Македонија
ВМРО-ДПМНЕ: Законот за двојазичност не е дел од евро-атланската перспектива
ВМРО-ДПМНЕ реагира на изјавата на вицепремиерот за европски прашања, Бујар Османи, кој ја обвини опозицијата за блокирање на ЕУ и НАТО-реформите. Од ВМРО-ДПМНЕ коментираат дека Законот за двојазичност не е дел од евро-атлантската перспектива, а нивната партија ќе остане посветена на интеграциите на Македонија.
„ВМРО-ДПМНЕ секогаш ќе даде поддршка за законите што гарантираат подобар стандард и ни помагаат на нашиот пат кон ЕУ и НАТО. Законот за двојазичност не е дел од евро-атлантската перспектива на државата и не е дел од реформите што треба да ги реализира Македонија. Веруваме и очекуваме дека СДСМ и владејачкото мнозинство, конечно, ќе се посветат на европската агенда и реформските приоритети“, стои во реакцијата на ВМРО-ДПМНЕ.
Опозициската партија додава дека и високите европски претставници во повеќе наврати нагласија дека законот за двојазичност не е дел од реформскиот процес.
„ДУИ е таа што ја блокира работата на Собранието и ги попречува реформите преку условување на целокупната работа на Собранието со носењето еден закон, дури и преку обид тој да се изгласа со целосно кршење на Деловникот и законите“, смета ВМРО-ДПМНЕ.
Претходно, Османи, говорејќи за реформите неопходни за евро-атлантските интегративни процеси, побара од ВМРО-ДПМНЕ да преземе одговорност за блокирањето на реформите, а со самото тоа и за спречување на интеграцијата на земјата во НАТО и ЕУ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Времето на жените доаѓа, срамота е што 30 години сме немале жена претседателка или премиерка
Во рамките на активностите на кандидатката за претседателка на државата, Гордана Сиљановска-Давкова, таа се обрати на трибината на тема „Жени“ која се одржа во Јавна соба.
„Во мојата програма има посебен дел посветен на жените. Подолго светот живеел како патријархат отколку матријархат. Повеќе жени во политика, повеќе гаранции за помалку насилство. Срамота е 30 години да не сме имале жена претседателка, жена премиерка. Да им ставиме крај на Венецијанските трговци“, порача Давкова.
Како што додаде, жените имаат што да покажат, имаат вулканска сила и мажите треба да се инспирираат од нив.
„Времето на жените доаѓа. Сега е време за машка еманципација. Македонија е во женски род, политиката е во женски род. Женскоста е квалитет неискористен. Промените наскоро доаѓаат“, рече Давкова на трибината.
Македонија
Оштетени билборди и рекламни паноа на политичка партија во Тетово
Вчера на улицата ,,Киро Ристовски-Дрнц” и на улица „Маршал Тито” во Тетово биле оштетени билборди и рекламни паноа од парламентарните избори од една политичка партија.
Се преземаат мерки за расчистување на случајот, објави МВР.
Македонија
Демократски сојуз предлага платите на полицајците да бидат колку оние на обвинителите и судиите
Демократски сојуз на сите полицајци и припадници на службите за безбедност, им го честита 7 Мај, ДЕНОТ НА ПОЛИЦИЈАТА и им посакува успешно извршување на сложените безбедносни задачи.
Празникот се совпаѓа и со изборите за претседател на државата и за пратеници, каде за жал, како што велат од патијата, улогата на полицијата е клучна за обезбедување стабилност и услови за мирни и фер избори.
„Овие денови се клучни за да спречите нерегуларности, притисоци, купување на гласови, организирање на „Бугарски воз“ или нарушување на изборниот процес на кој било начин (насилство итн). Инаку полицијата и службите за безбедност извршуваат тешки, одговорни и сложени безбедносни задачи, но последните години се со ниски примања. Така, главен оперативец задолжен за спречување и откривање на тешки кривични дела прима плата од околу 45 илјади денари, а јавен обвинител околу 130 илјади денари“, додаваат од партијата на Павле Трајанов.
Предлагаат двојно зголемување на платите на полицијата и нивно усогласување со платите на обвинителите и судиите.