Зоран Заев и криминалниот кaртел во власта за 11 месеци од Република Македонија направија најкорумпирана држава во Европа со катастрофален пад од 17 места на листата на „Транспаренси“. Сега од 90., Македонија, благодарение на СДСМ, падна на 107. место, каде што на листата пред нас се држави од т.н. трет свет, како Етиопија, Танзанија и Замбија, обвинуваат од ВМРО-ДПМНЕ.

„11 месеци Влада на СДСМ се 11 месеци скандали. Заеднички именител на сите овие скандали се Заев и неговите соработници, од една страна, и нивната неказнивост, од друга. Истрага и правна разрешница сè уште нема за ниту еден коруптивен случај.

Анѓушев го третира ЕЛЕМ како своја сопственост, бунар без дно, кој може да помогне за да ги отплаќа милионските долгови. Вицепремиерот доаѓа на функција со долгови од 26 милиони евра, кои мора да ги враќа. Веднаш по доаѓањето на Кочо Анѓушев на функцијата вицепремиер, неговата фирма „Фероинвест“ доби тендер во висина од 2,6 милиона евра од државната фирма ЕЛЕМ.

Владата во ЕЛЕМ гледа и агенција за вработувања на децата на владините функционери. Според СДСМ, нема подобар кадар за ангажман во ЕЛЕМ од ќерката на пратеникот Талат Џафери и советникот во Министерството за култура, Мирослав Грчев.

Во обид Владата на СДСМ да ги скрие своите криминали, непотизам и корупција, со нарачани обвиненија ја дефокусира јавноста преку монтирани случаи. Обвинителството штанца обвиненија по нарачка на Заев со цел пресметка со неговите политички противници.

СДСМ од Македонија направи единствена држава во Европа, каде што во 21 век сè уште има политички затвореници, што е главен индикатор дека во државата нема демократија. Луѓето што се наоѓаат во притвор обвинети за настаните од 27 април не се терористи.

Правдата во државата мора да се врати, а функционерите на Владата што згрешиле пред законот мора да одговараат.