Македонија
ВМРО-ДПМНЕ: Возот кој го управува ДУИ, а СДСМ се вози ќе го истоварат пред Идризово, правдата ќе победи
Вчера во рамки на теренската активност на ВМРО-ДПМНЕ насловена „Ова е Македонија за сите“ се одржаа средби со граѓаните при што се говореше за актуелните проблеми кои што се случуваат во Македонија поради неспособноста на власта.
„Слушнавме дека за Елена Доцевска Божиновска се доби пресуда во Стразбур, односно Елена ја доби правдата. Елена после многу години виде правда иако беше угнетувана, иако и беа прекршени и нејзините човекови права, никој од власта тоа не сакаше тоа да го спомене и бегаа и се криеја и само гледаа како да направат уставни измени. Но, еве дојде денот, знаете правдата е спора, но еден ден ќе дојде. Елена Доцевска Божиновска и беше одземено човековото право да поднесе жалба, да се брани пред судот, но и многу пострашно беше тоа што ја апсеа пред своите дечиња“, појасни Владо Мисајловски, потпретседател на ВМРО-ДПМНЕ.
Мисајловски рече дека во оваа прилика би ја споменал и пратеничката Жаклина Пешевска што доаѓа од Гази Баба и што истото и се случуваше во минатото. Истото тоа се случуваше пред нејзините дечиња кога беше апсена.
Мисајловски порача на граѓаните да го кренат својот глас и да си ги бараат своите права.
Потпретседателот на ВМРО-ДПМНЕ, Тимчо Муцунски при денешната посета на Карпош и населените места, истакна дека во директна комуникација со граѓаните се поголемо е општото незадоволство од целокупната ситуација во државата, каде што и меѓународните судови веќе потврдуваат дека живееме во системска неправда.
„Продолжуваме со активностите на терен директна комуникација со граѓаните денес сме во скопски Карпош каде што исто така кога ќе комуницирате со граѓаните ќе видите исто така има едно општо незадоволство за целокупната состојба во државата. Живееме во држава веќе почнаа и меѓународните судови да потврдуваат дека системот носи политизирани одлуки дека имаме системска неправда која што се прави врз нашите граѓани по потврда на европскиот суд за човекови права поврзан со случајот на 27 април. Живееме во држава каде што се потпишуваат договори кои што се класифицираат, повеќе од милијарда евра се трошат средства на граѓаните, а не знаеме точно каде се трошат тие средства, навидум за инвестиција во некои инфраструктурно решение, а видовме дека нема ниту А од автопат, не километар како што кажувам често ниту метар автопат не е изграден, а тоа е таа состојба поврзана со коруптивниот скандал на „Бехтел и Енка“, нагласи Муцунски.
Пратеникот Аџиоски додаде дека за жал власта наместо да ги помага помалите општини кои што располагаат со скромни буџети, за власта најважно е да ги исплати авансите, провизиите, пеналите во вредност од 300 милиони евра за автопатишта за кои што и самата не знае каде ќе се изградат.
„Наместо да ги крадат тие 300 милиони евра треба да ги помагаат општините преку проекти кои што ќе го подобрат животот на граѓаните“, нагласи пратеникот.
Пратеникот и член на ИК на ВМРО-ДПМНЕ, Антонијо Милошоски додаде дека граѓаните од населените места порачуваат дека е време за избори и смена на власта, време е да се подобри животот во Македонија.
„За првпат имаме влада која што висока корупција како што е договорот со „Бехтел“ го покрива со европско знаменце. Граѓаните тоа го гледаат особено југоисточниот дел на државата каде што се гледа дека е запоставен и нема никакви поголеми инфраструктурни проекти. И затоа луѓето порачуваат дека време е за да имаме сериозни европски избори, европски стандарди, смена на оваа власт и подобрување на начинот на работење на државата. Да се врати довербата во институциите“, порача Милошоски.
Пратеникот Бране Петрушевски при средбата со граѓани посочи дека се продолжува со борбата за правда.
