Македонија
„Визер“ ги отвори своите рути од и до земјава

„Визер“, најголемата нискобуџетска авиокомпанија во Централна и Источна Европа, на 1 јули ги отвори своите рути од аеродромите во Скопје и Охрид. Патниците може да резервираат билети за 34 дестинации до некои од најпопуларните држави, како што се Германија, Италија и Шведска.
Со цел да се осигури дека здравјето и благосостојбата на патниците и екипажот ќе останат непроменети, „Визер“ воведува нови протоколи за да се почитува физичката дистанца за време на чекирањето и да се подобри хигиената на летот. Како дел од мерките за заштита на здравјето на патниците и екипажот на авиокомпанијата, патниците треба да се чекираат и да ги купат сите дополнителни услуги онлајн, како, на пример, плаќање дополнителни торби, за да ја намалат интеракција на аеродромот.
За да се спречи можноста за ширење инфекција, најучтиво се замолуваат сите патници да се придржуваат на новите правила за физичка дистанца при влегување и излегување од авионот.
„Визер“ ќе продолжи со својот строг распоред за дневно чистење на целата флота, при што целиот авион ќе биде дезинфициран преку ноќ во согласност со официјалните упатства. Сите нови мерки можете да ги видите на видеото во прилог https://youtu.be/2mVFOEaDrxI
Паулина Госк, менаџер за корпоративни комуникации во „Визер“, изјави: „Среќни сме дека скопската база е повторно отворена и ќе ги продолжи своите летови од Скопје и Охрид овозможувајќи им на патниците можност да патуваат, да ги посетат своите роднини или, пак, да отидат на одмор. Безбедноста на нашите патници и членови на екипажот останува наш најголем приоритет. Имплементиравме низа заштитни мерки за да се осигуриме дека хигиената е на највисоко ниво. Спремни сме да ги пречекаме нашите патници на лет!“
Моментните рури на „Визер“ од Македонија:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски со честитка до ЦДУ: Европа бара промени

Премиерот Христијан Мицкоски ја честиташе победата на ЦДУ на изборите во Германија преку социјалните мрежи.
„Овој успех е потврда за довербата што германските граѓани ја имаат во лидерството и во принципите на кои се темели ЦДУ – стабилност, развој и посветеност на вредностите на европската христијанска демократија.
Заедно да соработуваме за доброто и просперитетот на нашите граѓани. Европа бара промени“, напиша Мицкоски.
Македонија
Инспекцијата за животна средина на Град Скопје при вонреден надзор во општина Сарај затече запалена дива депонија

„Денес инспекцијата за животна средина на Град Скопје при вонреден инспекциски надзор во Општина Сарај затече запалена дива депонија составена од опасен отпад и градежен шут“, извести Град Скопје.
Локализиран е пожарот по брзата интервенција од страна на Противпожарната бригада на Град Скопје, а дополнително затечени се палења на стрништа во Крушопек и Лака, а сторителите се санкционирани. Во изминатата недела инспекторите за животна средина и комуналните инспектори на град Скопје имаат изречено казни на над 100 сторители“, велат од Град Скопје.
Македонија
Вонреден инспекциски надзор на реонот Смилковско Езеро, затекнати три лица кои согорувале отпад

Денес инспекцијата за животна средина на Град Скопје, изврши вонреден инспекциски надзор на реонот Смилковско Езеро, каде затече три лица со живеалиште во општина Бутел, како на дива депонија која сами ја направиле согоруваат отпад со што се загрозува животната средина и здравјето на граѓаните. Во изминатата недела инспекторите за животна средина на град Скопје и комуналните инспектори имаат изречено казни на над 100 сторители, извести Град Скопје.
„Нашите инспектори продолжуваат со засилениот инспекциски надзор на терен 24 часа, со цел намалување на аерозагадувањето и заштита на животната средина. Неселективно се изрекуваат казни за сите што не го почитуваат законот. Континуирано поднесуваме кривични пријави за исфрлање и согорување опасен отпад и загрозување на животната средина, за кривична одговорност против сторители затекнати како исфрлаат опасен отпад, азбестни плочи и друг градежен отпад, меѓу кои и опасен канцероген отпад.
На територијата на Скопје покрај Инспекторатот на Град Скопје, има уште вкупно 14 институции кои имаат надлежност и обврска да постапуваат при загадување на животната средина и загрозување на здравјето на граѓаните. Досега единствено градот Скопје реагира, додека останатите не постапуваат иако за истото имаат законска обврска“, соопшти Град Скопје.