Македонија
ВМРО-ДПМНЕ: 36 дејности се изоставени од предлогот за неработна недела

36 дејности се изоставени од предлогот на СДСМ за неработен ден недела, над 40.000 луѓе се дискриминирани, реагира опозициската ВМРО-ДПМНЕ преку соопштение.
„Недела како неработен ден треба да претставува голем исчекор кон унапредување на работничките права. Ова е нешто за кое ВМРО-ДПМНЕ се залага, но пред сè како можност за подобрување на благосостојбата на работниците во земјава и подобро балансирање на професионалниот и приватниот живот.
Конечно предлогот за измена на Законот е во завршна фаза и се очекува негово објавување, но содржи 36 исклучоци. Тоа се 36 гранки, односно голем процент на вработени кои ќе мораат да продолжат да работат во недела. Мораме да го поставиме прашањето која е суштината на овој предлог. Зошто толку многу отстапки?
Недела неработен ден за сите трба да подразбира стеснување на кругот само на оние дејности кај кои е навистина неопходно да се работи во недела, а за што во нашата програма го креиравме како идно право на вработените, веднаш кога ќе се формира новата Влада предводена од ВМРО-ДПМНЕ. Дали со ова решение навистина се оди кон подобрување на работничките права или ова е само фиктивно исполнето предизборно ветување кое фактички не ќе ја исполни целта? Дали вака делумно решение кое ќе опфати помалку од 40 000 вработени, а ќе се промовира на големо дека е решение за неделата како неработен ден за сите е всушност почеток на предизборната кампања за локалните избори?! Да, токму тоа е, ќе се крева прашина за да не се види реалната слика, а тоа е дека во Македонија ништо ново и спектакуларно нема да се случи во процесот на унапредување на работничките права!“, се наведува во реакцијата на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.