Македонија
ВМРО-ДПМНЕ: Раководството на Димитар Ковачевски – исти луѓе исти вредности

Соопштение на ВМРО-ДПМНЕ:
„Раководството на Димитар Ковачевски – Исти луѓе исти вредности, Заевизмот продолжува, Македонија со СДСМ во порази. Раководството на Димитар Ковачевски е тело на Заев, таму е Фатмир Битиќи, вицепремиер на Заев и потпретседател на СДСМ. Тој е една од причините за енергетската криза, причина за инфлацијата, малиот број на странски инвестиции, за отпуштањето на луѓе од работа.
Заевизмот продолжува и со Сања Лукаревска. Таа е директорката на УЈП која ги толерира фирмите на Заеви со милионски долгови, додека фирмите на народот добиваат блокади.
Миле Зечевиќ не е никаков нов кадар, тој е човекот на Заев, кој учествуваше во организирање на изборни нерегуларности во изминатите години. Зечевиќ е творец на партизацијата на администрацијата, полнењето со тетки, мајки, деца на функционери.
Ништо ново не може да се очекува ниту од Стефан Богоев, градоначалникот на Заев, кој изгуби во Карпош, сега треба да губи и на ниво на држава.
Ова се кадрите за порази на СДСМ, а тоа се гледа по Шилегов, кој изгуби во Скопје. Го врати градот назад и го закочи развојот, правеше само криминал и не работеше ништо.
Шилегов е симбол за криминалот на СДСМ. Со просечна административна плата стигна до 4 луксузни станови, луксузна зграда во Скопје надградена на диво, луксузна вила од 300м2 во Маврово, луксузни автомобили вредни над 130.000 евра. Кој Скопје го задолжи 160 милиони евра.
Игор Ивановски Шема, кој направи пакт со заевизмот за својата лична кариера. Кој 30 години ништо добро не ѝ носи на Македонија. Тој е продолжение на кариерата на една Шекеринска.
Во раководството на СДСМ на Ковачевски има место и за тепачи на жени како Ацевски, но и за вечни губитници како Андреј Петров.
Костадинов, кој е посинокот на Заев во политиката. Малото заевче измеќар на криминалната фамилија Заеви.
СДСМ нема да биде СДСМ ако ја нема олигархијата. Нина Фити, чиј што татко ја осмисли транзицијата која остави 200.000 работници на улица, сега треба да ја дограби Македонија, да продолжи каде што татко и застана.
Ковачевски во својот тим го има и Дарко Каевски, кој на 30 години без ден работа во реален сектор, се стекнал со стан од 62 м2 и над 60 илјади евра во банка за само една година.
Не може разединета партија како СДСМ да зборува за обединување.
Иста реторика, Ковачевски како вистински пион на Заев читаше исти реченици.
Ништо не е сменето во СДСМ, социјалдемократските вредности од минатото истите луѓе кога сами за себе велеа дека имаат сина крв сега се на чело на СДСМ.
Ковачевски е разгласна кутија на заевизмот.
Димитар Ковачевски, човекот кој се поклонува на Заев и го надоградува заевизмот. Како заменик-министер активно учествува во зголемување на долгот историски највисок во државата, кој активно придонесува за инфлација и поскапување на цената на струјата.
Човек кој лажеше дека е дипломец на Харвард каде завршил обичен курс и кој докторирал на сметка на државата додека неговиот татко е амбасадор во Црна Гора“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Обвинителниот акт за пожарот во Кочани – одобрен во целост

Советот за оцена на обвинителен акт при Основниот кривичен суд Скопје во целост го одобри обвинението поврзано со пожарот во дискотеката „Пулс“ во Кочани.
Од Судот наведуваат дека со оглед дека станува збор за обвинителен акт во кој што има 37 обвинети лица кои што имаат 33 бранители, било исклучително тешко да се достави обвинителниот акт до сите нив, особено од причина што на голем дел од нив мерките притвор биле заменети, па во моментот на достава Претседателот на советот за оцена имал потешкотии да може да утврди кој обвинет каква мерка има и каде се наоѓа за да може да се изврши доставата.
„Особено потешкотии имаше и доставата на делот од бранителите на кои и покрај тоа што им се најавуваше терминот на достава, сепак истите не беа пронајдени во нивните канцеларии. Доставата ја вршевме преку судските служби на Основен кривичен суд Скопје, сѐ со цел да не се одолговлечи истото доколку оди по редовна пошта. Дополнителен проблем при доставата се јави поради тоа што во првично поднесениот обвинителен акт, пред истиот да биде доуреден, во диспозитивот не беа целосно наведени личните податоци на обвинетите од страна на Основниот суд Кочани, како и решенијата за адресите каде се издржува мерката куќен притвор, што дополнително мораше да го проверува Кривичниот суд“, соопштија од Судот.
Македонија
Директорот на БЈБ: Безбедноста на ИКТ системите не е само техничко, туку стратешко и општествено прашање

Директор на Бирото за јавна безбедност при МВР, Александар Јанев учествуваше со свое излагање на 7. Западнобалкански дигитален самит кој се одржува во Скопје од кој Македонија испраќа силна порака за регионална соработка и заедничка дигитална иднина.
„Сајбер-нападите сè почесто ги таргетираат институциите, нарушуваат услуги и ја поткопуваат довербата во системот, па оттаму неопходно е постојано вложување во едукација, како на полициските службеници, така и на јавната администрација, со цел навремено препознавање и реагирање на сајбер-инциденти. Безбедноста на ИКТ системите не е само техничко, туку стратешко и општествено прашање, па во таа насока за надминувањето на предизвиците неопходна е регионална и меѓународна соработка, како и активно вклучување на приватниот сектор во развојот на иновативни решенија“, истакна директорот Јанев во своето излагање.
Јанев ги нагласи можностите и плановите за користење на вештачка интелигенција во полициското работење, со цел побрза и поефикасна обработка на податоци и навремено донесување одлуки.
„SOCTA 2025 потврдува дека сајбер-криминалот е во пораст и мора да остане висок безбедносен приоритет. Само преку координирана акција и споделена одговорност можеме да изградиме отпорен и безбеден јавен сектор“, потенцираше на крај директорот Јанев.
Македонија
Судскиот совет го разреши судијата Енвер Беџети, кој е на црната листа на САД

Судскиот совет го разреши судијата од Апелацискиот суд Скопје, Енвер Беџети, од функцијата. Инаку, тој во декември минатата година, заедно со поранешниот прв вицепремиер и министер за политички систем и односи меѓу заедниците, Артан Груби, беше ставен на црната листа на САД за примање мито и одолговлекување судски предмети поврзани со кривичното осудување на Сашо Мијалков, поранешниот директор на УБК.
Судскиот совет по спроведена постапка за утврдување на одговорност на судијата Енвер Беџети, на 26.05.2025 година донесе одлука за негово разрешување.
Беџети ја обжали одлуката, а Советот за одлучување по жалба при Врховниот суд на денешната седница донесе одлука со која го потврди решението на Судскиот совет од мај годинава.
Груби и Беџети лани беа ставени на црната листа на САД.
„Денешното назначување на Артан Груби и Енвер Беџети е доказ дека политичкото мешање во судството не може – и нема – да се толерира. Соединетите Американски Држави ќе продолжат да ги именуваат оние кои се вклучени во значителна корупција што ги поткопува демократските институции и ја нагризува јавната доверба. Никој не е над законот, а одговорноста е од суштинско значење за напредок“, рече тогаш американската амбасадорка, Ангела Агелер.