„Морам да одговорам на колегата Каевски дека ВМРО-ДПМНЕ требало да се качи на европскиот воз. ВМРО-ДПМНЕ одамна е качено на европскиот воз, возот на кој што се вози СДСМ е товарен воз и тој воз е натоварен со парите на граѓаните кои што ги пљачкаат ДУИ и СДС. Тој воз го управува ДУИ, а на негов спореден вагон само седи СДСМ. Дека тој воз не вози по европски шини им укажа и Европската комисија која што кажа дека петте закони со кои што сака да го легализираат криминалот со договорот за автопатите се се само не европски и никако не смеат да поминат со европско знаменце“, нагласи Петрушевски.
Тој додаде дека за многу скоро време откако ВМРО-ДПМНЕ ќе дојде на власт тој товарен воз кој што го управува ДУИ, а во кој што се вози СДСМ ќе биде истоварен конкретно на станицата во Идризово.
Пратеникот, Драган Ковачки при денешната теренска посета во рамки на акцијата „Ова е Македонија за сите“ истакна дека со вчерашната пресуда Стразбур потврди дека во Македонија има политички прогон, дека се гонат политички неистомисленици, и дека власта ги злоупотребува институциите за партиски цели.
„Откако ги посетивме населените места Драмче и Трботевиште сега се наоѓаме во славно Разловци. Разловци кое што е симбол на македонскиот непокор на македонската борба за слобода,на македонската борба за државност. Среќни сме што денеска сме тука затоа што оваа наша посета се поклопува со денот на почетокот на разловечкото востание денеска е 20 мај меѓутоа сме разочарани затоа што ниту една делегација од СДСМ не го одбележа овој ден, тоа е срамота. Она што можам да го кажам говорејќи за борбата за човекови правди она за што се бореле нашите предци во Разловочкото востание морам да направам паралела со она што се случува денеска морам да ја искоментирам пресудата во текот на вчерашниот ден од Стразбур, а тоа е дека Стразбур потврди дека во Македонија има политички прогон дека се гонат политички неистомисленици и дека власта ги злоупотребува институциите само за партиски цели“, рече Ковачки.
Генералниот секретар на ВМРО-ДПМНЕ, Ѓорѓија Сајкоски додаде дека голем број од жителите укажаа дека Општината Маврово Ростуше, градоначалникот, но и јавните претпријатија управувани од локалната власт на ДУИ и СДСМ изминатиот период ништо не сработија, ниту за општината Маврово Ростуше, а ниту за населените места.
„Освен непотизмот, криминалот, корупцијата, и притисоците кои што континуирано се вршат врз граѓаните тука, нема ништо. Можам да истакнам дека Македонија од пример во регионот стана потсмев во регионот. Покрај тоа што не работи локалната власт управувана од СДСМ и ДУИ, не работи ништо ниту централната власт“, укажа Сајкоски.
Пратеникот Игор Здравковски во рамки на акцијата „Ова е Македонија за сите“ ја посети општина Чашка каде што во директна комуникација со граѓаните ги слушна нивните проблеми. Здравковски од Чашка истакна дека власта наместо да ги решава проблемите на граѓаните таа троши милионски суми на сомнителни договори за коридорите 8 и 10Д.
„Почитувани денес во рамките на акцијата „Ова е Македонија за сите“ продолжуваме во општина Чашка. Општина Чашка е една од најголемите и најубавите општини во Република Македонија и изобилува со многу природни ресурси, меѓутоа најголемиот проблем за дел од жителите во оваа општина е што во летниот период има голем недостаток на вода, меѓутоа наместо власта да го реши овој проблем тие трошат милионски суми народни пари за „Бехтел и Енка“, крадење на институциите итн.“, појасни Здравковски.
Координаторот на пратеничката група, Никола Мицевски додаде дека проблемите со земјоделие, кое што е примарно во овој дел од државата се навистина големи. Неисплатени субвенции за млеко, неисплатени и други субвенции. Каналот за наводнување се уште не е пуштен во функција, а веќе е средина на мај месец.
