Македонија
ВМРО-ДПМНЕ: Крвави се рацете на Ковачевски, додека си договара коалиции, болните од цистична фиброза без лекови
„Алармот кај надлежните вклучи откако почина пациент со цистична фиброза. Зошто се чекаше да почине пациент, па Димитар Ковачевски да се разбуди?! Премиерот Ковачевски вели замислете „тешката“ бирократија била виновна, како може бирократијата да е виновна па дури и тешка. Ако добие насока ќе постапи и ќе ја спроведе процедурата“ соопштуваат од ВМРО-ДПМНЕ.
Оттаму посочуваат дека „Сали, веќе министер во здравство на заминување, ја префрла вината на Ковачевски. Вели министерството за здравство побарало да се обезбедат средства, ама немало глас ниту од Владата, ниту од Ковачевски лично. Сето ова води кон едно недостасува политичка волја! Проблемот е во оние кои носат одлуки! Истите тие имаат време и пари за се, само не за граѓаните!“.
„Колку за илустрација набавка на лекот за болните од цистична фиброза според проценки на надлежните чини околу 20 милиони евра, а толку ќе треба да се плати отштета за раскинување на договорот за градба на нов клинички центар. Неградењето на нов клинички или казна за истото е 20 милиони евра. За ова кој ќе одговара?! Предупредувавме подолг период, но власта е вообичаено глува кога станува збор за граѓаните. Зошто премиерот Ковачевски би се грижел за тоа дали во буџетот има пари за лекови кога е преокупиран со фирми за производство на струја, правење коалиции и договарање позиции! Цената на опстојување на оваа власт е преголема, штетата што ја прави е непроценлива затоа мора да си заминат веднаш!“ се вели во соопштението на опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.