Македонија
ВМРО-ДПМНЕ: Јавноста нема никакви информации за преговорите со Грција
 
																								
												
												
											Република Македонија е заробена и киднапирана држава. СДСМ се однесува со државата како приватна сопственост. Се одлучува за и во името на граѓаните, без истите да бидат информирани, велат од ВМРО-ДПМНЕ.
„Јавноста нема никакви информации за преговорите со Грција, а детали од истите добива преку странските медиуми. Јавноста е фрапирана од последните изјави дека македонската влада испратила предлог спогодба до грчката влада за кој не се знае ниту што содржи, ниту кој е консултиран, ниту кој дал поддршка и на крај во чие име е испратен.
Додека во Грција предлог спогодбата што ја испратила тамошната влада до нашата влада е составувана од 50-тина експерти од разни области, предлог спогодба која Заев ја испратил во Атина, како што изјави владиниот портпарол е составувана од вработени во кабинетот на Заев.
Владата не кажа дали и кои експерти учествувале во изготвувањето на нашиот предлог. Кои се лицата кои го составувале предлогот? Дали Заев предлага промена на нашето име? Заев се однесува со државата и државните интереси како со приватен имот. Уставот и законите не ги почитува, ниту ги применува.
Катастрофалните политики по државата и граѓаните се нижат една по друга, а Заев целата деструкција ја прикрива со апсење на политички противници и нивно неосновано држење во притвори.
Заев не знае како да го сврти вниманието во јавноста и ги злоупотребува институциите и правосудните органи, кои се претворени во алатка за извршување на политички прогон.
Република Македонија, денес е единствената држава на европскиот континент, која има политички затвореници. Со секој поминат ден во притвор на патриотите и чесни граѓани на кои им се монтирани неосновани обвиненија за тероризам, државата се повеќе се одалечува од ЕУ и НАТО.
Власта нема да успее да ги замолкне слободомислечките граѓани. Граѓаните ја гледаат сета деструкција на СДСМ и ќе им кажат не на овие штетни политики“ се наведува во соопштението од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Завршува кампањата за вториот круг од локалните избори, на полноќ почнува изборниот молк
 
														На полноќ завршува кампањата за вториот круг од локалните избори што ќе се одржат во недела, 2 ноември. Со тоа почнува изборниот молк, кој ќе трае до затворањето на избирачките места во 19 часот во недела.
Во вториот круг ќе се гласа за градоначалници во 32 општини и во Градот Скопје, а на три избирачки места во Шуто Оризари ќе се спроведе прегласување за советници. Во Гостивар, Врапчиште, Центар Жупа и Маврово и Ростуше ќе се повтори изборниот процес поради непостигнат цензус во првиот круг одржан на 19 октомври.
Синоќа во Скопје коалицијата предводена од ВМРО-ДПМНЕ го одржа завршниот митинг, на кој зборуваа премиерот и лидер на партијата Христијан Мицкоски и кандидатот за градоначалник на Град Скопје, Орце Ѓорѓиевски. Мицкоски ги изрази очекувањата за историска победа во вториот круг, додека Ѓорѓиевски ги повика скопјани масовно да излезат на гласање и, како што рече, да покажат дека Скопје избира работа и човек кој знае и умее.
Движењето ЗНАМ најави мини митинг со обраќања на Мицкоски, Ѓорѓиевски и кандидатот за градоначалник на Центар, Мирослав Лабудовиќ, додека кандидатот на Левица, Амар Мециновиќ, во текот на денот ќе одржи завршна прес-конференција.
Во Град Скопје право на глас имаат 474.304 гласачи, кои во недела ќе избираат меѓу Орце Ѓорѓиевски од ВМРО-ДПМНЕ и Амар Мециновиќ од Левица.
Македонија
Околу 130 килограми марихуана откриени на Табановце, поведена истрага
 
														Основното јавно обвинителство Куманово донесе Наредба за спроведување истражна постапка против српски државјанин осомничен за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.
На 29 октомври, на граничниот премин Табановце, во камион со полуприколка (ладилник) со словенечки регистарски ознаки, тој се обидел да пренесе 129,7 килограми наркотична дрога марихуана. Дрогата, во 14 торби скриени во камионот во сопственост на превозна компанија од Словенија, ги пронашле царинските службеници при контрола на возилото.
Јавниот обвинител до судијата на претходна постапка од Основниот суд во Куманово достави предлог за определување мерка притвор за осомничениот.
Македонија
Делови од Кисела Вода, Ѓорче Петров и Карпош денеска без струја
 
														Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.00 часот корисниците од бул. Борис Трајковски бр.1 (Пеглата) влез 2 (општина Кисела Вода)
– во периодот од 09.00 до 10.00 часот корисниците од Новоселски Пат, како и објектите на Стокомак, КАМ Маркет, бензинската пумпа ОКТА и објектите во нивна близина. (општина Ѓорче Петров)
– во периодот од 09.00 до 15.00 часот, корисниците од ул. Леринска, лоцирани во околината на бр. 3. (општина Карпош)


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											