Македонија
Во Битола свечено доделување на оштинската награда „4 Ноември“

Во салата на Центарот за едукација на ФИКТ во Битола, денеска, свечено беа доделени општинските награди „4 Ноември“.
Претседателот на Советот на Општина Битола, воедно и претседател на Управниот одбор на Фондот за наградата „4 Ноември“, Валентин Груевски, ги образложи одлуките на Управниот одбор за годинешниот избор на наградените.
Годинава, наградата за животно дело ја доби Петар Георгиев – Калица.
Општинската награда „4 Ноември“ за 2020 година им е доделена на Митревски Димитар и Тодоровски Благојче, меѓународен судиски пар, Лидија Тфирст-Митревска, директор на ЈОУДГ „Естреја Овадија Мара“, Македонското научно друштво – Битола, доцент доктор Владимир Рендевски, специјалист неврохирург, и на Панде Димитровски, автор на проектот „Незаборав“.
Градоначалничката на општина Битола, Наташа Петровска, која им ги врачи наградите на добитниците, истакна дека денешниот ден има посебно значење за градот.
„Оваа година, на 76. година од виорењето на слободарското знаме, е поинаква од сите други. Овде сме помалобројни, во поинаква форма на чествување поради околностите со кои се соочува не само нашиот град, нашата држава, туку и целото човештво. Денес, повеќе од која и да е друга прослава што сме ја имале, свесни сме колку значи заедништвото, колку многу вреди творењето, колку повеќе исполнува создавањето. Свесни сме дека само со верба едни кон други, со почит кон професионализмот, кон стручноста, кон дисциплината, можеме да ја премостиме оваа здравствена криза“, порача градоначланичката Петровска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: СДС е партија чиј премиер Ковачевски даваше земја за фотоволтаици на сопствената сопруга, и Заев кој даваше лиценци на брат му

„СДС да каже кој закон е прекршен, со набавката во Министерството за дигитализација? Дали вработениот кој го посочуваат е некој функционер или член на комисија која одлучува во однос на набавките? Наместо да манипулираат СДС треба да ја прифатат реалноста дека не се работи како до сега“, велат од ВМРО-ДПМНЕ.
„Да потсетиме дека премиерот од СДС, Ковачевски даваше земјиште за фотоволтаици на својата сопруга, и тоа со одлука на владата со која тој управуваше. Премиерот на СДС, Заев, даваше тендери и лиценци на фирмите на братот, братучедот и роднините“, посочувааат од партијата и додаваат:
„СДС е партија чии претседатели делеа бизниси на своите семејства“.
Претходно Методија Илиевски, потпретседател на СДСМ рече дека постои нов скандал во министерството на Андоновски и дека тендер добиле родители на негов вработен.
Скопје
Скопјанец нашол граната на Водно и ја земал со себе

Вчера во 14.11 часот во СВР Скопје, З.Н.(71) од Скопје пријавил дека на 29.03.2025 околу 12.30 часот, додека се движел по падините на Водно, пронашол граната, по што истата ја зел со себе.
Утврдено е дека гранатата е со калибар 75 мм, од Втората светска војна и била земена за понатамошна постапка
Македонија
ВМРО-ДПМНЕ: И по 10 месеци СДС не сфати зошто рејтингот им е непрепознатлив а Филипче неприфатен од народот

И по 10 месеци не научи ниту една лекција зошто народот не ги прифаќа. Знаеме дека СДС најсреќни би биле да нема проекти, да нема ленти и да нема развој, но за нивна жал и за среќа на граѓаните тоа нема да се случи, велат од ВМРО-ДПМНЕ.
„Го советуваме прескапо платениот Спасов и агенцијата Рејтинг да си ја сменат ПР стратегијата“, посочуваат од партијата и додаваат:
„И наместо да очајуваат зошто Владата работи, треба да излезат и да ги пофалат проектите кои се од корист за граѓаните. За 10 месеци се направи повеќе од 7 години власт, Филипче, Заев и Ковачевски“.