Македонија
(Видео) Шкријељ: Финансиска поддршка за пензионерите со пензии до 14.000 денари
„Како одговор на последиците од кризата, Владата предводена од СДСМ презема низа чекори за помош и поддршка на граѓаните. Во тек е исплатата на паричната помош во согласност со Законот за финансиската поддршка за ранливите категории граѓани за справување со енергетската криза“, рече денеска на прес-конференција пратеничката Санела Шкријељ.
Шкријељ напомена дека „почнувајќи од декември, во наредните четири месеци парична помош ќе добиваат корисниците на правото на социјална сигурност на стари лица, корисниците на посебен додаток, корисниците на правото на надоместок поради попреченост, самохраните родители, кои се евидентирани корисници на гарантирана минимална помош. Финансиска поддршка е предвидена и за пензионерите што добиваат пензии во висина до 14.000 денари. Покрај финансиската поддршка, во март следува ново усогласување на пензиите за 330.000 пензионери“.
„Во согласност со новата методологија за усогласување на пензиите како збир од растот на трошоците на живот и растот на платите, процените се дека во март пензиите ќе пораснат помеѓу шест и седум отсто. Тоа ќе значи покачување над 1.000 денари на просечната пензија, која сега изнесува 17.422 денара. Преку одговорните и ефикасни политики успеваме за само една година, од март 2022 до март 2023 година, да ги зголемиме пензиите речиси 16 отсто, што никогаш досега се нема случено“, рече пратеничката од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.