Македонија
Во моментов гори на седум места низ Македонија, изгаснати 15 пожари

Во текот на денешниот ден, до 19:00 часот, има вкупно 24 пожари на отворен простор, од кои активни се 7, под контрола се 2 и изгаснати се 15, информираа од Центарот за управување со кризи.
АКТИВНИ: 7
1. Општина Чашка: Планина Мукос – с.Степанци, м.в.Кадиица – с.Оморани, с.Ораов Дол (мешана шума);
2. Општина Прилеп: с.Пештани – с.Кокре – с.Кален (нискостеблеста вегетација);
3. Општина Штип: с.Хаџи Хамзали – с.Едеклерци – с.Топлик – с.Драгоево, полигон Криволак (нискостеблеста шума, смреки и сува трева);
4. Општина Чучер-Сандево: с.Танушевци, м.в.Рамно (мешана шума);
5. Општина Прилеп 2: нас.Тризла (ѓубриште);
6. Општина Теарце: с.Теарце (стрништа, грмушки и сува трева);
7. Општина Демир Хисар: с.Вардино.
ПОД КОНТРОЛА: 2
1. Општина Долнени: Планина Мукос, с.Десово – с.Дреновци (мешана нискостеблеста шума и сува трева);
2. Општина Теарце: с.Глоѓи (ѓубриште).
ИЗГАСНАТИ: 15
1. Општина Сопиште: с.Јаболци, м.в.Краста (камион и ниска вегетација);
2. Општина Ѓорче Петров: с.Кучково (мешана шума и сува трева);
3. Општина Бутел 1: Качанички Пат (сува трева);
4. Општина Бутел 2: с.Љуботен (сува трева);
5. Општина Гази Баба: с.Јурумлери (ѓубре);
6. Општина Куманово: с.Табановце (сува трева);
7. Општина Липково: с.Никуштак (висока сува трева);
8. Општина Старо Нагоричане: с.Татариновац (висока сува трева);
9. Општина Гостивар 1: с.Долна Бањица (ѓубре);
10. Општина Гостивар 2: с.Форино (сува трева);
11. Општина Врапчиште: м.в.Тумба (сува трева);
12. Општина Прилеп 1: с.Радобил (шума);
13. Општина Прилеп 2: кај ресторан „Романса“ (сува трева);
14. Општина Битола: с.Острец (папрат и шума);
15. Општина Кочани: с.Нивичани (мала депонија и сува трева).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.
Македонија
Тошковски – Поклукар: Одлична соработка на полето на безбедноста, Словенија ја дава својата поддршка во секој чекор

Денеска во Охрид, министерот за внатрешни работи Панче Тошковски, оствари работна средба со делегација на Министерството за внатрешни работи на Словенија, предводена од министерот Боштјан Поклукар.
На средбата фокусот беше ставен на унапредувањето на меѓусебната соработка и продлабочување на одличните пријателските врски меѓу двете министерства и полиции во борбата против организираниот криминал, ситуацијата со илегалната миграција, внатрешната контрола и соработката помеѓу центрите за обука на полициските службеници. Македонската делегација на средбата предложи потпишување на Меморандум за разбирање помеѓу Центарот за обука на МВР и словенечката полициска академија за зајакнување на соработката во областа на образованието и заедничките обуки на кадетите и полициските службеници од двете полиции.
Тошковски се заблагодари на министерот Поклукар за целата поддршка што Словенија и словенечкото министерство за внатрешни работи постојано ни ја даваат како министерство и држава, како во справување со пожарите минатата и оваа година така и целата поддршка што ни ја дадоа во справување со последиците од трагедијата која се случи во Кочани оваа година.
„Република Словенија и нивното министерство се едни од клучните партнери и поддржувачи во реформите кои ги правиме, преку користење на нивното знаење и искуство, како за новите закони за полиција и внатрешни работи. Отпочнуваме соработка и во нашата иницијатива за отворање на Регионална асоцијација на полициски академии, обуки за полициските службеници со цел професионализација, доедукација со цел креирање на ефикасна европска полиција“, образложи Тошковски.
ТПотенцираше дека преку министерот Поклукар, пријателската Словенија уште еднаш ја потврдува својата поддршка како еден од нашите најголеми поддржувачи во процесот на евроинтеграции, со тоа што се вложи со целиот негов тим да бидат на располагање на македонските полициски службеници и МВР во однос на исполнување на сите услови и критериуми зададени од Европската унија.
Словенечкиот министер за внатрешни работи Боштјан Поклукар го потенцираше пријателството и соработката што меѓу нашите народи и држави се пренесува и на министерствата за внатрешни работи и потенцираше дека и во иднина можеме да сметаме на нивната целосна поддршка како во искуство и знаење така и на конкретни проекти и ситуации со цел да придонесуваме кон поголема безбезбедност на регионот, нашите држави и нашите народи.
„Наша оценка е дека министерството за внатрешни работи и македонската полиција прават одлична работа и тоа секогаш сум го истакнувал и во Европа како член на советот на министри за внатрешни работи на Европа. Одличната идеја за Регионална асоцијација на полициски академии ќе ја поддржиме и учествуваме во неа за да креираме професионални полиции на Балканот за побезбеден регион за сите. Ние сме веќе сојузници заедно во НАТО и нашата поддршка ќе продолжи во секој ваш чекор кон приклучување во нашето европско друштво на нации каде е и вашето место“, потенцираше словенечкиот министер Поклукар.
Поклукар истакна дека Словенија целосно ја поддржува Македонија на интегративниот пат кон Европската Унија и ја изрази спремноста за помош на европскиот пат кој на крај носи огромни бенефити за граѓаните и функционирањето на институциите и изрази надеж дека заслуженото место на Македонија во ЕУ ќе дојде што поскоро.