Македонија
ВМРО-ДПМНЕ нема да дозволи криминални договори и разнебитување на Македонија во сите сфери, ова е Македонија за сите

Тимовите предводени од ВМРО-ДПМНЕ во рамките на акцијата „Ова е Македонија за сите“ посетија бројни населени места, меѓу кои беа тимовите на Љупчо Пренџов, Зоран Љутков и Тони Коњановски. На граѓаните им порачаа дека не се сите исти, ВМРО-ДПМНЕ нема да дозволи криминал со народни пари, трговија со националните интереси и разнебитување на државата во сите сфери.
Тимот на Љутков и Пренџов ги посетија населените места Бучинци, Мршевци, Бујковци, Миладиновци и Текија во рамките на општина Илинден.
„Она што е тема која што генерално вака ја зборуваме тоа е пљачката што и се прави на Република Македонија моментално и дека нема никаква одговорност во однос на она што се случува. И да знаете последниот скандал кој што се случи, а тоа е потпишувањето на слепо договорот со „Бехтел и Енка“ за изградба на автопати. Дали свесно или несвесно имаат потпишано многу клаузули кои што се на штета на Република Македонија. И ние сега ќе треба да плаќаме стотици милиони евра пенали“, истакна Љутков
Тој посочи дека власта колку стотици милиони фрли досега за пенали. Тој дури и потсети на пеналите кои што владата ги даде и за неизградбата на Клиничкиот центар. И може да се достигне и до 300-400 милиони евра фрлени само на пенали.
Исто така заедно со Зоран Љутков, се обрати и пратеникот Љупчо Пренџов кој што додаде каде и да се свртат граѓаните ќе ги видат само потфрлањата на власта.
„Образование е катастрофа, здравство кататстрофа, економија катастрофа. Нѐ лажат, нѐ манипулираат дека 15% имаме инфлација, а ако отидете да видите колку пари е лебот, горивото, зејтинот, ќе се воочи дека е 50% инфлацијата“, укажа Пренџов.
Пратеникот укажа дека власта немајќи со што да се пофали, таа само говори уставните измени. Но власта треба да знае дека уставни измени нема да има.
Додека пак градоначалникот на општина Битола, Тони Коњановски ги посети населените места Кравари, Граешница, Оптичари и Егри каде што поразговара со жителите за проблемите со кои што се соочуваат.
„Ни се приклучуваат повеќе граѓани за да посетиме повеќе населени места и да видиме и да слушнеме од вас што е она што ве мачи. Оваа распродажба и разнебитување на државата наша по сите основи. Еве денес сведоци сме на нови закони кои што сакаат со европско знаменце да ги подметнат“, рече градоначалникот на општина Битола, Тони Коњановски.
Тој укажа дека подметнување на закони со европско знаменце за „Бехтел и Енка“ нема да им поминат на власт бидејќи граѓаните реагираат, но и ЕУ.
„Тука сме да ги слушнеме граѓаните, да им кажеме дека ВМРО-ДПМНЕ е со вас и дека продолжуваме понатаму многу посилно“, порача Коњановски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче: Македонија годинава ќе биде со најнизок економски раст во регионот

Претседателот на СДСМ, Венко Филипче, денеска беше во посета на Радовиш, каде што се сретна со граѓаните и разговараше за предизвиците со кои се соочуваат во секојдневниот живот.
„По десет месеци од новата власт, разочарувањето е големо. Цените продолжуваат да растат, платите стагнираат, а граѓаните сè потешко врзуваат крај со крај“, истакна претседателот на СДСМ, Венко Филипче.
Филипче нагласи дека СДСМ со месеци дава конкретни предлози и закони за раздвижување на економијата и зголемување на платите, но дека власта останува глува.
„СДСМ со месеци дава конкретни предлози и закони со кои ќе се раздвижи економијата и ќе се зголемат платите, но власта е глува. Со месеци предупредувавме дека економијата тоне, а денес таа потврда стигна и од проекциите на Светската банка. Македонија, за жал, оваа година ќе биде со најмал економски раст во регионот. Владата ветуваше дека ќе бидеме лидери во регионот, но очигледно ќе бидеме последни. Ова е резултат на погрешни економски политики, но и целосна негрижа за граѓаните“, изјави Филипче.
Во своето обраќање, тој подвлече дека СДСМ останува на страната на граѓаните и ќе продолжи да работи за подобар живот за сите
„СДСМ ќе продолжи да работи и нуди решенија, силно верувам дека граѓаните ќе ја препознаат искрената намера и чесните политики кои се наменети за подобар живот“, додаде претседателот на СДСМ.
Македонија
СДСМ: Тошковски мораше да го признае скандалот со братот на Стефковски – треба да си даде оставка

Откако СДСМ денеска го објави скандалот со братот на градоначалникот Стефковски со видео докази, Тошковски беше принуден јавно да го признае. Ниту ќе го признаел, ниту ќе бил било кој санкциониран за ова, иако јавна тајна е дека функционерите на ДПМНЕ се однесуваат како шерифи, а Тошковски тоа добро го знае, велат од СДСМ.
„Денешното признание на Тошковски потврдува две работи: прво, дека СДСМ изнесува вистини и, второ, дека функционерите на ДПМНЕ, нивните браќа, сестри и роднини не ги почитуваат законите, а Тошковски тоа го овозможува. Граѓаните не се наивни — да не објавеше СДСМ, Тошковски ќе го криеше и натаму скандалот“, велат од СДСМ.
Според нив, веќе не се ни бројат скандалите кои го тресат МВР.
„Владее хаос, своеволие кои допрва ќе излегуваат на виделина. Уште што треба да се случи за Тошковски да поднесе оставка? СДСМ ќе продолжи гласно да ја брани правдата, законитоста и интересите на граѓаните“, велат од СДСМ.
Македонија
Гаши засега ќе се воздржи од коментари за претседателката на Антикорупциска

Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на Претседателот на Собранието, Африм Гаши, велат дека тој засега ќе се воздржи од коментари, а ако наводите се потврдат во судска постапка, тој ќе иницира постапка за разрешување.
„Почитувајќи го начелото на презумпција на невиност и независноста на судските органи, Претседателот на Собранието се воздржува од какви било прерани коментари. Основен приоритет е да им се овозможи на надлежните институции да ја завршат својата работа без било какви притисоци или влијанија. Сепак, доколку наводите бидат потврдени низ судска постапка, Претседателот на Собранието ќе постапи без двоумење и ќе иницира соодветна собраниска процедура за разрешување“, се наведува во соопштението од Кабинетот на Африм Гаши.
Одговорноста за зачувување на кредибилитетот и интегритетот на институциите, велат од таму, е врвен приоритет и обврска која не трпи компромис.
Претседателката на антикорупциската комисија, Татјана Димитровска, е осомничена во дополнетата истрага за предметот „Адитив“. Таа се сомничи дека преку апликациите за пораки „Вибер“ и „Воцап“ му одавала службени тајни на друг обвинет за поведени постапки за отворање предмети и одлуки против сега обвинетите фирми и лица во предметот „Адитив“, како и податоци за проверка на имотот и на неговото семејство.
Покрај тоа што ѝ e одземен пасошот, Кривичниот суд определи и забрана за преземање одредени работни активности поврзани со кривичното дело, што подразбира дека осомничената не смее да има контакт со предмети, пошта и друга документација поврзана со работењето на ДКСК, а воедно не може да гласа и да распределува предмети.