„Македонија се соочува со многу други проблеми од здравството, од инфраструктурата, се натиснати над овие луѓе. Очекуваме дека власта ќе има слух и ќе ги слушне, а доколку не се случи тоа ВМРО-ДПМНЕ е овде ги нотира сите забелешки и заедно со граѓаните на први наредни избори ќе ја преземе власта и ќе ги реализира овие ветувања“, порача Мицевски.
Пратеникот Миле Лефков додаде дека граѓаните највеќе ги боли неправдата и влијанието на власта врз судскиот систем.
„А, токму денеска една пресуда од Стразбур за Елена Доцевска Божиновска докажа дека во Македонија судовите се заробени од СДСМ и ДУИ и дека во Македонија за жал денеска постојат политички затвореници. За 211 години затвор за притворените за 27 април, видовме дека Владата на СДСМ и ДУИ украде над две милијарди евра. За секоја година затвор украдени од една до десет милиони евра. Тие го трупаат своето богатство, а невини луѓе лежат во македонските затвори. Време е да ставиме крај на неправдите, време е за избори и време е за поразување на Владата на СДСМ и ДУИ. Време е да заминат во историја, а оние кои што работеа за нивните интереси, време е да излезат пред лицето на правдата“, порача Лефков.
Пратеничката Рашела Мизрахи при посета на Карбинци, посочи дека самопрогласениот „патриот” во обид и неговите црвени елеци како низ цела Македонија така и во Карбинци направиле тотален хаос, оставајќи го народот да тоне во очај и безнадежност.
Пратеничката Ели Панова рече дека граѓаните на средбите и посочиле дека работат, плаќаат даноци, давачки, а за нив не останува ништо. Оваа власт донесе само сиромаштија.
„Работиме, плаќаме даноци, давачки а за нас на крај не останува ништо! Народот едногласен, на Македонија и е потребна нова Влада! На Македонија и е потребен Премиер кој ќе биде избран од народот а не од ДУИ“, додаде Панова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Без разлика на етничката, верската и политичката припадност, на 2 ноември да се обединиме во Кичево
После вториот круг очекувам 59 градоначалници да има коалицијата предводена од ВМРО-ДПМНЕ, со што ќе ја заокружиме највисоката бројка во историјата на демократската Македонија, по бројот на градоначалници, којашто некогаш се случила. И ако на тоа се додаде и извесната победа на Орце Ѓорѓиевски за град Скопје, којшто води 3:1 после првиот круг во однос на неговиот противкандидат, тогаш заокружуваме бројка од 60 градоначалници коишто ќе дојдат од коалицијата предводена од ВМРО-ДПМНЕ, вклучително и главниот град, рече претседателот на ВМРО-ДПМНЕ, Христијан Мицкоски на вечерашниот мини митинг во Кичево во рамките на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори на 2 ноември во недела.
Мицкоски се осврна и на победата на коалицијата предводена од ВМРО-ДПМНЕ за листите на советници во 58 општини.
Додаде дека не било лесно, туку дека било тешко, но единството и поддршката на граѓаните покажале дека може да се совлада и помногуброен противник.
„Затоа е многу важно на 2 ноември во недела да се обединиме овде во Кичево, без разлика на нашите различности, без разлика дали тие различности се етнички, верски или политички. Многу е важно да бидеме како едно, да се обединиме околу вредностите коишто ги споделуваме, да се обединиме околу цивилизацијата којашто ја застапуваме. Затоа што јас сум убеден дека против кандидатот на Александар не ги споделува нашите вредности, не ја споделува нашата цивилизација. И секој оној којшто ќе го земе пенкалото во рака и ќе застане позади гласачката кутија, со гласачкиот лист пред него, нека го слуша својот разум и своето срце и нека гледа длабоко во својата душа, од таму ќе извира бројот 9. И нека го заокружи бројот 9, нека заокружи за Александар“, повика Мицкоски.
Секој оној кој ќе биде исправен пред предизвикот дали да го поддржи Александар или неговиот против кандидат, додаде Мицкоски, нека се присети на вредностите кои ги застапува Александар и вредностите кои ги застапува неговиот против кандидат.
