Македонија
ВМРО-ДПМНЕ: СДС да одговори дали под притисок на Бугарија се откажа од Декларацијата за Илинденското востание

Целосен молк од СДС за тоа каде заглави Декларацијата за Илинден која беше помпезно најавена пред 20-тина дена. Ниту некој ја видел, ниту некој ја прочитал, ниту пак е во собраниска процедура. Од што се исплашија Ковачевски и СДС?, прашуваат од опозициската ВМРО-ДПМНЕ.
Оттаму велат дека јавноста чека одговор на прашањето дали под притисок на Бугарија, СДС се откажаа од Декларацијата за Илинденското востание.
Додека кај источниот сосед се зборува за бугарскиот карактер на Илинденското востание, како и за тоа дека крајна цел на востанието било присоединување со Бугарија, СДС и Ковачевски го сокрија текстот на Декларацијата. Искарани од Бугарија, мораа да ретерираат, па да го покријат срамот, решија да пишуваат со нивниот поголем коалициски партнер ДУИ, таканаречен Манифест, се со цел дефокусирањето од шамарите кои ги добија од Бугарија, велат од ВМРО-ДПМНЕ и прашуваат дали е точно дека Османи и Маричиќ добиле сериозен укор од страна на бугарскиот државен врв, па ДУИ и СДС мораа да ретерираат и измислуваат нови документи?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.