Македонија
ВМРО-ДПМНЕ до 11 јануари ќе објави оглас за кандидати за претседател на државата

Најдоцна до 11 јануари 2019 година ВМРО-ДПМНЕ ќе објави оглас на кој што согласно законот ќе можат да се пријават сите граѓани кои ќе ја очекуваат и бараат поддршката на ВМРО-ДПМНЕ на следните претседателски избори.
Партијата денеска одржа седница на Извршниот комитет на која било разговарано за актуелната економска и политичка ситуација во Република Македонија како и за активностите за избор на претседателски кандидат кој што ќе ја добие поддршката на ВМРО-ДПМНЕ на следните претседателски избори. Изборната конвенција, пак, ќе се одржи на 16 февруари 2019 година.
„Практично денеска донесовме заклучок на седницата на Извршниот комитет кој што подоцна ќе биде презентиран пред Централниот комитет и од кој што ќе бараме поддршка, а тоа е дека најдоцна до 11 јануари 2019 година ќе биде објавен оглас на кој што согласно законот ќе можат сите граѓани на Република Македонија да поднесат кандидатура, оние граѓани кои ќе ја очекуваат и бараат поддршката на ВМРО-ДПМНЕ на следните претседателски избори“, изјави лидерот на партијата, Христијан Мицкоски.
Огласот ќе трае десетина дена, потоа ќе се констатира листата на пријавени кандидати, а потоа во рок од 15 дена, но не подоцна од 10 февруари ќе трае нивното образложување на визијата како иден претседател на Република Македонија, за политиките кои што ќе ги водат во рамките на општинските комитети на ВМРО-ДПМНЕ, средби со граѓани и така натаму, а потоа на 16 февруари ВМРО-ДПМНЕ на конвенција ќе го избере претседателскиот кандидат.
Мицкоски рече дека очекува сериозна победа на претседателските избори која што ќе ја отпочне победата на следните предвремени парламентарни избори во Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионалниот пат преку Јасен од утрово пуштен за сообраќај

Денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од Министерството за внатрешни работи.
Се препорачува внимателно возење, почитување на сигнализацијата и прилагодување на брзината поради можни одрони на патот, соопшти АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен поради летните одмор, меѓутоа на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Пожар кај „Зебра“, огнот зафатил возило

Пожар избувнал ноќеска во главниот град во близина на трговскиот центар Зебра.
Според последните информации огнот се проширил и зафатил возило на улицата Васил Ѓоргов во Скопје.
На местото на настанот биле присутни противпожарни возила кои го гаселе пожарот.
Македонија
Без струја делови од Карпош и Центар

Од ЕВН Македонија АД известуваат дека денеска ( среда ) без електрична енергија ќе останат:
– во периодот од 09.00 до 11.30 часот, корисниците од ул. Анкарска бр. 31. ( општина Карпош )
– во периодот од 09.00 до 13.00 часот, корисниците од ул. Загребска. ( општина Центар )