Македонија
ВМРО-ДПМНЕ: Планот 3-6-9 колабираше, никој не верува во реформи кои треба да ги спроведе човек обвинет за поткуп
Планот 3-6-9 СДСМ го претвори во План за живот, односно куп лаги и ветувања без реализација. Реформи во судството има колку што има плата од 100.000 денари за докторите или просечна плата од 30.000 денари, порачаа од ВМРО-ДПМНЕ.
„Реформи во безбедносните служби има колку што има покачување на пензиите или намалување на бројот на министерства. Реформи во администрацијата има колку што има нови 500 километри автопат. Реформи во судството има колку што Заев не дозволи неуставна двојазичност на униформите или колку што успеа да врати 600.000 иселени од Македонија.
Сите овие неуспеси, СДСМ ги покрива со злоупотреба на правосудниот систем кој се користи за создавање неправда, а притворот за заплашување и уцени. Рекетарските принципи на владеење на Заев и СДСМ, ги ставија судовите во подредена и понизна положба во однос на тесно партиските интереси. Никој не верува во реформи кои треба да ги спроведе човек обвинет за земање поткуп.
Македонија е земја во која се изрекуваат затворски казни на сопственици на медиуми не за изнесени невистини, туку за објавен факт кој бил личен.
Уште од самиот почеток оваа влада ја тресат огромни скандали. Заев соопшти класифицирани информации за истрага за корупција против двајца функционери во Владата, за половина година потоа да нема никаква информација за тоа.
Политички конструираните предмети станаа заштитен знак на СЈО. Нивните сведоци потврдуваа дека не држат обвиненијата, а судот упорно ја игнорира правдата и удоволува на желбите на обвинителите без да обрне внимание на еднаквоста на странките.
Не се почитуваат одлуките на Врховниот суд на Република Македонија, кој воедно е и највисок. Неговите одлуки се менуваат од понискиот суд по хиерархија. Основниот суд ја занемари одлуката на Врховен и донесе спротивна, занемарувајќи ги аргументите на Врховниот кој оцени дека доволна мерка за обезбедување е куќниот притвор.
Со ова се покажува нефункционалноста на судскиот систем и јасно се гледа дека судовите се управувани од еден центар на моќ со која раководи Зоран Заев.
Судот мора да си го врати своето достоинство кое што му го даваат Уставот и законите и да започне да ги применува истите. Жална е состојбата во која се наоѓаат судовите во Република Македонија.
Во Македонија мора да се почитуваат човековите права, политичкиот прогон мора да запре. Обвинителството е должно да ги почитува законите и да си ја врши својата основна дејност, гонење на криминалот, а не да служи како алатка за политичката пресметка на власта. Мора да се отфрлат овие неосновани обвиненија за тероризам и да бидат ослободени од притвор луѓето кои немаат никаква вина“ се наведува во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..