекувам силна поддршка во решавањето на еден проблем кој во Прилеп хранел на времето 300 семејства и тоа е важна порака и за економијата, и за регионот, и за Прилеп. Како Влада покажуваме последната година дека членството во НАТО и идното членство во ЕУ навистина влијае на економијата. Зголемувањето на БДП, отворените работни места и особено зголемувањето на странските директни инвестиции кои уверени сме дека ќе бидат заинтересирани и за Еурокомпозит за понатамошна консолидација покажа дека со членството во НАТО им дадовме сигурност на потенцијални и сегашни домашни и странски инвеститори. Така ќе продолжиме и понатаму полека и трпеливо без лесно дадени ветувања, но тоа што ќе го преземеме како обврска ќе го реализираме“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Апасиев: Не сте вмровци ако не ја збиберите од почеток
Пратеникот и претседател на Левица, Димитар Апасиев, на собраниската седница праша како Билал Касами, инаку избран пратеник и градоналник, може да се откаже од мандат, ако го нема.
„Не сте вмровци ако не ја збиберите од почеток. Не соодветствува со вашиот извештај. Да видиме каде сѐ погрешивте со верификувањето на мандатите – рече Апасиев, толкувајќи дека градоначалникот на Тетово, Биљал Касами, немал право на своја рака да даде изјава дека се откажува од пратеничкиот мандат, туку тоа требало да го констатира Собранието, а не Верификационата комисија“, потенцираше Апасиев.
„Кога се кандидираме за пратеници, поднесуваме изјава до ДИК. Оваа изјава е неотповиклива до моментот на верификацијаа на мандатот. Значи, не може да повлечете нешто што немате! Овие две изјави си ги потпишал Касами, сега се откажува од мандатот поради потреба. Која потреба? Сам се кандидираше за пратеник. Како можеш да се откажеш од нешто што го немаш? Вие како Верификациона комисија имате право да оспорите мандат, а не тој сам да си го оспорува. По сила на закон, сега треба да има избори во Тетово за да се бира нов градоначаалник, бидејќи по Извештајот на ДИК, Касами има мандат за пратеник. Што вели Деловникот за одземање на мандат? Пратеник може да поднесе оставка, но Собранието мора да ја констатира без претрес“, поентираше Апасиев.
Македонија
„Опасна зона на Водно, испитување на гасовод на висок притисок, опасно по живот“, предупредува ЦУК
ЦУК ја пренесува информацијата од фирмата „Рапид Билд ДОО“ дека заради безбедност, движењето на граѓаните во близина на гасоводната делница Скопје – Гостивар ќе биде регулирано и тоа во сигурносен појас од 100 метри од двете страни на цевката, заради пневматско испитување на цврстината и непропусност на магистралниот гасовод Делница Скопје – Тетово – Гостивар, во три последователни временски интервали од 30 мај до 22 јуни 2024 година:
– на делницата од црквата св. Мина во Сопиште (км 17+401) до Полициска станица Глумово (км 28+400), од 30 мај до 12 јуни;
– на делницата од Полициска станица Глумово (км 28+400) до селото Паничари, општина Сарај, (км 37+400), од 7 јуни до 16 јуни и
– на делницата од селото Паничари, општина Сарај (км 37+400) до пред село Ларце, општина Желино (км 47+829), од 12 до 22 јуни годинава.
Во известувањето до ЦУК, „Рапид Билд“ известува дека во согласност со законските регулативи и одобрената процедура за работа од инвеститорот и надзорот на проектот за изградба на магистрален гасовод Скопје – Гостивар, за време на изведување на испитувањето на цврстина и непропустност, пристапот на неовластени лица во сигурносен појас од 100 метри од двете страни на цевката е ограничен.
Од страна на ЦУК дополнително се информирани МВР, ДЗС, ЈП Национални Шуми, ЈП за стопанисување со пасишта, Град Скопје и општините Сопиште, Карпош, Сарај, Желино, Тетово, Брвеница и Гостивар.
Македонија
Османи – Блинкен: Евроинтегративниот процес, функционалната мултиетничка демократија и почитувањето на трите договори се неопходни за зачувување на стабилноста на земјата
Министерот за надворешни работи, Бујар Османи, денеска се сретна со државниот секретар на САД, Ентони Блинкен, на маргините на неформалниот НАТО состанок во Прага.
Како што извести МНР, станало збор за актуелните настани во Северна Македонија, при што Османи брифираше за неопходноста од продолжување на евроатлантскиот пат на земјата, како клуч за стабилноста.
„Евроинтегративниот процес, посветеноста кон функционалната мултиетничка демократија и почитувањето на трите договори се неопходни за зачувување на стабилноста на земјата и регионот“, нагласи Османи
Воедно, Османи се заблагодари за континуираната поддршка од САД за реформските процеси, борбата против корупцијата и демократскиот развој на Северна Македонија. Ја нагласи и посветеноста на земјава во спроведувањето на активностите кои произлегуваат од Стратешкиот дијалог меѓу Северна Македонија и САД, кој Османи и Блинкен заеднички го лансираа во Вашингтон, во јуни 2022 година.
Соговорниците се осврнаа и на руската воена агресија во Украина, истакнувајќи дека „како стратешки партнери и НАТО сојузници стоиме обединети во поддршката за украинскиот народ“.