Македонија
ВМРО-ДПМНЕ: Владата со поскапувањата го полни буџетот кој после го дава на своите партиски донатори или на бифтеци и ф`стаци

„Владата на ДУИ и СДС ги потроши парите од буџетот на криминални и матни тендери и сега ќе го полни преку зголемени даноци на прехранбените продукти. Тоа кое што го најавуваше како повисоко ДДВ за луксузни производи, се претвори во поскапи цени за сирење, компоти, феферони, брашно, детска храна и други артикли кои просечните, па и посиромашните граѓани секој ден ги купуваат.
Ова значи само посиромашни граѓани и повеќе пари во буџетот за криминалите на власта. Им недостасуваат пари во буџетот затоа што го трошат немилосрдно буџетот за проекти за кои што шајка не е закована, за тендери на компании кои се нивни донатори, за организирање на партиски прослави или за полнење на ташни со снопчиња кеш.
Народот сега или треба да се откажува од прехранбени производи или поскапо да ги плаќа за некој во влада да крка бифтеци, да купува службени возила или да троши пари на ф`стаци, кафиња и цвеќиња.
Ова мора да престане. Власта мора побрзо да замине и потоа да одговара за безмилосното осиромашување на својот народ“.
Соопштение на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.