Македонија
ВМРО-ДПМНЕ: 365 дена никогаш не било полошо
365 дена никогаш не било полошо, 600.000 граѓани живеат на работ на сиромаштија, а 1 милијарда денари одат во џебовите на Ковачевски и министрите на СДС и ДУИ за повисоки плати, важно е да ги поразиме, велат од опозициската ВМРО-ДПМНЕ утрово преку соопштение.
„365 дена порази, понижувања, беда и сиромаштија донесе Владата на СДС и ДУИ за граѓаните на Македонија.
365 дена мизерија за народот.
365 дена скандали, криминал и корупација.
365 дена богатење и привилегии за функционерите на Владата на СДС и ДУИ.
И додека 600.000 наши сограѓани живеат на работ на сиромаштијата, власта на СДС и ДУИ си ги зголеми платите за дури 78 проценти.
80 милиони денари месечно или речиси 1 милијарда денари годишно од државниот буџет ќе одат во џебовите на владините функционери за повисоки плати.
Стево Пендаровски од 92.000 денари плата, сега со покачувањето од 78 проценти месечно зема 165.000 денари или над 2.500 евра.
Талат Џафери и Димитар Ковачевски со покачување на платите земаат 50 евра повеќе за секој работен ден, односно Џафери зема плата над 166.000 денари, а Ковачевски над 156.000 денари.
Повисоки плати од 78 проценти зема и министерот за внатрешни работи, Оливер Спасовски, над 153.000 денари, односно ако се додадат и они дополнителни 20 проценти за извршување на функцијата, неговата плата е речиси иста како и на Ковачевски.
И додека граѓаните мака мачат да се прехранат од први до први, од 2.000 до 2.500 евра изнесуваат и платите на другите владини функционери на СДС и ДУИ.
Вицепремиерите Славица Грковска, Фатмир Битиќи, Артан Груби, Бојан Маричиќ и министерката за одбрана, Славјанка Петровска, во џебовите ќе си ставаат од 40 до 50 евра повеќе за секој работен ден.
Платите на Ковачевски, Пендаровски, Џафери, Спасовски, Груби, Османи, Маричиќ, Грковска, Петровска и на другите министри во Владата на СДС и ДУИ, во согласност со законот за раст на просечната плата ќе пораснат за дополнителни 400 евра оваа 2024 година.
И додека граѓаните едвај врзуваат крај со крај, едвај преживуваат со енормно зголемените трошоци за живот, Ковачевски и неговите министри од СДС и ДУИ земаат 78 проценти повисоки плати или над 2.500 евра месечно.
365 дена е сѐ полошо и полошо со СДС и ДУИ.
365 дена СДС и ДУИ носат само порази за граѓаните.
Во Македонија со СДС и ДУИ никогаш не било полошо, затоа важно е да ги поразиме“, се вели во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На свечена церемонија, утре Пендаровски ќе и’ ја предаде функцијата на Силјановска-Давкова
Во Кабинетот на претседателот, утре – 12 мај ќе се одржи официјална церемонија на примопредавање на функцијата Претседател со највисоки државни и воени почести.
По свечената церемонија новоизбраната претседателка Гордана Силјановска Давкова и претседателот Стево Пендаровски предвидено е да остварат тет-а-тет средба.
Државната изборна комисија денеска и’ го издаде уверението за избран претседател на Гордана Силјановска-Давкова. ДИК ќе треба да достави извештајот до Собранието за да биде закажана седница за утрешната инаугурација на Силјановска Давкова. Потоа таа пред пратениците ќе треба да даде свечена изјава по која ќе почне нејзиниот мандат.
Мандатот на Пендаровски истекува утре.
Македонија
Aхмети тврди дека со челниците на „Вреди“ во јануари потпишале декларација дека ќе владеат само со партии што поддржуваат уставни измени
ДУИ тврди дека и првите луѓе на коалицијата „Вреди“ (Влен), со кои ВМРО-ДПМНЕ договара коалицирање во новата Влада, се потписници на декларација во која уверуваат дека ќе владеат заедно само со оние политички партии кои се согласуваат да ги поддржат уставните измени.
Лидерот на ДУИ, Али Ахмети на денешниот собир на претставниците и членството на коалицијата рече дека декларацијата била потпишана во јануари годинава.
Во неа, се наведува дека почетокот на преговорите со Европската Унија (ЕУ) носи стратешки и значајни придобивки за нашата земја, а потписниците со обединет глас се придружуваат да одговорат на итната потреба за решавање и стабилност во земјата.
„За овие цели ние како политички партии изјавуваме: ‘Ние, долупотпишаните политички партии, имајќи ја предвид состобата во која се наоѓа државата и должноста што jа имаме кон граѓаните, чувствуваме обврска да изјавиме дека сме целосно решени, сега и во иднина да соработуваме и да владееме заедно само со оние политички партии кои се согласуваат да ги поддржат уставните измени како услов за продолжуванье на процесот на интеграција на земјата во ЕУ. Потписи на партиски претставници (наредени по азбучен ред): Арбен Таравари, Африм Гаши, Али Ахмети, Билал Касами и Изет Меџити“, стои во документот што го прочита Ахмети.
Претпладнево се случи првата рунда на преговори помеѓу ВМРО-ДПМНЕ и Влен, по којашто партиите соопштија дека ги договориле општите начела за идната Влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото.
Од тука додадоа дека двете страни ќе формираат работни групи, на кое ниво ќе продолжат разговорите за коалицирање.
Во изборната кампања, ВМРО-ДПМНЕ и „Вреди“ излегоа со различни ставови за уставните измени, но во повеќе наврати беше потенцирано дека разговорите на таа тема ќе бидат ставени на маса по завршувањето на изборите.
Македонија
„Договорени се општите начела за идната Влада“ – заврши средбата на ВМРО-ДПМНЕ со Влен
Денеска беше остварена средба помеѓу ВМРО-ДПМНЕ и ВЛЕН. Од страна на ВМРО-ДПМНЕ беа присутни претседателот Христијан Мицкоски, потпретседателите Александар Николоски, Владо Мисајловски, Тимчо Муцунски и Гордана Кочоска Димитриеска, како и шефот на кабинет на претседателот Владимир Нелоски, од страна не ВЛЕН беа присутни Арбен Таравари, Изет Меџити, Биљал Касами и Африм Гаши.
„Договорени се општите начела на соработка за идната влада, која ќе се базира на три постулати: евроинтеграции, забрзан економски развој, борба против криминалот и корупцијата и владеење на правото“, објави ВМРО-ДПМНЕ по средбата.
Заклучено е дека двете страни ќе формираат работни групи, на кое ниво ќе продолжат разговорите до нивно финализирање.