Македонија
„Владата на ДУИ и СДС несериозно се однесува кон здравствените закани, сериозни се само кога ги крадат граѓаните“, вели ВМРО-ДПМНЕ

„Владата на СДС и ДУИ и здравствените власти седма година си поигруваат со здравјето на граѓаните. Почина лице од конго – хеморагична треска, се зарази лице вработено на Клиниката за инфективни болести, сега и нов случај, но надлежните никако соодветно да реагираат. Никако да го запалат алармот и да реагираат вистински“, велат од ВМРО-ДПМНЕ.
„Владата на СДС и ДУИ постојано се соочува со низа на закани по здравјето на граѓаните, епидемија на сипаници, на корона и на дело ја гледаме само нивната несериозност и неспособност. Освен вокабуларот ја анализираме ситуацијата, се е под контрола нема ништо конкретно.
Владата на СДС и ДУИ има сериозен пристап само кога е во прашање местење тендери, крадење на народот“, соопшти ВМРО-ДПМНЕ.
„Здравствените закани секогаш ги сфаќаат несериозно. Заради отсуство на транспарентност која од уста не ја вадат ги повикуваме надлежните институции да ја информираат јавноста прецизно за состојбата и преземените мерки за справување со конго – кримска треска во државава.
Со нивниот актуелен пристап, тие самите креираат паника и недоверба во системот.
Мора да се стави крај на оваа ненародна власт која не се грижи за здравјето на граѓаните. Крај на оваа ненародна власт можат да стават само граѓаните на избори!“, се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Проектот за студентските домови, конечно, излезе од лавиринтите на бирократијата

Премиерот Христијан Мицкоски денеска при посетата на студентскиот дом „Кузман Јосифовски – Питу“ во Скопје изјави дека рехабилитацијата на студентските домови е значаен проект кој долго време бил заглавен во лавиринти, процедури, но сега конечно се реализира.
„Ова е многу значаен проект, не само за овој студентски дом, туку генерално за сите. Конечно е одглавен. За нас е важно да се заврши и младите луѓе да добијат повеќе од добри услови за сместување“, рече Мицкоски.
Тој додаде дека според она што го видел на терен, разликата во однос на претходната состојба е огромна, и изрази надеж дека студентите ќе почнат да се вселуваат веќе следната година.
„Нашата цел како Влада е реализација на проекти и реформи, бидејќи тоа го очекуваат граѓаните. Да градиме, а не како во минатото кога се крадеше ужасно многу“, изјави премиерот.
Македонија
Мицевски: Дадената шанса за Љупчо Коцевски е веќе потрошена

Без оглед на суштинските и сериозни разлики што постојат меѓу ВМРО-ДПМНЕ и политичката партија Левица – особено во однос на нивниот политички курс и соработката со СДС – нашата заложба за бескомпромисна борба против корупцијата и организираниот криминал останува цврста, доследна и недвосмислена, изјави пратеникот од ВМРО-ДПМНЕ, Никола Мицевски, на седницата за интрпелацијата на јавниот обвинител Љупчо Коцевски, поднесена од Левица.
Таа борба, додаде тој, не смее да зависи од политичките калкулации или од моменталните партнери во опозицијата или власта.
„Таа борба треба да биде водена од принципи и убедувања – дека државата мора конечно да добие функционален, независен и храбар обвинителски систем, кој нема да молчи пред очигледен криминал, кој нема да трепери пред политички притисок, и кој нема да се претвори во соучесник на тие што ја поткопаа државата. Институциите, во соработка со обвинителството со години молчеа пред огромните скандали, голем дел предизвикани од врвот на СДС и ДУИ, што ѝ се добро познати на јавноста. Тие случаи не се и не смеат да бидат заборавени – туку тие се и денес отворена рана на ова општество. А јавното обвинителство остана рамнодушно и пасивно пред тие извори на неправда. Токму затоа сметаме дека дадената шанса за Љупчо Коцевски е веќе потрошена“, рече Мицевски.
Поддршката што тој ја доби не ја оправда, додаде тој.
„Наместо реформа и интегритет – добивме молк и сервилност кон власта што беше поразена од народот. Затоа, ВМРО-ДПМНЕ ќе ја поддржи интерпелацијата, во интерес на принципите, граѓаните и правдата. Нема веќе простор за компромиси со неуспехот. Време е за одговорност“, рече Мицевски.
Македонија
ЛДП: Банкарските такси паѓаат под наш притисок, но нема да запреме со борбата против неправедните провизии

Граѓаните преку Либерално-демократската партија (ЛДП) го извојуваа првиот чекор – намалување на тарифниците за банкарски услуги, што произлегува како директен резултат од спроведената кампања „Твоја сметка – твои пари“ и јавниот притисок во интерес на граѓаните, велат од партијата.
Оттука сметаат дека ова е важен и исправен чекор напред, кој покажува дека кога институциите имаат слух, а политиката се води во служба на граѓанинот, резултатите не изостануваат.
„Го охрабруваме гувернерот на Народната банка да продолжи со реформскиот курс и уште похрабро да застане зад иницијативите за укинување на низа неосновани банкарски надоместоци и провизии што постојат само во нашата земја, а се непознати во модерните европски банкарски системи. Македонските граѓани и понатаму плаќаат провизии за затворање на сметки, за проверка на состојба, за повлекување пари од друг банкомат, за онлајн плаќања и електронски пристап – трошоци кои во најголем дел од земјите членки на Европската Унија се укинати или се сведени на минимум. Време е оваа неправда да престане“, велат либералите.
Во таа насока, ЛДП три пати поднесе измени на Законот за платежни услуги и платни системи до Собранието. Предложените измени предвидуваат укинување на банкарски надоместоци за кои нема никаква реална основа и кои само дополнително го оптоваруваат животниот стандард на граѓаните. Очекуваат сите пратеници, без оглед на политичката припадност, конечно да застанат зад граѓанскиот интерес и да дадат поддршка на измените.