Македонија
ВМРО-ДПМНЕ: Шилегов наместо да ги награди пожарникарите, заработува со криминал на нивен грб

Петре Шилегов без срам држи говор пред пожарникарите кои немаа возила за гаснење пожар, а плати дупло за противпожарна скала, реагира опозициската ВМРО-ДПМНЕ откако денеска скопскиот градоначалник се обрати на одбележувањето на Денот на пожарникарите – 20 мај.
„Шилегов наместо да ги награди пожарникарите, заработува со криминал на нивен грб“, велат од ВМРО-ДПМНЕ.
Според партијата, наместо јавен интерес, Шилегов работи за приватниот интерес.
„Противпожарно возило со скала кое во Загреб чини 800.000 евра, Шилегов го плаќа 1.7 милион евра, дупло поскапо. Тоа не е инвестиција, тоа е грабеж“, додава опозициската партија во реакцијата.
Оттука наведуваат со истите пари, Шилегов ќе купел возило, униформи, чизми и разна опрема, но тогаш немало да има изведувачи, подизведувачи и разни извршители како „Армор плус“ кои треба да се наплатат од милионскиот договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја две улици во Илинден и Волково

ЕВН Македонија АД известуваат дека на денес без електрична енергија ќе останат:
· од 08.30 до 12.30 часот, корисниците на улица бр. 27 во нас. Илинден. (Општина Илинден)
· од 09.00 до 11.00 часот, корисниците на улица бр. 33 во нас. Волково. (Општина Ѓорче Петров)
Македонија
Сончево и многу топло, максималната температура до 40 степени

Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе биде во интервал од 12 до 21, а максималната ќе достигне од 32 до 40 степени.
Во Скопје сончево и многу топло со слаб до умерен ветер од југоисточен правец. Минималната температура ќе се спушти до 17, а максималната ќе достигне до 39 степени.
Времето во наредните денови
Под влијание на многу топла воздушна маса во текот на оваа седмица ќе се задржи сончево и топло време со умерена облачност во текот на денот. Ќе дува слаб до умерен ветер од југоистоичен правец.
Македонија
Се’ уште гори кај Јасен, активни пожари на четири локации низ Македонија

Денес до 18 часот се регистрирани вкупно 10 пожари на отворен простор. Од нив, четири се активни и моментално се гаснат, додека шест се целосно изгаснати.
Активните пожари се лоцирани во различни делови на земјата. Еден од нив е во Националниот Парк Јасен во општина Македонски Брод, каде што гори мешана шума. Друг пожар е пријавен во село Теарце, општина Теарце, каде што се гори ниска вегетација. Во општина Сарај, во село Радуша, исто така се активни пожари кои зафаќаат сува трева и мешана шума. Четвртиот активен пожар е во општина Кичево, на потегот помеѓу селата Челопејци и Миокази, каде исто така гори мешана шума, соопшти Центарот за управување со кризи.
Надлежните служби постојано апелираат до граѓаните да ги почитуваат сите препораки и забрани за палење оган на отворен простор, со цел да се спречи ширење на пожарите и да се заштитат природните ресурси.