„Дали вие сакате да живеете во средина во којашто ќе владеат криминалот, блуд, разврат и уцени? Дали сакате Кичево да биде домаќин на блуд, разврат, криминал и уцени? Заборавете на етничката припадност, сетете се на вашите ќерки, на вашите внуки, дека некоја од нив може да биде жртва на овој човек. Затоа, кога ќе го имате пенкалото во рака, верувајте во вредности, не во басни, не во приказни. Заборавете на нешто што некој ви кажува дека се случило пред 4, 5, 6 децении, верувајте на оние коишто ви кажуваат што ќе се случува за четири, пет децении од денес. Заборавете на оние романтични приказни што некој ви ги кажува за некое измислено минато коешто никогаш не се случило. Верувајте на иднината којашто сите ние заедно Македонци, Албанци, Турци, Роми, Срби, Власи, Бошњаци и останати ќе ја градиме. Тоа е иднината на Македонија“, упати Мицкоски обединувачка порака и повик до сите етнички заедници.
Македонија
Николоски: Скопје од денеска директно се поврзува со шпанската престолнина Мадрид
Скопје од денеска директно се поврзува со шпанската престолнина Мадрид, авиолинија која е една од дваесетте авиолинии што ги воведовме во изминатата година, истакна вицепремиерот и министер за транспорт Александар Николоски, кој заедно со амбасадорот на Шпанија во Македонија, Рафаел Сориано Ортиз и Неџат Курт, генерален директор на ТАВ Македонија, го означија првиот лет Скопје-Мадрид.
Николоски потенцираше дека ова е огромен успех за авиосообраќајот, бидејќи со воведувањето на новите линии се забележува и значителен раст на патници и туристи во Македонија.
„Многу ми е драго што денеска почнува директна линија помеѓу Скопје и Мадрид, ги поврзуваме двата главни града, главниот град на Кралството Шпанија и главниот град на Македонија, нешто што е многу значајно, за развојот на туризмот, за развојот на бизнисот и за размената помеѓу двата народи, размената во културата, нешто што навистина многу значи“.
Од минатата година кога беше избрана оваа Влада до денес, додаде тој, отворена е 21 нова дестинација.
„Од Париз, од “Орли” се лета за Скопје, од Истанбул се лета за Охрид, од Дубаи ќе почне да се лета за Скопје оваа зима, од Барселона, од Лион, од Амстердам и од Љубљана се лета за Скопје, тука се чартерите на “Фрибрд Ерлајнс” кои што секој ден слетуваат на скопскиот аеродром, кои за скоро ќе бидат и по два дневно. До Охрид почна да се лета од Базел, Ларнака, Мадрид, Штутгарт, Бари, Стокхолм на главниот аеродром почнуваат овие денови. Понатаму, ја отвараме Женева, Келн, многу значајно за мене Прага, а веќе од пролет Неапол-Италија, Будимпешта-Унгарија, Катовице и Вроцлав до Охрид, и Милано исто така до Охрид.
Вкупно 21 нова дестинација, 21 нова линија, за зголемување на бројот на туристи и повеќе бизнис во Македонија. Сакам да се заблагодарам на директорот на ТАВ на неговиот тим, за одличната соработка која што ја имаме, да се заблагодарам на амбасадорот на Шпанија и да најавам дека ќе има уште дестинации од Шпанија, Барселона и Мадрид нема да се последни” истакна вицепремиерот Николоски
Македонија
Утре наутро претежно ведро и студено, преку денот сончево
Утре наутро ќе биде претежно ведро и студено, преку денот сончево со мала до умерена облачност. Ќе дува слаб ветер од јужен правец.
Минималната температура ќе биде во интервал од -4 до 4, а максималната ќе достигне од 15 до 20 степени.
Во Скопје, сончево со мала до умерена облачност. Ќе дува слаб ветер од југоисточен правец. Минималната температура ќе се спушти до 2, а максималната ќе достигне до 16 степени.
Во наредните денови следува период на стабилно и суво време. Претпладне по одделни котлини ќе има услови за појава на магла или ниска облачност. Поради разведрувањето утринската температура наместа ќе се спушти под нулата, а дневната ќе бележи тенденција на благ пораст.

