Македонија
ВМРО-ДПМНЕ формира Патриотски институт кој ќе го води Александар Пандов
ВМРО-ДПМНЕ синоќа на седница на Извршниот комитет донела одлука за формирање Патриотски институт на партијата што ќе го води Александар Пандов. Од ВМРО-ДПМНЕ велат дека тој е долгогодишен член и поранешен вршител на повеќе партиски функции.
Извршниот комитет на ВМРО-ДПМНЕ именува и нови 14 претседатели на општинските партиски комитети:
1. ОК Конче Ацо Митов
2. ОК Валандово Дејан Бошков
3. ОК Демир Капија Александар Галапчев
4. ОК Росоман Тихомир Николов
5. ОК Могила Драган Саботковски
6. ОК Кривогаштани Виктор Деспотовски
7. ОК Долнени Дејан Змејкоски
8. ОК Демир Хисар Никола Најдовски
9. ОК Охрид Сашо Донев
10. ОК Дебарца Саше Силјановски
11. ОК Вевчани Ѓорѓи Влајкиноски
12. ОК Пласница Луме Адемоглу
13. ОК Јегуновце Димитар Костадиновски
14. ОК Тетово Ангел Карапетров
Исто така, именувани се и нови членови на Извршниот комитет на Унијата на млади сили на ВМРО-ДПМНЕ.
Од партијата наведуваат дека кадровските одлуки се дел од процесот на кадровско доекипирање и катарза најавена од претседателот на ВМРО-ДПМНЕ Христијан Мицкоски. Велат дека кадровските освежувања ќе продолжат и во периодот што следи.
На вчерашната седница беше потврдена и одлуката за протестен собир поради поскапувањето на цената на струјата што ќе се одржи утре во 18 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Влада: Исплаќаме 1 милијарда денари за заостанати субвенции од претходната влада
„Една од заложбите на Владата е посветено да се работи и да им се помага на земјоделците. Затоа издвоени се 1 милијарда денари за исплата за заостанати субвенции за земјоделците. Над 9.000 земјоделци ќе ги добијат своите заслужени средства како поддршка за своето производство. Кај дел од нив се доцни дури 4 години со исплатата“, велат од Владата.
„Првата одлука на оваа Влада беше со ребалансот да се обезбедат средства и до крајот на годината нема да има субвенции со кои се доцни кај земјоделците.
Домаќинското и посветено работење на Владата ќе придонесе значајна поддршка за земјоделското производство.
На овој начин се исправаат и неправдите кон земјоделците кои со својот труд печалат за себе и своите семејства“, се наведува во соопштението на Владата.
Македонија
Променливо облачно со сончеви периоди, попладне повремен слаб дожд
Времето денеска ќе биде променливо облачно со сончеви периоди. Попладне ќе има локални врнежи од дожд и ретки грмежи. Ќе дува слаб до умерен ветер од јужен и југоисточен правец. Минималната температура ќе биде во интервал од 6 до 11, а максималната ќе достигне од 19 до 25 степени.
Во Скопје променливо облачно со сончеви периоди, попладне со повремен слаб дожд. Минималната температура ќе се спушти до 9, а максималната ќе достигне до 23 степени.
Ќе се задржи променливо облачно време со повремени локални врнежи од дожд, проследени со ретки грмежи. Од среда врнежите наместа ќе бидат пообилни, повремено поројни.
Скопје
Без струја дел од село Кондово
Поради планирани зафати во електро дистрибутивната мрежа, денеска, без напојување со електрична енергија ќе останат корисниците на дел од село Кондово во општина Сарај.
Прекинот ќе биде во период од 08:00 – 12:30 часот.