Македонија
ВМРО-ДПМНЕ: Поради забеганоста и неспособноста на владата на СДС, ДУИ и Алијанса, граѓаните и државата загубија 18 милиони евра

„Поради забеганоста и аздисаноста на владата предводена од Ковачевски, државата загуби 18 милиони евра“, посочува ВМРО-ДПМНЕ и во соопштението додава:
„18 милиони евра пари на граѓаните е цената на кавгите, превирањата и договарањата на СДС, ДУИ и Алијанса заради непотпишувањето на еврообврзницата.
Со овие пари неспособната влада на Ковачевски можеше да изградат 10тици километри нов автопат или пак да изгради 10-тина нови социјални згради, кои становите ќе можеа на поклон да им ги дадат на социјално ранливите катагории.
А можеа и да го решат проблемот со сместувачкиот капацитет во градинките и да изградат 15 целосно опромени нови објекти.
Оправдувањата, лагите и калкулирањата со пониската сума на ново издадената обврзница нема да ја покрие поголемата камата и поголемите трошоци кои на крајот ќе ги платат граѓаните од свој џеб.
Еврообврзницата која немаше министер за правда да ја потпише беше издадена со вкупен трошок од 6.5%, или од износ од 600 милиони, државата ќе платеше 156 милиони евра. Ако владата сега издадеше 600 милиони евра со овој повисок принос од 7,25% државата ќе платеше 174 милиони евра. Разликата межу двете евро обврзници е 18 милиони евра.
Токму заради ваквиот срам и бламажа пред меѓународните инвеститори владата се одлучи да издаде 500 милиони евра, а со тоа и да ја сокријата огромната загуба.
Ваквиот неодговорен однос на СДС и ДУИ кон буџетот на сите граѓани е недозволив. За сите постапки, криминал и штети кои ги претрпеа граѓаните и државата за многу скоро ќе има одговорност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За една недела „пајакот“ кренал 101 возило во Центар

ЈП Паркинзи на Општина Центар во соработка со Сообраќајната полиција-Скопје во периодот од 02.06. до 08.06.2025 година, со помош на специјалните возила „Пајак“ отстранија 101 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
„Незаконска употреба на пиротехника на журката на УМС на ВМРО-ДПМНЕ, зошто МВР молчи“, прашува СДСМ

„Срамната и скандалозна е прославата на УМС на ВМРО-ДПМНЕ – журка која се одржа додека Македонија сè уште е во црно, додека 62 семејства жалат за загубените деца, а над 200 млади се борат со последиците од трагедијата во Кочани“, велат од СДСМ.
„Срамно е што на оваа прослава се аплаудираше на говор полн со омраза од премиерот Мицкоски, насочен кон семејствата на повредените и загинатите во Кочани.
Дополнително, беа употребени и пиротехнички средства, кои не само што се законски забранети и опасни – токму се и причина за пожарот и големата трагедијата во Кочани што ја зави државата во црно.
Кој наредил и кој одобрил употребата на пиротехника на прославата на УМС? Кој ја набавил и ја дистриубуирал? Зошто МВР молчи? Или за УМС на ВМРО-ДПМНЕ не важат законите?
Согласно новиот закон, членот 31 предвидува казни и одговорност за употреба на пиротехнички средства на овој начин“, се наведува во соопштението на СДСМ.
Од партијата бараат итна реакција од Министерството за внатрешни работи, казни и одговорност согласно законите.
Македонија
Министерството за социјална политика со веб – страница достапна за лицата со попреченост

Министерството за социјална политика, демографија и млади стана првата јавна институција која има целосно пристапна веб-страница за лицата со попреченост, во согласност со Европската директива EN 301 549 и стандардите WCAG 2.1.
„Ова претставува историски чекор кон дигиталната инклузија и еднаквост. Со поддршка на тимот од AccessWay, овозможивме веб- страницата на министерството да стане достапна за сите корисници, вклучително и за лицата со визуелна, моторна или когнитивна попреченост“, велат од Министерството, од каде повикуваат сите јавни институции да го следат овој пример.
„Заедно можеме да изградиме општество и иднина што ќе биде поправична, поеднаква и поинклузивна за сите“, се додава во соопштението на Министерството.