Македонија
ВМРО-ДПМНЕ: Ако СДСМ преземаше мерки, немаше да бидеме меѓу најзагадените

Време е СДСМ да престане со лаги. Владата на СДСМ да преземаше мерки против загаденоста на воздухот немаше Македонија да биде една од најзагадените земји во светот, реагира опозицијата.
„Скопје со денови е најзагаден град во Европа, а меѓу десетте најзагадени во светот. Проблем со загадениот воздух имаат и Битола, Струмица, Кочани, Куманово и други градови, но власта ништо не презема. Ако СДСМ се грижеше за граѓаните, нивото на загаденост на воздухот немаше да е од пет до десет пати над дозволеното“, вели ВМРО-ДПМНЕ.
Според нив, власта не презема ништо за доброто на граѓаните и нема капацитет и волја да го реши овој проблем.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).