Македонија
(Видео) Ѓорѓиевски: Заеви се корона профитери, нивна семејна фирма е корисник на помош од државата

„Во услови на оваа криза Заеви стануваат корона профитери, нивната семејна фирма Еленица од која заработуваат милиони евра е корисник на пари од државната антикризна помош.
Зоран Заев си крои мерки лично за својот џеб. Во исто време кога се фали во јавоста со антикризните мерки пропушта на целата јавност да и каже дека фирмата каде неговиот брат и чичко се сопственици станала корисник на државна помош“, изјави Орце Ѓорѓиевски, член на ИК на ВМРО-ДПМНЕ.
Според него, мерките се за Заев, а не за нашиот народот. И со ова се покажува дека парите на народот одат во неговите фирми, а не онаму каде што тоа е најпотребни.
„Со ИГМ Еленица Струмица управува братучедот на Зоран Заев, Трајче Заев, додека Вице Заев, братот на актуелниот претседател на владеачкиот СДСМ, е член на Управниот одбор.
На 14 мај на сметката на ИГМ Еленица од Владата на Република Македонија и биле исплатени 841.000 денари државна помош за плати за месец април. Пресметано, тоа се минимални плати од 14.500 денари за 58 вработени.
„Еленица“ во 2018 година беше компанија со најголема добивка во Струмица и струмичкиот регион. Со приходи од 5,16 милиони евра оствари добивка од 2,7 милиони евра. Значи со остварени приходи над 5 милиони евра годишно на Заеви им дојде редот да земаат од парите на народот. Сова е срамно и долно.Затоа Заев се фали со антикризните пакети затоа што тој има лична корист од ова. Заеви земаат од устите на гладните, од оние на кој им е најпотребно се со цел да го полнат сопствениот џеб. И сето ова кога фирми и компании се затвораат луѓе остануваат без работа во нашата држава.Ваквото корона профитесрво на Заев е доказ дека тој продолжува да се богати на грбот на нашиот народот. Тој е власт кој што ја злоупотребува државата и на најдолен начин ги разграуваат народните пари.Кризата за многумина значи загубена работа, а и живот. Само за Заев значи пари. Заради овие сите работи Зоран Заев и СДСМ ќе бидат жестоко поразени од народот“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ѓорѓиевски : Љубљана ќе биде град-партнер за развојот на Скопје

Остваривме извонредна и пријателска средба со долгогодишниот градоначалник на Љубљана, господинот Зоран Јанковиќ, објави актуелниот градоначалник на Општина Кисела Вода и кандидат за градоначалник на Скопје, Орце Ѓорѓиевски.
Средбата, додава тој, поминала во пријателска атмосфера, при што биле разменети значајни искуства и визии за идната соработка помеѓу Скопје и Љубљана.
„Добив драгоцени совети и поддршка од градоначалникот Јанковиќ, со јасна определба Љубљана да биде град-партнер и вистински пример за развојот и модернизацијата на Скопје.
Посебен акцент ставивме на најголемите предизвици со кои се соочува нашиот град – јавниот превоз и чистотата.
Градоначалникот Јанковиќ ни даде ветување дека експертски тимови од Љубљана ќе бидат континуирана поддршка за Скопје, но не само во овие сфери, туку и во секоја област во која ќе побараме помош.
Договоривме интензивна соработка и зајакнување на капацитетите на градот Скопје во насока на креирање, планирање и спроведување европски проекти.
Верувам дека преку ова партнерство ќе изградиме поефикасен и поевропски град Скопје, достоен за своите граѓани.
Со задоволство го потврдивме статусот на побратимени градови и во таа насока упатив срдечна покана до господинот Јанковиќ за негова официјална посета на Скопје, град кој сака да учи од најдобрите“, вели Ѓорѓиевски.
Македонија
Божиновска: Секој рудар мора да се врати дома безбеден и горд, инспекциите се засилени, а казните построги од кога било

Министерката за енергетика, рударство и минерални суровини Сања Божиновска денеска по повод Денот на рударите присуствуваше на свечената манифестација во РЕК Битола, заедно со претседателот на Владата, Христијан Мицкоски, и раководството на АД ЕСМ. Настанот беше можност да се оддаде почит кон рударите и да се нагласи нивното значење за економијата на државата.
Во своето обраќање, Божиновска истакна дека рударите се економски столб кои секојдневно се соочуваат со предизвици за да обезбедат стабилност и иднина за државата.
„Секојдневна битка со длабочината и темнината за ресурси кои ја движат економијата. Наша цел е секој рудар да се враќа дома безбеден и горд. Министерството стои цврсто зад секој рудар – со современа опрема, безбедни услови за работа и фер стандарди за сите,“ порача министерката.
Таа испрати и јасна порака кон компаниите што работат во секторот:
„За оние што вложуваат во безбедноста на рударите и заштитата на животната средина, поддршката е целосна. Но за оние што мислат дека можат да ја заобиколат законската регулатива – нема компромиси. Инспекциите се засилени, контролите се редовни, а казните построги од кога било. Законот важи за сите – без исклучок“, нагласи Божиновска.
Македонија
Шаќири: Албанците во Македонија се одлучувачки и државотворен фактор

Албанците во Северна Македонија се одлучувачки и државотворен фактор, и затоа оваа улога мора да се гарантира и почитува во секоја институција и на секое ниво на одлучување, велат од Алијанса за Албанците.
„Нашата политичка платформа се раководи од три основни принципи: Традиција, Одговорност и Развој. Овие принципи се столбовите врз кои го градиме нашиот визион за функционална, ефикасна и правична држава, каде Албанците и Македонците заедно ја градат подобрата иднина.
Убедени сме дека дојде време за нов политички договор меѓу Македонците и Албанците, кој ќе се темели врз реална еднаквост, заемна почит и стратешко партнерство. Само така може да се изгради стабилно општество и модерна, европска држава еднаква за сите“.
Алијанса за Албанците, како што нагласи Њомза Шаќири, портпарол на партијата, е политичка сила, позиционирана десно од центарот, која го брани албанскиот идентитет, јазикот и националните традиции, промовирајќи како што велат, истовремено индивидуална слобода, приватна сопственост, пазарна економија и одржлив развој.
„Наш приоритет е локалниот економски развој и зајакнување на општините преку реална децентрализација. Поддршката за младите, семејствата и локалните бизниси е во центарот на нашето политичко ангажирање, бидејќи само така се гарантира еднаков развој и долгорочна стабилност.
Ќе се залагаме за активна вклученост на граѓаните во одлучувањето и за тесна соработка со албанската дијаспора, која останува драгоцено национално и економско богатство“.
Според неа, Алијанса за Албанците, е решена да биде гласот на вистинската еднаквост и гарант на албанскиот национален интерес.
„Со нашата платформа и со нов договор меѓу Македонците и Албанците, ја отвораме патеката кон еднаква, функционална и европска држава“.