Македонија
ВМРО-ДПМНЕ:Над 1 000 македонски граѓани годишно умираат од загаден воздух

Македонија се гуши. Граѓаните се директна жртва на неспособноста на власта на чие чело е аболицираниот Зоран Заев. Според податоците на Европската агенција за животна средина (EEA), Македонија е најзагадената држава во Европа. Повеќе од 1000 македонски граѓани годишно умираат како резултат на огромното ниво на загаденост на воздухот. Власта нема решение за најгорливиот проблем на граѓаните, аерозагадувањето, соопшти ВМРО-ДПМНЕ.
Според партијата, иако СДСМ ветуваше прецизен план и решение на овој проблем реалноста покажува дека такво нешто не постои. СДСМ нема план, ниту волја за решавање на енормното загадување, единствена цел на лажните предизборни ветувања на Заев и СДСМ се докажа дека била манипулацијата на македонските граѓани, со единствена цел, доаѓање на власт.
,,Буџетските средства кои власта ги алоцира за решавање на проблемот со загадувањето се скандалозни. Македонија не може да го реши проблемот со загадувањето со срамни 1,5 милиони евра. Уште по скандалозно е што власта за набавка на лускузни возила и мебел ја потроши истата сума на државни пари, пари на граѓаните.Дали овие илјада животи кои Македонија ги губи секоја година како директна жртва на загадување вредат 1,5 милиони ера?Дали лубрикантите за кои власта потроши 1,6 милиони евра се повредни од животот на македонскиот граѓанин?
Доколку СДСМ навистина сака да го спречи загадувањето, наместо да прави дискриминаторски мерки ние предлагаме владата да се обезбедат субвенции во износ од 50% за набавка на електрични и хибридни возила во поголемите градови во првите 3 години, а потоа мерката да се прошири и во останатите средини.Главна одлика на криминалниот картел на власта е неспособноста и расипништвото. Власта не ја интересира здравјето на граѓаните, власта единствено ја интересираат криминалните тендери и грантови кои завршуваат во џебовите на високи партиски и државни фунцкионери. Црнилата надвиснаа над Македонија, црнилата ги гушат граѓаните секој ден, ова зло мора да си замине”, се додава во соопштението.
ВМРО-ДПМНЕ ги повикува сите граѓани кои не се согласуваат со овие деструктивни и ненародни политики на СДСМ да ни се придружат на собирите ширум Република Македонија, и на протестниот марш во среда во Скопје со почеток од 17 часот од плоштад ВМРО до владата на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.